黏土功課之菜檔(二)

冇坤你架...我真係有努力做功課架...終於做到七七八八喇...只係爭上色啫(希望油埋顏色之後效果會更好啦!)...急不及待寫篇卜先...呢啲祗係其中一小部份咋....話明要開菜檔架嘛...咁少款式又點夠呢!

 大家又玩吓猜猜佢是誰!! 呢兩舊嘢上過鏡....認得佢喇掛...係呀...佢哋係濕米呀!

 

呢兩條嘢唔算難估喇掛...無錯..佢哋係蓮耦!

呢堆...咪就係菜囉...乜菜至得架? 嗯...又真係好似有啲難估哦..其實佢哋係唐生菜!

呢堆會唔會易估少少? 係露筍呀...

佢哋熟口熟面嗎? 佢哋係排骨仔嘅好朋友...西蘭花!!(因為排骨仔係乜菜都唔食架...淨係鍾意食西蘭花!!)

呢幾舊應該識喇掛....話時話...典解家陣啲三色椒咁貴架....廿蚊3粒...CRAZY!

 又嚟一堆菜...貼士係條菜嘅莖部係空心架...對...佢係通菜!

整多合照先!!

 

 

黑芝麻...嘩!!

呢期好努力咁清貨....之前買埋買埋嘅材料就快到期喇...要快啲清哂佢!! 今要嘅行動係要清咗盒芝麻醬同埋支菜油!!

由於星期六要留喺屋企STANDBY SUPPORT...一於玩吓整餅先!! 就嚟個黑芝麻甜品宴...HAHA!! 一嚟就整個黑芝麻卷蛋先!! 好緊張呀...對上一次整捲到爛哂好肉酸呀....可能焗到乾得滯...整卷蛋嘅蛋糕不能太乾呢!! 好...比多次機會比自己啦!! YEAH...個蛋糕今次發得唔錯...雖然個食譜寫要焗15分鐘...不過我個焗盤比較長...舊蛋糕會薄咗...所以得焗12分鐘就拎咗佢出嚟喇...時間啱啱好!! 由於要清埋啲芝麻醬...我就隊咗啲芝麻醬喺啲CREAM度!! 今之捲得好輕鬆呀...真係好"揀動"!!

 

見個卷強黑麻麻有啲悶...喺上面加少少糖霜整色整水先!!

HAHA....斑馬線咁...其實整綠茶上次失敗之後一直都唔多敢再整喇....今次整到真係好開心呀...信心都番埋嚟!...等我下次試吓彩繪強卷先!!

整完個卷蛋都重有大半芝麻醬剩呀...整埋雪糕就啱啱好喇!!

後記: 呢期密密整餅...本來想清吓啲舊貨...之但係次次要餅之前都總要買其他材料....家陣清咗啲舊貨...又嚟一啲新貨....即係沒完沒了的清貨...真吹漲!!

黏土功課之菜檔(一)

我真係冇偷懶架.....呢期雖然好耐冇UPDATE啲黏土功課....唔係因為冇做功課呀...係因為太多功課又掛住做功課先有時間UPDATE咋....話明要整菜檔就緊係要大堆頭架喇....已經整咗好多款架喇....不過重未夠呀...要再整多啲!!

比住少少你睇先...呢兩棵濕米真係好甘吓...參唔多要成粒鐘先整到一棵呢, 啲濕米真係逐粒逐粒黐上去架, 真係粒粒皆辛苦呀!

小甲蟲蒸蛋糕

前排無意中上網見到呢個好可愛嘅蒸蛋糕食譜....食譜好似幾簡單, 趁假期試吓整先!咪睇佢好似好難整...其實照喞個樣就係架喇....喞得唔好都可以修補一下架!!

已經隔咗十五分鐘先開鑊蓋...不過始終都係有少少倒汗水呢.....

蒸蛋糕即係蒸蛋糕.....嗯...感覺有啲悶囉(重因為有意外...個蛋漿打得唔夠...舊蛋糕唔夠鬆軟呢!!)......呢個意外就係....我...竟然.....連打蛋器支棍棍都玩爛埋.....今次學費很貴喔!! 嗚嗚!!

