今朝6點幾彈起身諗住同家姐一家跑個Unicef親子跑, 點知參唔多出門口之際望吓個WhatsApp先發現原來個比賽因為天雨關係取消咗....唯有瞓番, 等lunch再一齊去食buffet啦....嗯, 又飽到上心口喇...都係跑吓消消脂好啲....又估唔到下晝天氣咁好! 即刻隊番個23K先....點個跑唔夠2K feel到個胃重頂仲爭啲嘔, 即係慢番少少先OK番(其實我已然等咗兩粒鐘先跑, 點知都係未消化哂囉)....最後快吓又慢吓都完成23K, 究竟我幾時先識跑"均速"架呢?!
2016年11月27日星期日
2016年11月21日星期一
毅行者2016
"毅行者"相信好多人都聽過, 但係有幾多人真係會去玩呢? 坦白講身邊嘅朋友當然係冇人會諗過玩啦...我嘛...完成咗全馬之後其實有"幻想"過架(當然全馬同毅行係兩碼子嘅事啦)..."幻想"還"幻想"...我相信我嘅體能同意志力都未READY....
對我嚟"毅行者"都係好遙不可及，今年難得有跑友參與其中, 而我又可以成為supp
有幸同大家完成最後兩段路，見到大家嘅團隊精神，隊友同support team都好齊心，齊上齊落互相扶持...其實我之前一晚都冇瞓過 (我相信大部份support team嘅朋友都同我一樣好緊張咁睇住大家進度唔敢瞓), 朝早跟隊跑21K都已經好攰, 真心佩服所有參賽者嘅耐力同意志力。能夠見証你哋衝線嘅一刻確係我嘅榮
圍徒16 、郵皇support team每個人都好堅！
圍徒16 、郵皇support team每個人都好堅！
2016年11月14日星期一
超累...
年紀大真係機器壞....冇記性到連mark calendar都唔記得....大慨3星期前就結婚嘅同事問我12 NOV去唔去觀禮, 話哂一生人一次...可以嘅話我一定到...於是我應承咗同事去.....之後又有個跑友問我(12 NOV)有個跑步谷一週年去唔去PARTY...我見係夜晚於是又應承....拿, 本來兩單嘢一早一晚中間係有時間休息嘅....殊不知...頂!原來我9年前已經約咗啲舊同事喺呢日行山...真係妖哂....又唔知好彩定唔好彩, 呢幾個EVENT嘅時間都冇overlap...即係話我可以全部都去唔洗放飛機...不過朝7晚11中間仲攝埋時間去睇醫生...成日冇停過...加上呢個星期皮膚敏感冇覺好瞓...5晚只可以瞓到3晚....而呢3晚都係瞓吓醒吓...攰到頂點!
星期日諗住可以瞓晏啲...點知又同屋企人出咗出(之但係原來我出去係冇嘢做嘅, 終於我堅黑面囉....).....其實每個人都人死穴...我可以忍痛捱肚餓捱熱捱痛捱鬧捱辛苦捱身痕....不過我絕對捱唔到眼瞓....由其係一個不朽睡眠質素超差嘅人....難得瞓得好好哋但係無啦啦要爬起身係幾咁痛苦....好在下晝可以番屋企眠一眠咋...其實我好耐好耐冇瞓晏覺喇...除非病啦否則好少可瞓得著...今日瞓咗兩粒鐘好似死豬咁...可想而知我有幾攰....瞓醒又要出去BBQ....又係爭啲唔記得咗呢單嘢....出到去都覺戇居人又唔識多個咁....仲要邊燒邊想瞓囉...
2016年11月7日星期一
風箏與風
今日又JOIN咗團跑, 由將軍澳運動場跑去大坳門郊野公園...本身個團跑係7:00點喺將軍澳運動場集合, 7:30出發...其實我已經晨早5:15起身架喇, 點知ME ME 模模攪到6:00先出門口, 又趕唔到第一班西鐵喇! 之後又喺油塘轉錯車, 去咗鰂魚涌遊車河攪到遲上加遲, 咁都未算....未瞓醒又路盲嘅我又唔知點解喺單車館嗰邊自轉咗一個圈都搵唔到個體育館, 好明顯我係未瞓醒盲仲仲啦, 個將軍澳運動場明明喺單車館隔離...但係我真係時運高睇唔到囉....望吓隻錶又夠哂鐘, 好灰!!..好在....無啦啦有團友經過見到我傻吓傻吓行錯路帶我行番正途....由於已經遲咗嘅關係我哋係咁狂奔去運動場, 嘭嘭聲換衫出發....
其實今日條路勁上鈄真係冇信心可以跑哂.....恐怕要邊行邊跑, 都係盡吓人屎罷啦....之但係又唔知點解跑吓跑吓又跑到(雖則係跑吓停吓...不過全條路都係跑真係冇乜幾何, 希望唔係虛火啦....終於去到大坳門郊野公園, 甩到其他人放風箏好似好好玩咁, 跑友仔見到有隻被棄置嘅風箏...噢, 原來隻風箏重飛得架....大家又拎嚟輪住玩, 印象中我都係一次放風箏咋.....呢度夠大風好好玩呀....有得玩又環保....WIN WIN啦! 放完風箏影完相又去買嘢食,冰菠蘿好味呀 (好明顯其實我唔係餓, 係為食囉), 食飽就回程, 有得食又有得玩....好滿足喔!
訂閱：
留言 (Atom)