港燦一日遊

又係黐金糠去玩喇....其實今次係MEME學校旅行....通常呢啲旅行都去埋啲我從未去過嘅地方(係架...我真係好大陸哩...香港有好多地方我都未去過架!!), 所以JOIN佢地玩都唔錯吖...起碼可以見識吓嘛!! 第一站船灣淡水湖, 呢啲地方通常都係中學去過嘅...嗯....不過我又真係唔肯定有冇嚟過呢度喇....實在係太多年前...HAHA....唔打緊啦.....家陣嚟咪一樣囉.....


第二站中國花園....呢個地方.......話就話可以摘士多啤梨...之但係...又唔當做, 連士多啤梨都唔多粒.....周圍又冇乜其他植物睇....到此一遊算啦!
之後就去流浮山食LUNCH喇....當然...食團餐就唔可以太高要求....食飽就去行陣....不過星期日真係超迫人.....

最後一站亦都係比較多嘢玩嘅一站...不過太趕喇...MEME玩咗兩樣嘢就閃喇!!

鬆一鬆

星期六要去老尖一趟辦點事....做完正好係LUNCH TIME....見呢期做嘢咁辛苦....去食餐好獎勵吓自己! HAHA...其實係"飲"餐好先啱...MISS U MUCH呀凍檸茶! 勝嘅!

嘆完檸茶就嚟咗呢度.....其實我都係偶然間喺FB見到呢個畫展....不過唔就得抄低個地址....淨係記得係灣仔咋.....不過又真係好想去睇睇....唯有去灣仔博一博, 睇吓同呢個晝展有冇緣啦....果然搵到呀...超開心....啲晝重超靚添呀!!

十級攰!!

 

呢個幾星期....因為上咗個死人SYSTEM, 日日番工好似打仗咁...一日已經接咗成個月咁多嘅CALL...日日都係咁....想死!! 真係攰到P哂K....對上一次上SYSTEM已經係十年前喇....想當年真係好好精力.....晚晚十點幾十一點放工都面不改容...家陣嘛....真係力不從心...冇心冇力呢!!而且。。。計落家陣要ＳＵＰＰＯＲＴ嘅SYSTEM實在太多喇....啲工作越嚟越多...人數就冇變...連人工都冇乜變.....淨係個人變老咗喇...身心皆疲!!


講咁耐...關呢個韓式炒年糕乜事呢?其實事原係咁嘅...今日將近放工嗰陣有同事問我今晚去唔去睇Tom Cruise套戲....Tom Cruise....真係想睇呀....比著以前...我一定二話不說GOGOGO 啦.....不過今時唔同往日...真係太攰喇...最後一口拒絕....寧願早啲番屋企休息....見呢個易整...橫掂攰到冇哂胃口....辣辣地開胃啲都唔錯呀!



真係超攰...今晚都要十二點前碌上床....早抖!

決戰一蚊雞...

呢餐已經約咗好耐吓架喇....因為太多意外....攪到今時今日先食....兩條友一人一隻雞....好明顯友人係睇少一隻雞嘅威力...原來想叫碟菜都已經食唔落喇...連白飯都要SHARE....又估唔到我一條友竟然可以食哂成隻雞.....最後加埋茶錢再加一.....位位16蚊有找! 好過份哦!! 其實呢度好多都係一大班人齋食雞....重係叫幾隻成棚SHARE!! 平均一人都唔駛一蚊就有雞食...重堅呀!

HEA遊海洋公園

星期六...無啦啦去咗海洋公園HEA....今次冇玩機動遊戲...齋行齋睇齋影相....
原來齋睇動物都可以行到腳仔軟架.....

行吓行吓又天黑....超攰!

彩虹蛋糕

又嚟亞茂整餅.....又嚟團購....嗯....其實喺網上見到個蛋糕...第一個感覺係..."都幾假吓...食唔食得架"....不過又想八吓實物係咪真係咁樣喎...所以又去玩吓囉....結果....咪真係咁假囉...完全唔覺得自己整緊蛋糕....以為去咁玩ART JAM....HAHA......見到都幾驚架....成檀嘢好似唔食得咁!

呢啲好嘢....緊係要搵埋啲家姐同姨甥一齊"分享"喇...HAHA....其實蛋糕嘅質地正常嘅...不過啲味道同顏色真係太過人工喇....不宜多吃...一次夠喇!!

阻咒再現...