油畫

呢期嘅工聯會班又開始喇....今次報咗油畫同整茶壺....OH....典解唔搓泥呀....一定係玩厭咗啦!HAHA....若然你咁諗就錯哂喇....搓泥始終係我嘅至愛呀...不過上咗幾年....老師啲COURSE開始重覆喇...呢期啱時段嘅COURSE除咗整花之外真係冇乜嘢未學過.....又唔想夾硬學唯有停一停先啦...都好嘅...可以做埋我啲爛尾功課呀!

油畫方面...其實已經上咗兩堂喇....不過都係學溝色...未真係學畫嘢....好緊張呀....其實亞祖讀小學嗰陣好鍾意畫畫架(不過鍾意畫同畫得靚係兩回事呢!!HAHA)....記得中四選科...我都想揀ART架....不過屋企人又覺得讀COMPUTER有用啲....所以最後放棄咗ART喇....以前番學見到讀ART啲同學仔啲畫作好靚我不知幾羨慕呀!! 讀書嗰陣未有機會學畫畫...到出嚟做嘢之後又好似忘記咗自己曾經都好喜歡做手作仔同畫畫咁...直到前幾年終於的起心肝再玩呢啲手作仔...玩吓玩吓好似上咗癮咁....今次終於有機會學畫畫滿足童年嘅心願已經相當開心喇...希望我啲功課唔好太爛啦!!

尋找雪雪

今晚真係好特別.....同咗位朋友仔去尋狗....HAHA....好耐冇見呢位朋友仔喇....估唔到佢會無啦啦CALL我一齊去搵狗仔 (因為我朋友仔係貓狗義工嚟), 好明顯佢係誤會咗我係好熟荃灣啲路...反正得閒, 而且又好耐冇見呢位朋友仔所以我就一口答應喇....於是朋友仔就楂車接我....之但係我一上車就開始有啲淆底喇....查實我係方向白痴呢....基本上係有少少左右不分嗰隻....平時用腳行路同楂車嘅路真係唔同架嘛...叫我帶路真係大件事啦....我又太遲鈍.....架車一路行一邊要搵路, 根本睇唔切地圖呢!!好彩最後都研究到Google Map嘅GPS 功能....重可以發聲帶你行...真係好偉大嘅發明!! 你知嘛...我哋頭先喺荃灣兜咗成粒鐘都搵唔啱路呢....好辛苦先去到林百欣中學....救命!

其實呢隻失蹤狗狗叫做雪雪呀....已經失蹤咗一排喇...希望快啲搵到佢啦!!

中秋大清貨....

正所謂一年容易又中秋..又真係話咁快又中秋喇....好奇怪呢期又真係有唔同嘅朋友仔同同樹問我....今年整唔整雪糕月餅呀? 每次...我都斬釘截鐵咁話..."NO"....唔係唔想整亦唔係因為我孤寒而唔整...係唔想送喇.......而係雪糕月餅整同運送都太麻煩喇 (大家真係以為我係雪糕公司...諗住我會好PRO咁一人比一個冰袋,PACK好個月餅再逐一送上門似的!!)....試過一次都怕怕...揀直係吃力不討好嘅一件慘事...嘅然係咁...何必"攞嚟JEAN"呢?!

糕月餅就冇喇,卑鄙月餅啦!! 其實我都冇諗住整架...不過大家姐話想同MEME整....我見好簡單咁....我見到有免煮冰皮...緊係拿拿淋執兩PACK啦...嗰PACK嘢乜都包哂...唔怕整唔哂啲材料會嘥哂啲嘢.....我揀咗芝麻同豆沙餡....總共整咗30粒....

 

其實就算唔整月餅我都諗住整埋啲剩餘物資架喇...首先就整典奇....下星期要用埋啲芝麻醬喇...唔係過期又嘥嘢架....諗諗整乜好先!!

卜友仔~9月之星

上星期5食完舊同學仔嘅喇星飯....呢個星期五就同卜友仔食飯賀賀9月之星...原來呢個月有3位卜友仔生日呢...好熱鬧! 呢次我哋去咗ISQUARE嘅文鼎壹號開飯因為佢哋想試吓個大煎堆..HAHA...其實呢度除咗個大煎堆之外其實餸菜都好好味呢!!

