Yeah...今日又可以上手作仔班喇...本應重有幾位同學仔架...不過攪吓攪吓...最後得番我一個上咋...好在搣匙對我不離不棄...重提議私人教授...嘩!咁筍...我梗係仆倒去啦....就係咁...今日就去咗搣匙屋企打攪咗佢成日呀! 真係要再一次多謝搣匙呀!!
今次就係學咗整呢個玫瑰花球嚟修飾心形瓷粉盒...重圍咗啲金色同銀色邊添...
冇數過呢度有幾多朵....係咁整係咁整啲玫瑰花...摵匙已經幫拖整咗一堆架喇...之但係...亞祖笨手笨腳慢吞吞...終於...由一點整到參唔多五點先攪掂...4點鐘呀...連搣匙都話我破哂紀錄....人哋整兩粒鐘我就整咗4粒鐘....多咗成倍時間...真係威...希望唔好嚇怕老師啦!
時光飛逝...冇見一排又去到課程嘅尾聲喇....重有3堂就完喇! 難得趕得切完成一個檔口...不過呢...其實我係將兩個檔口合二為一架...何解?!因為...整兩個檔口好似有啲夾硬囉...有啲食物老師整完我都想像唔到係乜東東嚟!點整呢?! 所以...最後將個煨魷魚檔同肉乾檔合併囉(懶就懶啦...多多藷口)...
好....都係講番正題...又到咗估嘢時間...你....知唔知呢堆黑色嘢係乜東東? 話明係煨魷魚...又點少得炭呢!
既然有炭...咁梗係要玩吓燒炭架啦!
肉乾檔梗係要有牛肉乾同豬肉乾啦....
不過又唔知典解會走碟魷魚鬚出嚟?!是但啦...多元化嘛!
重有土魷同風琴魷魚....
重要整埋串燒....要醃吓啲牛肉,雞肉同雞翼先....
燒吓啲肉乾同魷魚先啦....其實老師有燒魷魚夾賣架...不過...數量有限...我...又爭輸咗喇...唯有買個鐵絲網頂住啦....
重有串燒牛肉, 雞肉...重有菠蘿同青椒....清清哋....
呢架車仔...攪咗我3粒鐘呀...雖則啲木版好薄吓...不過....對於平時揸雞都冇力嘅亞祖而言....要cut開啲木板搭架車仔出嚟真係有啲難度!
yeah...終於都可以開檔....
要比啲醬汁比客人...有沙爹汁同唔知乜汁....
幫趁吓啦老細....
卜友仔華姐同Sister Lam近排攪咗啲"自作業搓泥班"...可惜之前啲時間就唔到....join唔到佢啲班....今日終於可以參加到喇....yeah!
呢啲就係兩位老師嘅作品...好靚呀....
由於時間關係...老師一早已經幫我哋預備好哂啲材料喇...一人一份好細心...今日我哋係嚟整"糭"架...有咸肉糉同粯水糉.....
喺兩位老師嘅悉心教導下...終於攪掂喇...整咗兩粒幾鐘...對我嚟講算快喇!....有豉油嗰隻係咸肉糉...另一隻粯水糉嚟架!
重要包多幾隻糭先得....呢啲啱啱蒸好架...重有個盒可以take away添!
對筷子都係自己整架.....
重有其他同學仔嘅作品...都好靚架....
小青蛙今日都嚟咗探班, 重帶咗佢親手整嘅香蕉合桃cup cake...好好味呀!
除咗有得玩黏土之外...最開心就梗係重有得食啦....呢度其實係一間私房菜館嚟架...玩完黏土就可以開餐喇....wowowo....呢度啲食物特別得嚟又好味....重有靚女Carol做PR...真係好得呀! 今日我哋就食咗一個超好味嘅"私房tea"喇....有火鴨絲沙律、蝦膠芝士釀饅頭、馬拉醬炸雞翼、鮮奶焗薯蓉 .......
重有印尼醬炒米粉(haha...唔好意思...比我掃光咗添....), 最後重有甜品馬蹄露...
就係咁一面食一面傾...唔覺唔覺就過咗一個充實嘅星期日喇.....真係好好玩....好期待下一次再join過呀!!
