黐飲黐食生日派對@荒島

前排小青蛙話幫佢可愛姪囝開個盛大嘅生日party...難得佢又邀請埋我呢啲無謂人參加....有飲有食...我緊係拿拿淋應承啦!

就係咁...上星期日就去咗荒島參加呢個生日party喇! 嘩...好多嘢食呀...重要全部都係小青蛙親自下廚架....要整五十幾個人嘅份量....難怪佢上星期五已經要開始準備啦...真係辛苦哂!

究竟有幾多嘢食?大家睇吓相就知喇...有熱辣辣磨菇湯、吞拿魚芝士三文治、皮蛋肉鬆豆腐、沙律雞蛋、炸薯條、焗雞翼、豉油皇炒麵、三絲冷麵、焗薯仔片

爭啲漏咗個焗ribs添....好味呀!

甜品方面有淫邪的蕉、荔枝蒟篛、什果大菜糕...加埋個鮮什果沙律...十九幾樣嘢...真係樣樣食少少都飽哂!

話明係生日party...又典可以少咗呢個主角呢....佢...就係麵包超人蛋糕...確係利害!

原來打通咗兩間function room呀...唔係真係擺唔到五十幾人!間房咁大....可以擺埋佢哋自備嘅波波池....個波波池簡直係小朋友嘅恩物...個個都玩得好開心....主人家重準備咗小禮物比啲小朋友...人人有份架!

重要時刻到喇....切番個生日蛋糕賀賀佢先....你睇...成班小朋友圍住個蛋糕眼金金兼流哂口水...重爭住吹爉燭...超攪笑....."俊廷"仔...祝你生日快樂...快高長大呀!