毅行者2016

"毅行者"相信好多人都聽過, 但係有幾多人真係會去玩呢? 坦白講身邊嘅朋友當然係冇人會諗過玩啦...我嘛...完成咗全馬之後其實有"幻想"過架(當然全馬同毅行係兩碼子嘅事啦)..."幻想"還"幻想"...我相信我嘅體能同意志力都未READY....

 

對我嚟"毅行者"都係好遙不可及，今年難得有跑友參與其中, 而我又可以成為support team－份子, 其實又緊張又興奮，起初乜Q都唔知唔知，SUPPORT要做D乜，整食物又唔知可以整啲乜....想幫都唔知點幫，又驚越幫越忙，好在最後都好清析咁知道自己岡位。不過最後有啲變數我由煮嘢食變買嘢食比大家，希望大家唔好介意。今次自問幫到大家嘅嘢真係唔係太多，我反而要多謝大家比個機會我去見識吓，抆車邊咁參與呢件盛事！

 

有幸同大家完成最後兩段路，見到大家嘅團隊精神，隊友同support team都好齊心，齊上齊落互相扶持...其實我之前一晚都冇瞓過 (我相信大部份support team嘅朋友都同我一樣好緊張咁睇住大家進度唔敢瞓), 朝早跟隊跑21K都已經好攰, 真心佩服所有參賽者嘅耐力同意志力。能夠見証你哋衝線嘅一刻確係我嘅榮幸，亦係－個好難忘嘅回憶。
圍徒16 、郵皇support team每個人都好堅！