上星期....不斷咁去老尖....好唔容易先逃出老尖嘅魔掌....估唔到呢個星期又好似被阻咒咁去咗幾鑊銅鑼灣!! 雖則喺對面海番咗咁多年工....之但係我同銅鑼灣呢個地方真係唔係好熟....好日都唔去吓架....所有呢舖真係幾有被阻咒FEEL架!!

首先...星期一就約咗啲同樹食2月同3月嘅小喇星飯...HAHA...好明顯之前大家都好忙....攪到4月先約齊人開飯....呢度係食私房菜架...食物都唔錯...不過侍應哥哥就似乎COOL咗少少......最正嘅就係呢日除咗我哋就冇其他客人....包場一樣.....幾嘈都唔怕!!

隔咗幾日...又約咗位朋友仔去食團購餐...嗯!服務態度唔好係咪會傳染架....繼前兩日COOL爆侍應後....今次要罰企!! 早到咁諗住睇吓可唔可以坐低夠鐘先吃啦....去到又真係冇人喎, 重要係大把位嗰隻...不過位侍應姐姐真係唔比位我哋坐.....真係要夠哂鐘先坐得...吹啤!! !其實佢啲食物都係OK嘅.....不過啲SERVICE真係爭少少!

到呢鑊喇....去飲....等咗呢位人兄請飲好耐喇....重可以見番好多舊同事....真係好似去咗reunion gathering一樣呢!

逃不出老尖的魔掌。。。@.@

今日下晝約咗幾位卜友仔去佐敦食tea.....食完都係4點幾....諗住行陣街....呢期成日出老尖...一於去旺角hea啦....就係咁....搭地鐵去咗旺角....殊不知....一落車冇耐就有條茂利whatsapp我....問我有冇性趣去科學館睇凱撒大帝展覽.....嗯!又真係好耐冇去過科學館....都好喎....

呢期除咗番學...有時唔覺唔覺都去咗老尖...好似被阻咒木樣....逃不出老尖的魔掌

又好耐都冇食火鍋喇...同咗朋友仔去吉野家食火鍋....唔知係咪我太心急....煲嘢未係超滾就食(不過啲食物已經係熟哂)....結果....痾咗3次...希望唔好再有第4次!!

虛渡了的復活節....

唉....今年復活節撞正YEAR END....冇錯...YEAR END我哋當然又係要STANDBY SUPPORT啦....做咗咁耐呢個遊戲規則我好明白亦都接受....之但係....可唔可以早少少講定邊日呢....雖然話唔知邊日有人番工...不過MAKE SENSE地...都可以揀定幾日應該要SUPPORT都不太難吧!! 最後我由3月29 SUPPORT掉到3月30號....最後再掉到3月31號!! 每日都話要SUPPORT咁你叫我點樣安排節目好呢?....好無奈...其實我呢幾日只係敢約人出去一日開飯咁大把....就正正係31號...比條生路嚟行吓好喎!....SAY NO又好似我好唔啱咁....最後SUPPORT半日.....噢! 唔係呀...正確嚟講....係每日都要SUPPORT....係真架...我由3月29至4月1 .....4日假期每日都要SUPPORT!! ....其中有三日都要10點幾起身....每次都起碼整2粒鐘...除咗黑仔之外....我...真係覺得自己像牛一樣!! ...真係乜MOOD都冇哂.....慘過番工...COMP LEAVE可以比番4日假期啲MOOD比我嗎? 呢幾日簡直可以用虛渡嚟形容!! 超討厭!

唔敢約人最後唯有食自己....炒餸時順便炒蝦炒蟹重想炒埋魷魚!!.....

KITTY的生日PARTY...

4月好多人生日呀....由肥C奶帶頭...,不過...佢攪咗幾次生日會都未到正日生日喎...HAHA....擺明係坤人哋啲禮物啦!! 今年送咗把KITTY遮比佢.....OH....原來佢有個朋友仔都送咗KITTY遮比佢呀...好在唔同款啫!!

喬寶寶演唱會

又嚟喇....上年先開完演唱估唔到今年再開.....於是我又同二家姐齊齊去捧場....今次喺伊館開....雖則地方細咗...不過感覺反而CLOSE啲....好似歌迷聚會一樣...加上我哋坐十鬆啲行....比上次啲紅館做山頂嘅朋友真係近好多...好開心呢....


其實我最喜歡都係佢啲舊歌...今次唱咗好多舊歌...重演繹咗一啲作比其他歌星嘅作品...全部都好好聽....!