今日又JOIN咗團跑, 由將軍澳運動場跑去大坳門郊野公園...本身個團跑係7:00點喺將軍澳運動場集合, 7:30出發...其實我已經晨早5:15起身架喇, 點知ME ME 模模攪到6:00先出門口, 又趕唔到第一班西鐵喇! 之後又喺油塘轉錯車, 去咗鰂魚涌遊車河攪到遲上加遲, 咁都未算....未瞓醒又路盲嘅我又唔知點解喺單車館嗰邊自轉咗一個圈都搵唔到個體育館, 好明顯我係未瞓醒盲仲仲啦, 個將軍澳運動場明明喺單車館隔離...但係我真係時運高睇唔到囉....望吓隻錶又夠哂鐘, 好灰!!..好在....無啦啦有團友經過見到我傻吓傻吓行錯路帶我行番正途....由於已經遲咗嘅關係我哋係咁狂奔去運動場, 嘭嘭聲換衫出發....
其實今日條路勁上鈄真係冇信心可以跑哂.....恐怕要邊行邊跑, 都係盡吓人屎罷啦....之但係又唔知點解跑吓跑吓又跑到(雖則係跑吓停吓...不過全條路都係跑真係冇乜幾何, 希望唔係虛火啦....終於去到大坳門郊野公園, 甩到其他人放風箏好似好好玩咁, 跑友仔見到有隻被棄置嘅風箏...噢, 原來隻風箏重飛得架....大家又拎嚟輪住玩, 印象中我都係一次放風箏咋.....呢度夠大風好好玩呀....有得玩又環保....WIN WIN啦! 放完風箏影完相又去買嘢食,冰菠蘿好味呀 (好明顯其實我唔係餓, 係為食囉), 食飽就回程, 有得食又有得玩....好滿足喔!
沒有留言:
發佈留言