尋找雪雪

今晚真係好特別.....同咗位朋友仔去尋狗....HAHA....好耐冇見呢位朋友仔喇....估唔到佢會無啦啦CALL我一齊去搵狗仔 (因為我朋友仔係貓狗義工嚟), 好明顯佢係誤會咗我係好熟荃灣啲路...反正得閒, 而且又好耐冇見呢位朋友仔所以我就一口答應喇....於是朋友仔就楂車接我....之但係我一上車就開始有啲淆底喇....查實我係方向白痴呢....基本上係有少少左右不分嗰隻....平時用腳行路同楂車嘅路真係唔同架嘛...叫我帶路真係大件事啦....我又太遲鈍.....架車一路行一邊要搵路, 根本睇唔切地圖呢!!好彩最後都研究到Google Map嘅GPS 功能....重可以發聲帶你行...真係好偉大嘅發明!! 你知嘛...我哋頭先喺荃灣兜咗成粒鐘都搵唔啱路呢....好辛苦先去到林百欣中學....救命!

其實呢隻失蹤狗狗叫做雪雪呀....已經失蹤咗一排喇...希望快啲搵到佢啦!!