Tea time ~ Scone

 

一直以嚟都好想試吓整SCONE....因為佢都算係我至愛之一....加埋啲士多啤梨JAM揀直係完美呀!!! 聽人講好易整....不過硬係的唔起心肝去整....前幾日上無啦啦了起條筋好想整....一於上網搵吓食譜....睇嚟都真係唔太難喎....搵個比較簡單嘅食譜試吓整先!!

星期六開工....材料同做法都好簡單....啱哂我呢啲懶人!! 掛住整唔記得影中間啲STEP喇!

由於時間關係...已經焗好喇....個味同個款都幾似樣....比咗我啲試味兵團試咗冇毒, 味道方面一致通過呃得吓人...下次可以再整過喇...HEHE!


趁佢新鮮出爐試吓味先...緊係要加埋士多啤梨JAM啦...嗯...做戲要做全套....下次要整埋士多啤梨JAM先得!! (花型SCONE, 睇落冇貢悶呀..HAHA)

盛放!!

上年11月嘅某一日....同樹卡露無啦啦隊咗幾盆孤兒仔花嚟叫我幫手照顧吓佢哋...其實嗰陣大家都唔多知佢係乜東東, 連佢有冇花開都唔多清楚...睇佢啲斷估都係紫蘿藺啲friend掛....話時話我都未試過種呢隻花架....即管試吓啦, 反正個OFFICE都冇乜生氣咁...種啲嘢冇咁悶嘛! 希望佢唔好貢快比我屎喺我手上就得喇!!

跟據同樹講...我淨係星期一同五淋吓花就得架喇.....就係咁淋呀淋...淋呀淋...淋咗半年都係得啲葉...鬼咩....成日都唔拎盆花去哂....我真係試過拎去哂盆花離開我視線範圍之後連花都唔記得淋....就係咁之後都唔多敢再拎去哂喇...HAHA....好在盆花嘅生命力好強...冇死不得止,近排重開咗花添呀!!

原來唔覺唔覺啲葉都大咗好多架....你哋繼續努力呀!!

 

青蛙牌月餅...

好快又到中秋喇...小青蛙又準備開壇作法整月餅....佢呢期整咗啲SAMPLE比大家試....好味!!!

考驗....

都話黑架啦....你睇...又嚟喇....無啦啦又多撻"啦"喇....上星期晾衫嗰陣驚見書房嘅天花板無啦啦有裂痕...裂痕周圍重有水蹟添...究竟又邊度漏水呀...救命呀...乜解救呢期成日玩水災呀....吹啤啤!!


嗯...莫非...."袮"又想考我? 我成日覺得個天好似知每個人嘅弱點同缺點咁...耐唔耐就出啲難題去考考大家!去提醒大家嘗試去克服去改變.....

好似我咁...明明又懶又依賴又怕悶...."袮"就安排我獨居, 好唔容易先學識獨立...學識享受打理家務...學識獨處, 重學埋搓泥跑步影吓相打法時間....真係好唔容易先過到關...過咗呢關呢....又輪到巧我人與人之間嘅相處之道...坦白講...呢科...我FAIL....以前一味淨係識遷就...以為退一步真係可以海闊天空, 點知原來好多嘢都係惡性循環....你退一步...別人會行前一步....好多時我已經冇路可退(其實人與人相處唔係應該要"互相"遷就、“互相“尊重、“互相“包容咩？！...得我一個係咁退後, 太冇意思喇!!)....  好喇...到我想表達吓我嘅難處同感受嘅時侯....人哋反而覺得我有自己嘅想法係我錯, 唔忍埋落去係我錯....番工係咁...放工又係咁..好攰呢!!雖則呢科唔合格, 但係都有少少領會..."真話"本來就係唔多啱聽...可能我又真係表達得太直接, 聽落就更加"銀耳"...攪到次次都舔嘢, 幾熟都好...下次要再婉轉啲表達...點都好...識得表達自己嘅感受好重要哦...一定要學!!努力!!

"袮"當然知道我大意又唔識精打細算啦...去到泰國都不忘教我要好好保管財物重要做個精明嘅消費者!!好明顯..."袮"又知我膽小....又安排咗啲靈異事件考考我...呢科...TOUCH WOOD...我又OK喎...係驚架..不過都算過關啦...家陣再提起呢啲靈異事件我真係可以當"笑話"咁講...不過其他人聽完都話毛管戙..其實佢哋重膽小呀...不如"袮"去考佢哋啦...HAHA!!

