尋找panda BB.....

星期六諗住去中環探吓我隻Panda BB.....一嚟先去交易廣場睇吓先....嘩!乜真係一街都係...點搵呀....雖則係超難搵不過一場嚟到都盡人屎搵吓啦....搵咗參唔多成粒都都冇收穫唯有去隔離怡和大廈睇吓有冇啦...OH...乜怡和冇PANDA嘅?唯有問吓information center啦...原來啲PANDA擺哂去交易廣場(之前又話怡和同置地都有嘅?!)...是但啦...又唔忿氣...唯有去交易廣場睇多次....都係冇囉....算罷啦...."貓"海茫茫真係好難搵...而且...我相信呢度都未必擺到1600隻熊貓咁多, 可能我個PANDA BB真係唔係度呢....等遲啲再接佢番屋企慢慢同佢玩啦!!

PANDA BB搵唔到...唯有化悲憤為食量...食完拉麵再食埋雪芭都未夠喉...再搵地方坐低飲埋杯嘢先閃.......

黏土功課之魚樂無窮(三)

又上完一個黏土COURSE...由於呢個COURSE啲功課真係少到冇朋友所以個COURSE完咗冇耐已經做完份功課,唔駛HEA咁耐真係非常好呀!

上次整完缸凸眼金魚,今次整熱帶魚.....呢款魚都算易整.....

排住整唔記得影相添...其實呢缸魚重有啲藍色魚仔、珊瑚、海草同水母架....

 

缸魚兩邊都有嘢睇架...點擺都得!

 

加埋彷真水就攪掂喇....冇用磅量啲彷真水...頭皮用膠匙羹量...都好彩冇出事嗜!

好喜歡嗰隻凌空飄浮嘅水母, 本來隻水母係沉咗喺底架....我趁啲彷真水開始杰杰哋嘅時候"了"起咗隻水母令佢浮起...呢個效果又幾得意喎!

書展2014

幾年冇去書展,記得對上一次去拎書拎到要睇物理治療咁滯,真係驚咗呢! 今年排骨仔話想去買書,一於捨命陪排骨!咁就當然唔少得肥C奶一齊去啦......

其實就算排骨仔唔係話去書展,今年我都諗住去書展嘅,想睇吓有冇黏土或者整餅書...果然比我搵到少少心頭好....排骨都買咗幾本書呢....

咁肥C奶咪冇收鑊?非也!起碼都食咗幾餐啦...見到佢哋食得開心我都好滿足呢! 先嚟LUNCH去咗豚王食拉麵...行完書展再去食太平館...點解唔食梳乎厘?因為佢哋想食聰嫂囉....超級飽!

騙徒出沒注意!

今日又出山去玩團購喇...嗯!即係咁....團購教嗰啲嘢通常都係有姿勢冇乜實際.....雖則我行走漿糊咁耐,都預咗乜料....之但係....今次真係有點失望呢!

是咁的, 得嗰兩粒鐘整我都明白一定係由於時間關係整定啲餅底之類嘅嘢...之但係...呢個CAKEPOP扮冬甩嘅物體本身已經相當奇怪, 最失望嘅係....佢啲蛋糕本身都好硬吓....睇嚟唔多新鮮...加上佢個場....嘩!實境同張相真係太大分別喇....加上卜COURSE嗰陣嘅不愉快經歷....嗯...呢間嘢真係比我blacklist了! 唉!上次重太衝動一次過買咗兩張COUPON....頂!重要捱多堂!

人坤我, 我坤人...HAHA...(呢檀嘢真係得個樣)....我諗自己番屋企再整應該好味啲!!其實呢間嘢都有可敢之處嘢...起碼幾有創意, 個樣確係呃得吓人!!

燒燒燒....

一排冇食韓國燒烤...又估唔到呢間居然有大蝦又有蟹, 若然有埋蜆就重正!!

 

 正常嘢好多都係牛同牛....牛舌,牛柳粒同牛仔骨....好味......重有雪糕同豆腐花.....超飽!

我的小熊貓....

1600隻熊貓去咗元創坊,我緊係要去探吓我啲同鄉啦.... 嘩...不過今日真係超熱,我又冇卜定位...雖則排隊都好快(其實祗係慢慢行入去唔駛停低排隊), 不過天氣咁熱行到去元創坊已經全身濕透!救命!

YEAH終於見到佢哋喇.....你睇佢哋幾得意,又大又有細架.....有啲重識踢波同玩雙節棍添! 

其實今日嚟除咗探吓啲同郷之外重有另一個任務架...就係要整隻同鄉出嚟喇....由於時間關係....小熊貓形嘅紙糊已經準備好, 不過都象徵式黐多層紙糊,用風筒吹乾後再上色就得架喇...雖然論論盡盡咁攪到成手都係顏料不過都幾過癮!

 

整完重有張證書添, 之後主辦單位就會挑選啲熊貓去展覽, 唔駛拎去展覽嗰啲就可以快啲拎番屋企....相信我嗰隻唔多靚仔嘅態貓BB一定可以好快番到屋企架喇......KAKAKA!!

美食一週...

過去一個星期非常忙...忙乜?就係忙於"食"喇...HAHA...一係冇啖好食...一係連食幾餐!先嚟一個打冷先啦....好耐冇食喇....不過呢餐嘅重點係....忌廉一支吖唔該!

隔兩日又食過....同樹攪嘅生日飯...由於時間關係...重係賀緊5,6月生日嘅同樹...HAHAHA!!由於之前卜嗰間酒樓摺咗....最後就去番文鼎酒家.....

第二日又同朋友仔們食過....今次真係7月之星喇.....清清地食齋.....

好快又第二日喇...又同卜友仔賀7月之星....連食三日真係幾堅.....