星洲training之旅~day 14

終於可以回歸喇! 食完早餐就可以check out去機場....今次要去買啲斑蘭蛋糕比家姐試...真係買到碌card先攪掂! 最後嗰幾蚊都買埋macaroon食...haha....最終洗淨1蚊7毫坡紙先收手!!!堅!

星洲training之旅~day 13

呢個早餐食咗10日...真係厭喇....食少少真係夠皮!! lunch嘛...都係老巴剎....食物方面....確係多選擇...不過對於個環境...都有點厭呢!

last day都預咗佢早放....放咗學又同姐姐分道揚鑣....佢鑣去睇動物....我鑣去睇衫褲鞋襪....

其實之前都買咗啲嘢...今日都係想周圍行吓...收鑊唔算多...行吓又食吓嘢唔覺唔覺又參唔多10點...係時候打道回府收拾行裝喇!

星洲training之旅~day 12

今日放學之後同姐姐又分頭行事...佢去聖陶沙哂太陽...我去shopping喇...yeah! 晚飯時間喺聖陶沙集合!

今日又再戰蟹哥....因為前日食完有50蚊coupon囉...haha!! 今次食黑胡椒蟹...激烈哦!更激嘅就係食飽蟹之後再去隔離馬拉街掃場...@.@

星洲training之旅~day 11

巧攰喇....好在就番香港啫...要頂住呀! 今日去咗樓下班房偷茶點食呀....正!


夜晚去咗vivo city 食嘢....近近哋可以早啲番酒店休息...good呀!

星洲training之旅~day 10

香港嘭嘭聲打十號風球嘅時候, 星洲仍然天晴, 今日如常上課...早餐如常喺酒店食....午餐如常去老巴剎食!!


 晚餐嘛....去咗就近嘅聖陶沙....原來有條路可以由vivo city行去聖陶沙架.....十零分鐘就到...而且沿海行好舒服架....一蚊過路費就可以行入聖陶沙架喇....慳慳哋又可以散散步....唔錯呀!

行完又食餐好喇....今次去咗jumbo嘅friend...星洲海鮮共和國....其實都係嗰啲嘢啦....蟹哥哥....你死定了!! hehe!

星洲training之旅~day 9

yeah終於過咗一個星期喇....今日又番學喇.....一日比一日hea....是但啦...hea都有hea好.....太辛苦又係難頂!! hea兩個week都總好過辛苦兩個week....好亞"q"嗎? haha! lunch都係我哋至愛嘅老巴剎.....呢個魚都唔錯架!!



今日香港打風....聽聞大家4點幾放工喇....不過呢....我哋呢邊冇風冇雨都係放3點幾咋...hehe.....開飯之前去按吓腳先.....超爽!!

夜晚就同同事去咗河邊開飯.....啲蠔真係唔多掂....好彩暫時未有中毒跡象啫!!

話時話...今日又有幸避過一次十號風球喇....記得幾年前有次九號風球又係出咗門...上次去泰國今次就喺星洲 (兩次去嘅地方都好好天)....真係太好喇....其實打風嘅時候一條友喺屋企感覺真係唔多良好! 又避過一劫 (而且...呢邊冇打風都係早放...HAHA)....開心呢!!

星洲training之旅~day 8

今朝一起身打開fb就見堆成村人話今日係大暑....唔知係咪因為咁...今日連新加坡呢邊都特別熱!! 前幾日重讚梗呢度冇香港咁熱....點知今日....真係唔讚得架!! 其實我哋已經下晝先出發架喇....不過...真係抵唔住酷熱嘅天氣....食完lunch話留喺marina bay個商場蒲喇....諗住黃昏時間先去gardens by the bay參觀!



gardens by the bay....下晝4點幾去都重係好熱....最後都係要左避右避太陽伯伯....6點先的起心肝慢慢行...一行就行咗兩粒幾鐘...

參唔多9點先開飯...真係攰屎咗喇.....近近哋食toast box, 由於未夠飽所以繼續食food court...haha!! 食埋個macaroon就好滿足喇!