好好好.."袮"知我怕煩嘛...又攪到我屋企水災....好!驚你咩....嚟咪嚟....尋日管理處派咗兩個亞哥嚟睇....佢哋估計係個窗框滲水 (原來睡房都有同樣問題呢), 横掂年尾要玩驗窗(睇怕啲窗都唔PASS架喇)...唯有到時再整啦!!話時話...查實我重有大把弱點同缺點喎...死啦究竟"袮"要考到我幾時呀....施主..."袮"幾時先收手呀? GOD BLESS!!

夏日炎炎...

鬼死咁熱真係冇乜胃口食嘢....每次晚飯時間都真係相當頭痛....都唔知食乜好!!! 有晚..又攰又唔想出街食....行去SUPERMARKET睇吓有乜快靚正啦...見到有冬瓜仔賣喎...一於煲個瓜粒湯飲....食冬瓜既消暑又飽肚....加啲冬菇同濕米再加少少瘦肉...呢個湯真係懶人恩物!! 下次再ENCORE先!!!

 

超齡親子班。。。

青蛙呢期喺荒島攪咗啲整餅親子班......今日就同咗啲同樹一齊去現...話明係親子班...所以啲同樹都有帶小朋友一齊去玩....而我就同師姐一組組咗隊超齡親子組....HAHA....

今日學整曲奇餅....有原味同咖啡味....好鬆化喔! 遲啲喺屋企再練習吓先!!

讚!!

估唔到第一次CLAIM旅遊保會咁順利....由交FORM到收到張票只係兩個星期時間....重可以CLAIM到MAX. AMOUNT....喜出望外!!

上星期打去保險公司問吓乜情況, 重以為佢會HEA我....點知:

亞祖: 我上星期交咗FORM....都一個禮拜有多架喇....又話收到CLAIM FORM會通知我...家陣都未有消息...可以幫我CHECK CHECK嗎?
保險HOTLINE: 噢....我哋已經準備緊張CHEQUE...你下星期會收到架喇....
亞祖: 有CHEQUE添...咁CLAIM到幾錢呀? (心諗: 快到咁有啲難以置信...唔通想比一百幾十耍走我?!)
保險HOTLINE: "嘟"千蚊..(我真係聽唔清楚...以為佢講一千蚊)
亞祖: 吓...得一千蚊....點解嘅....點評估架?? (失望中....)
保險HOTLINE: 唔係...三千...MAX 三千嘛...
亞祖: 三千...即係CLAIM咗三千比我呀....(我...係咪發緊夢呀....典解咁順攤嘅....)
保險HOTLINE: 係呀...你下星期就收到CHEQUE架喇...


最後....根本唔駛下星期....上星期六已經收到CHEQUE喇....真係要讚一讚佢嘅效率....抵我十次有九次去旅行都幫趁佢!

又食好嘢？！

傻瓜同樹dinner@孫三郎


肥Ｃ奶一家Dinner@香格里拉

卜聚＠季季紅

朋友仔Dinner@大中華

係呀。。。又食好喇呀我。。。ＨＡＨＡ。。。次次見到啲朋友同卜友。。。第一句開場白都係＂你又去邊度食好嘢？又去邊度玩呀？＂。。。又係嘅。。。次次有好嘢食去到啲好好玩嘅地方都好想記低佢，記低快樂嘅回憶。。。耐唔耐睇番啲相同卜都好開心架！！

不過原來當我食緊好嘢同玩緊嗰陣會聽到一啲＂另類＂嘅問題。。。而且重係小朋友問嘅。。。真係估唔到原來家陣啲小朋友都好細心架！　

有一次。。。。我去肥Ｃ奶屋企黐餐。。。正當我喺度享用緊一枱魚蝦蟹之際。。。肥Ｃ奶無啦啦問我：
肥Ｃ奶：　亞仔，如果你唔上嚟食飯會去邊架？
亞祖：　我諗可能去葵芳ＨＥＡ陣再去食嘢掛。。。
肥Ｃ奶：　咁。。。你會食乜架？
亞祖：　嗯。。。我諗食米線嗰啲嘢。。。
肥Ｃ奶：　咁你唔嚟就冇好嘢食喇。。。咁你平時呢。。。平時去邊。。。食乜嘢架？


