自製水晶膠吊咀

尋日又去咗玩手作仔喇....今次呢個都係"團購"course...盛為99大元...見佢平平哋又走去見識見識吓乜嘢係水晶膠吊咀...

其實做法都幾簡單...首先當然係搵吊咁先啦....我哋會完成兩個吊咀....

之後就用唔同嘅配件(好似膠石, 膠珠, 膠片,金屬/膠花 等)..砌出你喜歡嘅圖案...導師叫我哋一個用布襯底...一個用閃粉襯底....紫色呢個就係用咗布襯底...

另一個...本應想試吓白色閃粉架...不過導師話會好淺色唔多覺...最後改用金色閃粉....當然首先要砌好個圖案先啦!

砌好之後要先先將砌好嘅嘢拍個"遺照"先架...因為要落水晶膠去吊咀度...所個吊咀上嘅嘢要拎走先....落完水晶膠之後再一一放番上去....yeah...攪掂! 等12個鐘佢先會乾哂架!!走嗰陣真係一路行一路驚佢跌鬼哂!

第二日起身急不及待睇睇佢哋...真係乾哂喇....不過似乎唔多夠水晶膠喇...若然上面再可以放多少少水晶膠個效果應該會好啲!! 黑色系列...對我嚟講真係新嘗試呢...真係好少整黑色嘢...好在呢個效果都唔錯!

hehe...次次都要整一整紫色...賣"飛佛"呀!

又整番張合照先!!