生命樹

啱啱先發現...原來寫咗咁多年卜都未寫過一篇半篇影評...無他嘅因為亞祖又真係唔識寫嘛...haha...貢...今次何解又學人寫"生命樹"呢? 無他嘅...因為...真係好鬼like呢套戲囉!!好想記低佢....

實不相瞞...呢套片未開畫之際我真係冇諗過睇...一聽個名都已經feel到係悶片一套....難得一套Brad Pitt嘅戲我係唔想睇!! 之但係世事真係難料...當同樹M姐講咗呢套戲嘅故事大綱比我聽之後...我嘅想法就180度改變喇...直情好想即刻買飛去睇呢!! (唔知點解一開始已經係好想一條友去睇...haha!!)

最終...我一條友去戲院睇咗兩次哦!! 坦白講...若然搵唔到知音一齊睇...倒不如一個人靜靜欣賞呢!! (試想想...當你聚精會神咁睇戲之際...隔離啲朋友仔唔係媽叉緊套戲就係恰緊眼瞓....呢個情境相當不是味兒呢!!)

講咗咁耐....到底我like呢套片啲乜呢?貪Brad Pitt靚仔嘛?喜歡Sean Penn成熟穩重嗎?非常....haha...難得兩者皆不是!! 其實...呢套戲嘅"題材"最吸引我嘅地方(包拾人生意義, 生命, 宗教).....其實....戲入面大部份講嘅內容確係我呢幾年經常思考嘅課題!有趣有趣!! 查實呢套戲冇想像中難明....加上動聽嘅配樂同瑰麗的影像....真係不得不愛上"它"呢!!

印象之中....亞祖都係首一趟睇呢類電視...其實若然呢套戲早幾年上嘅話...怕睇悶片嘅我一定唔識欣賞呢...或者....這就是一種緣份吧!!

暑假童工之西瓜雪葩

又到暑假喇...又可以搵吓童工幫手整嘢食...今次就簡簡單單整番個西瓜雪葩消消暑啦!!真係唔好講笑...佢哋今次確係幫到手架...其實我至怕整生果架喇...又要去皮又要去核...若然唔係佢哋幫手我真係有排整呀!!

係睇...話咁快就幫我起哂肉....重剩咗啲西瓜汁...一人一杯!!正!!

我至like整雪葩...好味又簡單! 重有雪糕咁肥添呀!!

見到都透心涼!!

六本木 shabu shabu@銅鑼灣

又係團購嘅天下....呢期連大家姐都中咗毒喇..haha...呢餐係大家姐幫手買團購飛架!! 其實星期一先食完餐爛爛哋嘅團購餐...真係有啲驚驚哋呢...唔敢期望太高!

可能真係冇期望...最後反而有啲驚喜...啲牛牛質素真係幾ok喎!!

重有個靚仔甜品送!!個個都食得好滿足呢!!

自製水晶膠吊咀

尋日又去咗玩手作仔喇....今次呢個都係"團購"course...盛為99大元...見佢平平哋又走去見識見識吓乜嘢係水晶膠吊咀...

其實做法都幾簡單...首先當然係搵吊咁先啦....我哋會完成兩個吊咀....

之後就用唔同嘅配件(好似膠石, 膠珠, 膠片,金屬/膠花 等)..砌出你喜歡嘅圖案...導師叫我哋一個用布襯底...一個用閃粉襯底....紫色呢個就係用咗布襯底...

另一個...本應想試吓白色閃粉架...不過導師話會好淺色唔多覺...最後改用金色閃粉....當然首先要砌好個圖案先啦!

砌好之後要先先將砌好嘅嘢拍個"遺照"先架...因為要落水晶膠去吊咀度...所個吊咀上嘅嘢要拎走先....落完水晶膠之後再一一放番上去....yeah...攪掂! 等12個鐘佢先會乾哂架!!走嗰陣真係一路行一路驚佢跌鬼哂!

第二日起身急不及待睇睇佢哋...真係乾哂喇....不過似乎唔多夠水晶膠喇...若然上面再可以放多少少水晶膠個效果應該會好啲!! 黑色系列...對我嚟講真係新嘗試呢...真係好少整黑色嘢...好在呢個效果都唔錯!

hehe...次次都要整一整紫色...賣"飛佛"呀!