ＨＡＨＡ。。。同啲朋友仔食咁多次飯。。。真係冇乜邊位問過呢條問題！

又有一次。。。ＭＥＭＥ同大家姐去咗我屋企。。。我同ＭＥＭＥ玩緊之際。。。ＭＥＭＥ無啦啦匾哂咀咁問我：
ＭＥＭＥ：　亞仔。。。我覺得你好可憐呀。。人人都有爸爸媽媽一齊。。。點解你一個人住嘅？好可憐呀。。。
ＨＡＨＡ。。。見到ＭＥＭＥ匾哂咀其實真係幾感動架。。。估唔到４歲幾人仔會問呢個問題。。。重ＦＥＥＬ到佢係關心嘅口吻嚟問（當然都係充滿好奇心咁問）。。。坦白講。。。真係唔識答囉。。。。唔知點答佢先明。。。最後大家姐答咗堆九唔搭八嘅嘢耍走佢。。ＨＡＨＡ！

大家睇完以上嘅對話。。。係咪開始明白點解我咁喜愛呢啲小魔怪呢！

7月之星小禮物

今年啲生日禮物...坦白講...冇乜驚喜可言...都係麵包同麵包....不過都儘量攪吓新意思啦....加少少新嘢冇咁悶...估唔到朋友仔又真係睇得出佢份生日禮物同六月之星嗰份有乜唔同！！勁呀！冇錯。。。。就係多咗蛋撻喇。。。。個冬甩都唔同咗色架！！


其實７月喇星得一位。。。點解有兩份禮物呢？？因為ＭＥＭＥ話好鐘意啲包包叫我整啲比佢。。。ＨＡＨＡ。。。佢貢欣賞整多啲比佢先。。。ＨＥＨＥ。。係架。。。擺明偏心架。。。佢啲包包多啲架。。。

忙碌星期五...

 

星期五放假....今日係肥C奶小學畢業...話咁快又六年....之前佢幼稚園畢業我都有去架....估唔到佢重記得! 呢日睇佢畢業...其實真係幾感動架....睇住佢大...都睇住佢一路路貢...肥...HAHA! 真係大個咗好多..唔知佢中學畢業嗰陣我有冇得參與呢? 希望之後都繼續同佢咁FRIEND就好喇!


參加完畢業禮重有畢業BUFFET食添...食飽去下場...好耐冇嚟喇...個年証就到期...要去鬼屋睇吓先...唔好蝕呀!  其實我去到已經係下晝5點架喇...點知太陽伯伯未有耐收工...囇到爆....行咗陣已經溶咗喇.....重點出撃算啦.....7點閃喇...因為...又要趕下場.....

之後就去食7月喇星飯喇....OLE....啲食物都唔錯...係右下角嗰個飯真係太咸啫....其他食物好似蝦, 乳豬, 蜆都好好味....

哎呀, 讚壞咗添....啲甜品真係麻麻....冇乜特別....連簡單嘅焦糖笨蛋都怪怪的!!

古古力薔薇蛋糕

古古力薔薇蛋糕....本身唔係想整呢個架...不過張coupon就到期焗去啦(不過星期二個schedule...都唔應該係整呢個架喎!!)...呢個款係最唔想整嘅一款...因為古古力蛋糕唔係個個都食....我都係like原味蛋糕多啲! 算啦....都冇辦法照整......之但係...乜家伙去學整蛋糕.....老師居然拎啲蛋糕粉出嚟叫我哋整...貢...駛鬼上嚟學咩!! 今次真係比你坤咗上嚟喎!! 又話材料天然...以為有乜特別...咪又係用色素整啲葉...重咁冇誠意用蛋糕粉...嗰位教整餅嘅姐姐嘅態度都唔多友善.....連工具都唔齊全...乜q都要share超唔方便.....教人整蛋糕連個版都冇....邊有人會用隻碟當蛋糕教人抆cream架.....好離譜!!真吹漲!! 呢間...真係比我blacklist!!

頂!最後連個蛋糕盒都要自費...大拿拿廿蚊比你掠埋!! 咁樣做生意邊會長久架!! 完全唔得呀!! 冇誠意!!最冇心機整嘅一之!! 差到爆掠水到爆!!