冇海豚嘅Ocean Park

終於寫到呢篇卜喇.....次次去完海洋公園都散哂....要抖番3..5..7日先可以回氣呀....鬼咩....亞祖已經年紀大架喇....重要同兩隻小魔怪玩埋啲機動遊戲...走嚟走去....真係好鬼攰!

又嚟喇......喺門口影番張招牌相先.......其實......今次係我同大家姐帶佢哋去威架.......換言之......佢哋又比爸爸媽媽飛甩咗lu!.........

之但係....入場嗰陣...負責check飛嘅姐姐一嚟就話"今日冇海豚表演...."....oh....連鎮店之寶都冇.....典先?! 不過算罷啦....玩多陣機動遊戲補番數!

一開始就要"濕身"....好在做足準備...晨早帶定"便利雨衣"...足足玩咗3次先夠皮!

有新嘢喎...試吓先....不過....個什麼冰雪樂園冇乜"雪"feel....之但係坐吓呢個"水泡"當玩sir滑梯都幾過隱嘅...大家睇吓肥師奶嘅示範啦!

lunch方面....為免出去同人迫...都係自己帶啲食物去啦....

食飽又繼續玩喇.....有架新嘅海洋列車喎...試吓搭先...oh...不過...原來佢條路線係同纜車一樣...我哋傻吓傻吓搭咗架車落山添...妖!

橫掂都碌咗落山...順便探埋我啲親戚先番上山啦.....

又搭番纜車上山...真係"市花行"啊!

好....繼續玩喇....家陣排骨仔大咗...可以玩啲激啲嘅機動遊戲喇.....連肥師奶都玩咗兩轉海盜船....當然都係坐中間嗰行啦......佢嘅玩後感係......."個心好似飛咗出嚟再飛番入去咁"...又形容得幾貼切喎..haha! 之後去咗睇吓魚仔同水母就爬番落山喇....

都係兒童皇國啱肥師奶多啲......最後玩到7點先閃喇.....幾乎落閘放狗先捨得閃...真係攰爆......番到屋企11點幾就瞓鬼咗...勁!

值得

自從知道本書出咗之後...一直搵....大大話話行咗4、5間書局...不過間間都冇哂貨...今日再接再厲...終於...皇天不負有心人....一行入書局就見到成幢新書喇....終於買到...yeah!

咁....夜晚又多個活動喇....又要睇書...又要追"海派甜心"...又要聽懷舊金曲....又要寫卜....又要搓泥....究竟....一晚可以做到幾多嘢呢....好亂呀...真係心都亂埋!

雖則只係睇咗幾頁...不過...我覺得....真係好喜歡呢本書呀....可能佢嘅歌一直陪住我成長...對佢有種莫明嘅親切感同情意結....正確嚟講係"偏心"囉.....可能....佢出本冇字嘅書我都一樣咁鍾意....你吹得我漲咩...haha!

 

喪食兵團@馬交 - Day 2

話咁快又到咗第二日喇...一早起身食個早餐先....酒店入面嘅自助餐...都唔錯呀....不過...尋晚先食咗7餐...今日又食呢個自助早餐真係超飽!食完個早餐時間尚早....嗯...橫掂前一晚又勁唔夠瞓...所以我哋安排一個非常豐富嘅節目...就係....番上房眠一眠....瞓到check out為止....呢個節目係咪好好呢!

瞓醒就check out喇....咁...去邊好呢?! 嗯...不如又去食吖....呵呵! ...食番個葡撻先....超多人排隊呀....不過...我哋嘅食後感係...."咪就係同kfc嘅葡撻一樣囉!"....

食完葡撻好鬼口乾呀...朋友仔話"咁...去飲番杯茶咪啱囉!"...嗯...又係喎...有佢嘅道理...haha...呢度係"葡京日麗"呀...其實啲食物都唔錯架...不過我哋真係太飽喇....叫咗4樣點心咋...有叉燒包, 蝦餃, 蝦多士同咖哩蟹肉撻...

食飽hea完就繼續行程, 乜我哋有行程架咩?!..有架...我哋嘅行程咪就係勁走回頭路同無無聊聊周圍hea囉...hehe...就頭皮行吓啲睹場啦....先去永利睇樹....再去美高梅睇熊貓....乜我哋去咗郊遊麼?!

行完又食喇....小小哋食吓雪糕啦....一人一個雪糕三文治....好似唔夠喉喎...食多支紅豆雪條先....朋友仔就食花生雪糕....好味!

食完雪糕去附近行吓先.....

重要去買手信呀...噢!一行入手信街就聽到啲牛雜"呼喚"我哋呀....明哥...你啲牛雜確係幾明味......嗯...一人一串牛肚吖唔該........

都係嗰句啦..食完嘢口乾架嘛..又要去飲嘢喇...近近哋番酒店飲啦...横掂要拎番我哋寄存咗嘅行李....順便坐吓囉.....

番香港前要食餐晚飯....正所謂...食飽先上路嘛....我哋去咗蘇浙匯食呀....朋友仔們一面order一面話飽...不過...我真係對大家嘅"食力"好有信心....我鼓勵佢哋放心order啦.....終於....相入面嘅所有食物.......都一件不漏咁...比我哋消滅哂......呢餐確係好味....喺咁飽嘅情況之下都食哂啲嘢...重要覺得好味...真係掂!