呃細路系列之好睇唔好食

9月又係MEME嘅生日...今年家姐就嚟冒險樂園度幫MEME攪生日會...吸收咗上年嘅經驗之後....今年就整少啲食物駛少少錢攪掂佢算啦...我問家姐有冇嘢要幫手整...佢就叫我幫手整marcaroon....佢話上年整完啲小朋友都幾鐘意食...整marcaroon當然冇問題啦..不過...好似冇乜新意喎!! (HAHA...其實係我自己想攪啲花臣玩吓啫...)

所以我就靜靜雞諗住整啲公仔marcaroon...不過又唔想太複雜...你知啦...我技術真係有限...咁啱上網見到有本書教人整公仔marcaroon....構圖簡單得嚟又幾可愛....於是去書局搵吓本書先....本來想打完書釘就算架喇...之但係我又真係好欣賞作者嘅創意...一於以實際行動支持一吓佢....買咗本書! 呢種書我都係第一次買咋....薄薄一本書七十幾蚊真係幾貴架! 一次半次就算啦!!

由於係第一次整....驚有乜閃失整唔切....於是星期五放咗日假焗定啲marcaroon先....星期六先開始畫公仔同整餡!!

第一次嘗試整icing做裝飾...真係有啲呢HEA....因為唔熟識佢嘅texture,開始整嗰陣啲icing太杰...有啲難唧....做到好後期先掌握到幾時要杰啲幾時要浠啲....因為唔同部份要有少少唔同嘅效果...總結整個過程....最難嘅唔係唧啲眼耳鼻, 而係點去掌握icing嘅texture同顏色嘅調教囉!!除咗icing, 今次重嘗試整butter cream作為餡料....重買定兜士多啤梨果泥嚟溝添!

今次諗住整4款造型, 所以整咗4種顏色...整整吓...原來整咗七十幾粒呀...HAHA! 餡料方面有古古力醬, 檸檬醬, 士多啤梨butter cream同芝麻butter cream...(不過原來butter cream 真係好邪惡呢...我諗任何味道嘅butter cream都唔會係我杯茶囉!! 啲餡料嘅顏色襯番舊餅架!!

大家又估唔估到我整緊乜嘢動物呢?

 

其實佢哋分別係熊仔、兔仔、雞仔同埋我嘅同鄉熊貓仔！！HAHA..呢檀嘢果然係呃得吓人....個個都拎幾舊去影相...大部份嘅"好心人"重吞埋佢落肚...實不相瞞...今次舊餅真係整得麻麻咋....都係自己衰多手啦...本應好地地架...成日驚佢會淋拎佢地去番焗...攪到佢哋乾咗呀....下次都係要信吓自己...自自然然咁咪好囉...係嘛!

9月之星小禮物

都話整嚟整去都係呢啲架啦....冇乜新意....加加減減少少嘢當新嘢咋...不過啲朋友仔又真係幾眼利....次次都可以搵出不同之處....其實都真係幾開心架....証明啲朋友仔真係有留意收過啲乜....多謝大家欣賞!!

9月喇星飯...

今日約咗幾位朋友仔一齊賀一賀9月喇星....由於壽星仔想食日燒....最後揀咗伊呂波...估唔到境又OK喎...唔太迫又唔太嘈之外重有獨立房仔坐...真係吹水都方便啲!!呢度啲食物都OK喎...尤其係牛肉方面, 真係唔錯!! 吹吓水又食吓嘢唔覺唔覺又11點!!滿足呢!!

Yahoo blogger大遷徙....

來到終結的一剎 看夜空的蕭剎 驚怕 但無力掙扎........

真係分手要狠...呢度話摺就摺....喺度寫咗卜8年亦都睇咗卜8年...都未見過好似家陣咁十個有九個BLOGGER寫卜好似寫遺言咁....篇篇都愁雲慘霧(唔係鬧爆就係愁爆), 好心噏呢!! 我當然係感同身受啦....呢度陪同咗我8個寒暑....正所謂開心寫卜...唔開心又寫卜.....(好似呢篇嘢又係胡亂咁發一輪噏風, 係呀!都係癈話一堆!! 你睇嘅話又中伏喇)....講真啦...呢度真係留低咗好多好多回憶, 好唔捨得! 不過唔捨得都冇辦法.....唯有接受....唯有搵地方搬啦!! 其實我真係好擔心啲卜BACKUP嘅時候會出事....亦好擔心啲卜喺第二度RESTORE唔番....更擔心RESTORE咗嘅卜啲SECURITY SETUP錯哂!! 呢度每一篇卜都係BLOGGER們嘅心血...希望大家都可以順便過度....所有卜都齊齊整整咁搬走!!.