星洲training之旅~day 7

yeah...終於到星期六喇....可以抖吓瞓晏啲...點知..晨早流流就比游水聲吵醒....頂! 最後hea到12點就同姐姐佢哋去食lunch....都係近近哋去番vivocity food court食...


食飽再番酒店hea咗陣就出去east coast散散步....

夜晚就順便喺east coast嘅熟食檔食埋晚飯!

之後再夜遊聖陶沙.....睇咗啲免費show....再飲吓嘢先番酒店! 舒服貢過一日都唔錯喔!

星洲training之旅~day 6

晨早起床又食早餐...跟住又係hea爆training...好快又lunch....今日有d人要趕飛機....好早放學喇....之後我同姐姐分道揚鑣, 佢有佢嘅聖陶沙...我有我嘅藝術館!



呢座藝術館嘅作品真係好鬼"藝術"...唔多識欣賞...反而分館啱玩啲!藝術館入面有好多唔同種類嘅藝術作品...比較有印象嘅一個作品....係....係一個VIDEO...影片入面個"藝術家"將一個麥當勞餐(包括薯條,汽水同魚柳包)擺落攪拌機到攪成"液體",最後個"藝術家"就親身隊咗呢個麥當勞餐(即係嗰埋"液體")....好嘔心呢!! 行行吓臨走先發現原來個藝術館有分館架....拿拿淋行一轉...又估唔到分館有少少驚喜...有少少有趣玩意玩吓....重好啱小朋友去添!

行完藝術館就去咗烏節路開飯喇....yeah...TWG....個羊扒好味呀....杯茶當然OK啦...食完又行街去喇...

星洲training之旅~day 5

唉.....今日如常上課....如常去老巴剎開飯....之但係....食飽就毒發.....嗯....可能係杯生果汁出咗事啦...好在痾完一嘢有事啫! 有驚無險....唉!話時話....呢個training....都係好鬼hea....救命!! 有人問: 乜出trip唔好咩....有得食又有得玩....出公數.....

之但係....若然要去一個悶地方兩個week....去完又去....3個月又去一去....(我已經比較幸運呢...唔駛個個月飛), 咁就真係........希望去埋下個月個trip可以抖抖啦!! 其實.....最慘係個個(由其係老細) 以為你出完個trip好似識飛咁....乜都要知乜都識哂...but....呢個trip真係可以話係屎上最癈囉!!



係....下晝痾完....夜晚再接再厲...haha....我呢d痾慣痾熟....唔打緊啦!!

唉!! 尋晚玩玩吓msn....連account都lock埋....唔知想點!真係邪到爆!

星洲training之旅~day 4

繼續喺度training...lunch都係去番近近地嘅老巴剎....平平哋又多選擇!


嗰啲所謂training真係hea到爆又冇乜新嘢教....重要做埋啲超級無聊嘅assessment...真係唔明點解要hea足兩個week....吹啤啤...錢多咪加我人工囉...唔好拎啲$嚟嘥啦!! 落咗堂又嚟開飯......呢間認真麻麻....

之後陪個同事去金沙睇水幕show.....本來想慢慢hea去有時間咪去飲嘢hea吓囉...點知有位固執叔叔又話去...重話要行去....結果行咗兩粒鐘....攰到爆炸^*#@(#^@^!!唉...大叔...請你想想別人吧....我....著住對番工鞋架....你換咗對波鞋緊係行得輕鬆啦!! 至怕係呢啲固執又唔理人感受嘅亞叔架喇! 討厭呢!!

星洲training之旅~day 3

無驚無險又到咗第二日training喇....仍然係咁悠閒....食嘢多過做嘢....繼續係咁應該變咗隻肥豬先番到香港! 食完lunch重要整份多士試吓...haha, 食晚飯前又去督魚蛋....一日食4...5...6..7...餐.....


當然...都有少少散步時間啦....唔係點食到咁多嘢!!

晚飯又係一棚人喇....多啲人又可以叫多啲款式!