等我介紹一吓啲食物啦..(睇番啲相真係一路寫一路吞口水呀)....有酸甜小排....我最like嘅醉雞...松子魚....素鵝....火腿上湯浸蛙蛙菜.....小籠包....棗泥窩餅同棗泥拉糕....全部都好好味呀....真係好回味.......

喪食兵團@馬交 - Day 1

前日同咗幾位朋友仔過咗大海吃喝玩樂....嗯.....查實呢....正確嚟講應該淨係去"吃喝"先啱囉....一日食足7餐....都幾得人驚haha!

下晝12點船....過到大海又係時候食lunch喇........

又未夠鐘check in...去咗食嘢先.....一嚟先扯個蝦子撈麵先....不過....份量真係太細...攝牙罅一樣.......

橫掂未飽...隊多碗薑汁撞奶先.....好夠薑...正!

終於夠鐘check in喇....今次我哋住十六浦呀...

間房又確係唔錯...重有個無敵大海景添.....連廁所都有電視機...勁!

放低啲行李又出去wet過....oh...係又出去"食"過先啱....去氹仔食吓牛雜先....45蚊一碟牛雜又唔平喎.......

食完牛雜有乜好做呢? 答案係:食甜品囉.....有木糠布甸同雪芭....本來我都想食"木糠布甸",不過真係太漏喇....為咗減低我嘅"罪孽"...最後都係揀我喜愛嘅"藍梅雪芭"!

其實....除咗食同食之外...我哋真係有行吓街架.....重去咗"新壕天地"參觀吓..

行完咪又要食嘢囉....正正經經食個晚飯先....嚟澳門梗係要食番餐匍國菜啦!

食完行咗陣又係宵夜時間...咁快?!係...由於時間關係...夠鐘架喇....食吓夜粥先....嗯...借問聲...呢間邊嘢鬼個推介架....真係麻麻咋喎....最好食反而係碟皮蛋酸薑...啲粥一般咋....油炸鬼好淋吓喎!成程嘢最唔掂嘅一檔...

行出路口又見到有牛雜檔....明明大家都話飽架喎....又買咗一盒....連相都影唔切又冇哂.....查實...大家係咪啱啱放出嚟?定係...十九幾年冇食過牛雜呢?!

黐飲黐食生日派對@荒島

前排小青蛙話幫佢可愛姪囝開個盛大嘅生日party...難得佢又邀請埋我呢啲無謂人參加....有飲有食...我緊係拿拿淋應承啦!

就係咁...上星期日就去咗荒島參加呢個生日party喇! 嘩...好多嘢食呀...重要全部都係小青蛙親自下廚架....要整五十幾個人嘅份量....難怪佢上星期五已經要開始準備啦...真係辛苦哂!

究竟有幾多嘢食?大家睇吓相就知喇...有熱辣辣磨菇湯、吞拿魚芝士三文治、皮蛋肉鬆豆腐、沙律雞蛋、炸薯條、焗雞翼、豉油皇炒麵、三絲冷麵、焗薯仔片

爭啲漏咗個焗ribs添....好味呀!

甜品方面有淫邪的蕉、荔枝蒟篛、什果大菜糕...加埋個鮮什果沙律...十九幾樣嘢...真係樣樣食少少都飽哂!

話明係生日party...又典可以少咗呢個主角呢....佢...就係麵包超人蛋糕...確係利害!

原來打通咗兩間function room呀...唔係真係擺唔到五十幾人!間房咁大....可以擺埋佢哋自備嘅波波池....個波波池簡直係小朋友嘅恩物...個個都玩得好開心....主人家重準備咗小禮物比啲小朋友...人人有份架!

重要時刻到喇....切番個生日蛋糕賀賀佢先....你睇...成班小朋友圍住個蛋糕眼金金兼流哂口水...重爭住吹爉燭...超攪笑....."俊廷"仔...祝你生日快樂...快高長大呀!

黏土製作の嫁女餅及盤菜第一回

無無聊聊嘅亞祖近日又開始上黏土班喇....今次都係整中式嘢....一嚟就整啲簡單嘅嘢先啦...就由嫁女餅開始.....話時話原來班入面有兩個準新娘呀...佢哋都係諗住整啲黏土嘅嫁女餅作為送比賓客嘅禮物...確係有心思呀!

查實睇落好似好簡單....不過個"囍"字要印得準成確係有啲難度呀...

個"囍"字就係用呢個印印出嚟架喇....

呢幾舊嘢其實係橢圓形架....呢個角度真係睇唔出囉..haha...究竟呢幾舊係乜? 嗯...其實未完成架.....下次再話你知呢幾舊係乜東東啦!

咁..呢兩個餅餅又係乜呢...好謎?!

重有兩件.....又係乜嚟呀?

太近鏡會唔會好難估呢...比個遠鏡你睇啦!

之前我重以為今次個course嘅老師同上次一樣...點知....原來上課地區唔同.....個老師都換埋....可能今次個地區比較偏啦...全班得7個人咋...上次我去尖沙咀上堂有成30幾人一班...真係蚊比同牛比...不過...其實少人係好啲嘅...起碼唔駛爭位坐嘛...之但係呢...呢位老師嘅教學方法同之前有好大分別...甚至用嘅顏料都完全唔同架! 要由頭適應過喇!