又整番張合照先!!

一日趕兩場...

尋日一日次內睇兩個show真係破咗個人紀錄! 本來以為今次同黃子華無緣...點知佢加場重係加下晝場(若然唔係加日場都恐怕未必睇到, 呢日晨早買咗飛睇小豬!!!)....

坦白講...亞祖比較期待黃子華舞台劇多啲....果然子華兄冇令我失望!加強完場後加插15分鐘嘅研討會...真係非常精彩(haha...我係問問題嘅朋友....加添不少娛樂性!!)

睇完黃子華食完飯又去趕另一場show....小豬是也!! 可惜....冇上次貢好睇!!! 確實有點失望呢.....

Holle Kitty黏土電話座

今日跟搣匙去學整黏土喇...今次搣匙教我哋用輕黏土整卡通人物嘅電話座....我就整咗個蝦蟆kitty....由於時間關係搣匙已經一早準備好啲圖片比我哋喇!

搣匙step by step咁教...又好似唔難整喎...不過確係要花啲時間整...

千辛萬苦終於整咗個kitty出嚟喇.....

yeah...終於攪掂...唔覺唔覺參唔多整咗4粒鐘...over run咗粒幾兩粒鐘...真係辛苦哂呀搣匙!!

其他同學仔都整得好靚架.....

其實重有少少裝飾未整...番到屋企就急不及待完成埋佢喇....yeah...今次真係完成喇!!!

真係攞到個電話架...幾實用!!

黏土蛋糕の生日小禮物 (7月喇星)

食7月喇星飯又點少得喇星cake呢...呢個就係7月喇星cake喇...haha...抄美心個芒果蛋糕架.....呢期拎咗唔少蛋糕catalog番屋企...可以參考參考!!

見個cake齋齋哋...用咗拎咗啲用嚟貼指甲嘅貼紙圍邊...個樣好似冇咁悶喎!

未整過黏土花...呢個都係小試牛刀...重有好多改進空間呢!!

希望7月喇星喜歡啦!!

 

7月喇星飯@Okapi

每年嘅6-9月都有一連串嘅喇星飯要食....今次就輪到7月嘅喇星飯....試試呢間先....個款都好似ok喎....環境唔錯...價錢都唔算貴!!

大食嘅朋友仔們一人叫一個set dinner之餘重叫多咗個頭盤焗田螺...兩個主菜包括白酒煮蜆同pizza...食唔食得哂呀?!坐我隔離嘅朋友仔竟然有呢個"疑問"?唔係fa...第一日識大家咩....我對大家嘅"食力"真係非常之有信心呢!!haha

先嚟頭盤鵝肝同焗田螺...重有餐湯....

主菜一人一份...有牛...有羊...有豬..又有魚....碟碟都好大碟...超包....個蜆都ok...反而pizza比較失色......

最後緊係到甜品時間啦...加$可以轉心太軟...不過真係太漏喇....轉兩個心太軟已經好夠...嗯....反而呢堆甜品都唔係我杯茶呢!!

亞茂整餅

又嚟整餅喇...不過今次係整"堅"餅....難得工聯會有一堂實習班(唔駛嘢嘢上十堂八堂咁攰)....百零蚊有得玩又有得食(所以啲堂超full)...好難得先搵到一堂上咋!!

其實今次係整至普通嘅"生日蛋糕"(反而啱肥師奶佢哋食呢)...逐個step跟住老師整又好似幾簡單....oh...原來今日老師重教埋我哋用麥牙糖 + 白古古力搓糖公仔...haha....好似搓泥咁, 真係好玩!! (我重掛住搓泥連書都冇聽...好在之前玩過吓整餅...唔係真係跟唔到...hehe!).............

整好喇.....個餅中間有芒果餡架...不過由於時間關係有影製作過程!!

第二日大家姐幫得拎咗個餅比啲小魔怪做下午茶....

跟住老師整....都唔會差得去邊...ok架!!!

多謝呢位小fan屎"大力支持"食咗兩舊cake喎!!