玫瑰花球心形瓷粉盒製作班

Yeah...今日又可以上手作仔班喇...本應重有幾位同學仔架...不過攪吓攪吓...最後得番我一個上咋...好在搣匙對我不離不棄...重提議私人教授...嘩!咁筍...我梗係仆倒去啦....就係咁...今日就去咗搣匙屋企打攪咗佢成日呀! 真係要再一次多謝搣匙呀!!

今次就係學咗整呢個玫瑰花球嚟修飾心形瓷粉盒...重圍咗啲金色同銀色邊添...

冇數過呢度有幾多朵....係咁整係咁整啲玫瑰花...摵匙已經幫拖整咗一堆架喇...之但係...亞祖笨手笨腳慢吞吞...終於...由一點整到參唔多五點先攪掂...4點鐘呀...連搣匙都話我破哂紀錄....人哋整兩粒鐘我就整咗4粒鐘....多咗成倍時間...真係威...希望唔好嚇怕老師啦!