尋日又係一年一度嘅6月喇星飯局...今次去咗鹿嗚春....都有好幾年冇去...諗住呢間穩陣啲啦...殊不知...真係有啲失望...水準下降咗哦...
鍋貼同餃子都ok, 碟菜同個湯都冇問題...不過典解回鍋啲味咁怪?又一啲都唔辣?
當然唔少得片皮鴨同賽旁蟹....
重有雞冇雞味..宮保冇宮保味嘅宮保雞丁, 松鼠魚(不過似乎太酸...連我呢個食話梅當飯嘅咸濕大皇都有點卻步!).....都係高力豆沙同拔絲香蕉好味啲...
其實呢間嘢嘅質數真係麻麻....唔知大家會唔會依然都食得開心呢?! 嗯...若然大家問我食得開心嗎? 我諗...我會毫無考慮地答"唔開心"囉....絕非因為食物質數差或者擇錯什麼日子....而係作為一個"攪手"嘅失望同沮喪令亞祖非常之咁唔開心....其實每一次攪什麼飯局或者聚會....亞祖都係真心真意希望大家食得開心, 飲得痛快, 開開心心咁聚一聚! 所以亞祖每次都提早同大家度期...問大家想食乜....沒有回覆嗎?!唔打緊...亞祖就嘗試擇一個好日...選一個地點吧!
好不容易擇到一個吉日, 搵到一個地方聚首一堂....可惜....每次(oh...係嘅...世事無絕對..只有真情趣....都唔係次次嘅...大慨十次有....9次左右吧)...總係一堆"點解揀呢日架?!"、"我冇都話嚟呢度食"、"我都唔鍾意食呢間嘢"....由心同肺發出嘅一堆說話!呢啲說話...你...有聽過嗎? ...你...有說過嗎? ...你....事前有提供什麼見意嗎? 你...有顧及我感受嗎? 你...有當過"攪手"嗎? 你...認為你的"無所謂"真是沒有所謂嗎? (請大家不要對號入座...同樣說話其實不斷重覆...唔同人有唔同嘅演繹方法...唔係一句半句說話就會令我如此不快!)...當然...我絕對明白好難令到所有人稱心滿意...不過...總可以早一點說出你的意見吧! 對嗎?
如此吃力不討好...令人厭倦嘅工作真係令我累透! 意興闌珊....或者將"攪手"一職讓比啲"有要求"嘅朋友擔任吧...可能效果會好一點! 你知嗎...我對食物呢方面真係冇乜要求呢! 你知嗎....一個幾乎日日都出街食飯嘅人...真係唔可能要求太高哦!否則只會餓死!
幸好...今朝得到兩位好心人仕嘅接濟...心情好了點!
雖則只係一舊小小嘅muffin同一盒掏寶網訂購嘅card game, 卻足以令我暖在心頭! 嗚謝師姐...唔該哂亞妹!
前排同個朋友仔一齊玩咗個銀黏土班...今日終於上埋最後一堂喇...6堂都過得幾快...不過...我終於發掘咗一樣我唔多鍾意搓嘅黏土喇..haha....其實應該話終於發掘咗我對於首飾設計嘅天份係..."零"嘅...而且更怕庇護工場式嘅首飾打磨工序...haha! 唔信嘅話大家睇吓我啲"劣作"....
其實三個都係鏈咀嚟架......呢個好明顯係一個心心啦.....
呢個係乜?估唔到嗎? 查實...佢係個"J"字嚟架.....
諗本來老師係教咗我哋整兩個鏈咀, 一隻戒指同耳環架...不過...隻戒指比我整爛咗lu....由於佢太過"核突"所以爛咗真係一啲都唔心痛呀....正想放棄之際...周圍嘅同學仔都鼓勵我繼續努力...再試啦!....其實呢排上堂都遇到唔少好nice嘅同學仔...真好呀! 終於喺佢哋鼓勵之下完成多一個鏈咀....其實初頭想做隻耳環架...之但係啲泥買少見少...都係唔好免強喇, 夾硬整隻耳環可能都係唔成功...倒不如安守本份做一個小小嘅鏈咀啦! 雖然絕對稱唔上靚...起碼可以屏除局限, 可以比我自由發揮....最重要係曾經努力過嘛!或者...做其他嘢都應該一樣吧...搓my...best...同never give up 嘛!
嚟張合照先! 一,二, 三笑~~