星洲training之旅~day 2

training第一日....都幾輕鬆吓....溫故知新都ok嘅....喺酒店食咗早餐再上堂....11點未夠又有break...重有撻食....食飽冇耐又lunch....好彩呢度啲飯比較細碟....都食得哂...唔好嘥嘢嘛!


下晝食得飽飽...夜晚就要夜少少先開飯喇...唔係因為下晝食得太多飽得滯食唔落...而係要等埋其他同事飛埋嚟一齊開飯....由於班機delay...所以佢哋比預期遲咗少少...其實都係8點幾啫...都ok啦...好在酒店對面都有好多嘢食....

星洲training之旅~day 1

又要去星洲喇....兩個week貢耐...唔熱屎都悶屎....第一日重要一條友戇居居行先一步....好在第二日姐姐嚟埋...冇貢悶啫!星期日晨早流流去搭飛機....3點未夠都到咗星洲....嘩!估唔到今次間酒店真係史上最細.....又唔係平....都唔知典解要揀佢....劏房一樣嘅格局....究竟係邊條茂利設計架! 很爛哦! 重要比二樓(啲車聲好嘈吓)重要係一號房 (據知一號同二號房嘅size係較細架), 好在最後換房成功啫!

雖則真係好攰...不過由於間房真係太爛...真係不宜久留....唯有去對面vivo city hea吓兼開飯...為咗有好嘅開始...食餐好先!! 一條友去食日本嘢...整個刺身壽司set...包到飛起!!

黏土製作の花 (第三回)

又update吓啲功課先....都係做到天一半地一半...未上色囉....hehe....話時話...唔整過花都唔知...原來我對花嘅認識真係好枯淺吓....番學先知原來荷花同蓮花係兩樣嘢嚟架...老師講完個分別我先"醒覺"咋....搓泥順便學埋賞花都唔錯呢!!

講完一大輪...大家又知唔知呢幾朵係乜呢...貼士係...我頭先提過架....答案係...蓮花...佢係睡蓮呀...荷花啲葉係大塊啲架!!


呢個又係乜呢...haha...坦白講....唔整我都醒唔起我見過佢.....佢....其實係....三色瑾...上咗色都未必知佢係乜...更何況未上色呢!!

其實呢啲花已經係上兩個星期整架喇...不過呢兩個星期要趕7,8月喇星禮物....7月禮物已經完成喇....今日一整日安坐家中努力趕製8月之花....好在都幾順利...已經八八九九喇!!後期工序恐怕要7月尾先可動工...加油!!

兩餐飯....

上星期同咗啲同事去咗大榮華食喇星飯...好耐冇去大榮華喇....原來閒日都好多人呢! 好在卜定位....去到就可以坐低...9條友食咗超多嘢...好飽!!


第二晚又去咗朋友仔arrange happy meal! 話明係happy meal....淨係三五知己参與....傾傾心事吹吹水加埋美食.....開心呢!! 其實開心真係好單簡...三五知己簡簡單單食餐小便飯已經可以令我釋懷喇....感謝一眾朋友仔!

又嚟macaroon...

今日又放假一天....再戰macaroon...若然成功嘅話又可以拎番公司搵啲同事做白老鼠! 放心啦....第一隻白老鼠一定係亞祖...食完冇中毒先敢拎比人食架~今次唔落色素...用綠茶粉同古古力粉整.....睇吓效果得唔得先!!


都總算ok喇...整番個醬夾吓先...今次除咗檸檬醬之外...整多個古古力醬先!!

yeah...攪掂...食後感係..古古力macaroon有古古力味...不過綠茶macaroon就真係冇乜綠茶味喇...下次買啲靚少少嘅綠茶再試先!!

中山兩日遊~day2

好快又到第二日喇....食個早餐再出去...

又係shopping....shop完又食lunch喇....haha...熟口熟面貢...番啅尋日嘅餐廳嘛!

之後趁佢好天就去餵魚仔喇....真係好天一陣咋...又落雨喇!!

臨番香港整多碗糖水先....食飽又上路喇....不過搭船又係食....haha....yeah...7點番到香港喇...重有"水尾"嘅日落景睇....好靚呀!