書展2014

幾年冇去書展,記得對上一次去拎書拎到要睇物理治療咁滯,真係驚咗呢! 今年排骨仔話想去買書,一於捨命陪排骨!咁就當然唔少得肥C奶一齊去啦......

其實就算排骨仔唔係話去書展,今年我都諗住去書展嘅,想睇吓有冇黏土或者整餅書...果然比我搵到少少心頭好....排骨都買咗幾本書呢....

咁肥C奶咪冇收鑊?非也!起碼都食咗幾餐啦...見到佢哋食得開心我都好滿足呢! 先嚟LUNCH去咗豚王食拉麵...行完書展再去食太平館...點解唔食梳乎厘?因為佢哋想食聰嫂囉....超級飽!