由於時間關係....已經搵到新地址喇....雖則呢度冇乜收視, 我都盡人屎UPDATE吓個新地址啦.....若然你咁啱經過可以去新居探探我! 後會有期!! Sayonara....忍著淚說一聲 Goodbye

http://joejoelau.blogspot.com/

初到貴境....

天啊!寫咗8年嘅yahoo blog話拍摺就摺...一啲都唔理人感受架....霎時之間要焗搬真係呢咁hea! 好彩呢度都唔算難用...不過重要多少少時間先適應到(老人家適應力係慢啲架喇!!) 其實我至怕唔係適應唔到新環境...我最驚係舊嘅blog搬唔番過嚟咋....好想keep番哂我啲卜呀...希望順利過渡啦!! 喺呢度寫卜嘅態感覺就好似穿我尋日試整嘅小動物macaroon一樣...真係"拿手唔成世"....正如呢個卜一樣...開始嘅時候有啲肉酸....重有好多改進空間!! 努力呀!!

兩埸SHOW

前幾日...同咗位朋友仔去睇呢個話劇....顧名思義 呢套劇係講破地獄架....可能好多人都喺啲"大酒店"睇過破地獄, 不過當中嘅宜式大家又知幾多明幾多呢...原來好多忌諱同呢啲宜式當中嘅意義真係唔講唔知,個話劇用咗啲輕鬆手法講解又真係幾有趣.....當然啦....一邊睇套劇一邊都勾起唔少回憶....好記得主角一句說話..."當佢麻麻蓋棺嗰一刻...佢知道呢一世都唔會再見到佢麻麻...會唔會就咁忘記咗呢個人呢?" ...坦白講....曾幾何時...我都驚...會唔會有一日連父母係咩樣都會忘記呢? 不過....直至今日為止..我嘅答案係...:"唔會....我相信一世都唔會忘記 (除非老咗有老人痴呆就另作別論啦!! )...其實想見嘅話一合埋眼就會見到..真係一世都唔會忘記!!



跟住..尋晚又睇咗另一個SHOW喇...."陳百強"呢個名字對我嚟講一啲都唔陌生...佢啲歌真係由細聽到大.....重好多歌都係耳熟能詳嗰隻添! 係喎...其實我個英文名都同佢有關架.....記得讀書嘅時候有位英文老師要我哋改個英文名...咁啱我記得佢其中一首歌有"Josephine"呢個名...我心諗呢個名都唔錯吖...之後再問吓大家姐意見...點知佢又同我心靈相通咁講咗"Josephine"呢個名...就係咁順理成章成為咗我嘅英文名喇!! 咁點解都後由Josephine變咗Joe呢? 嗯...大慨係因為懶(讀音太長...讀吓讀吓讀咗Joe)...而且Josephine呢個名...嗯...又確係OUT咗啲囉!! HAHA!

杏仁曲奇+合桃古古力曲奇+唧花曲奇。。。

前幾排又報咗個工聯會COURSE.....今次係整曲奇...諗住整曲奇好快手啦...點知個COURSE原來要3粒鐘....再睇先知原來整3款曲奇...怪不得要咁耐啦!! 基本上呢幾款曲奇嘅材料係大同小異....整完先知原來麵粉比例係好影響曲奇嘅質感架....我都係鐘意多牛油少麵粉嘅款式...整出嚟會比較鬆脆.....YEAH...焗好哂喇...老師重讚我其中兩塊唧花曲喞得靚仔添....殊不知當其他人拎完曲奇之後...其中一塊靚仔曲奇不翼而飛呢...明明寫哂名又排得好整齊架喎...咁都拎錯唔係FA!!!唉...冇計...鬼叫自己至怕同人迫咩...次次都係最後先拎...亞姐叫我拎番人哋嗰粒補數.....好彩呢款曲唔係用手搓架啫...淨係用機打再入落喞袋喞.....唔係我真係唔會拎呀!


成堆曲奇比兩隻大魔怪一嘢KO哂!! 勁