繼尋日lunch攪咗個cheap cheap海嘯飛碟套餐之後....今晚再接再厲....整多個海嘯晚餐....
...繼續慳得一蚊得一蚊啦!真係難得搵到個志同道合...齊齊cheap吓!
今餐就同咗個朋友仔去咗何文田熟食檔.....吔粥粥!
呢間嘢24小時營業架...確係威! 不過...值得一讚嘅係佢每朝都有免費早餐比啲長者食架....唉....睇怕過多三五七幾年...."亞祖婆婆"都要晨早去黐番個早餐食喇.....
講番今餐先啦....我個朋友仔叫咗個皮蛋魚片粥...考大碗呀....食唔哂啦!
我就食咗碗艇仔粥...料唔算好多....不過啲粥底都唔錯架!
腸粉一碟....梗係要加埋甜醬同麻醬啦!
炸襾....呢個油炸鬼夠趣...啲皮又幾薄...唔錯唔錯!
呢餐總值37大元...一個人都唔駛19大洋....夠cheap嘛! 
今日係姐姐嘅壽辰．．．呢期我哋無啦啦興喺公司攪'party'賀壽．．．為咗配合番近期嘅金融海嘨．．．我哋今日就喺公司攪咗個價廉物美．．．查實係cheap cheap哋嘅'飛碟派對'(即係三文治party囉)賀一賀佢!
表面上呢個party係賀姐姐生日嘅，不過呢．．．姐姐lunch有嘢做切完蛋糕就閃咗lu！呢個蛋糕係小淫蛙整架，係咪好pro呢，係綠茶紅豆蛋糕嚟架．．．好味!
話明要慳得一蚊得一蚊．．．啲嘢梗係格過價先買．．．你哋估吓呢兩支大支裝嘅道地檸檬綠茶.幾錢一支?．．．貼士係10蚊樓下．．．9蚊? 8蚊? 7蚊? ．．．冇攪錯呀
...駛唔駛咁貴呀．．．$6.5有交易啦．．．夠平冇?!
材料方面...有磨菇, 火腿, 咸牛肉, 菠蘿, 吞拿魚．．．重有我至愛嘅芝士呀!為咗要襯番呢個貧苦午餐嘅主題．．．呢堆嘢都係搵啲平平哋嘅舖頭買架．．．HAHA
個conference room無啦啦變咗非法嘅麵包加工場添．．．
你睇呢啲輪侯入麵包機嘅麵包．．．個個都漲卜卜,好足料架．．．而我哋就好似啲輪米嘅亞嬸咁喺度輪包．．．等呀等．．．再等呀等．．．
原來輪包同輪米都一樣．．．都係有排等架．．．
終於等到喇．．．熱辣辣．．．考考味！ 成餐嘢夾埋都係位位１６大洋．．．有得玩又有得食，呢個'海嘨套餐'確係超值!
...大家有所不知喇...試嘢班人來自五湖四海又有高層...比人督出嚟就唔好啦...考樣衰架...都係自守罷啦....
!)...又估唔到....呢位大嬸竟然先動自覺行過嚟自守(不過呢...典解成6點先嚟呀...下次呢...其實可以早啲架大嬸.)...重叫亞祖陪佢一齊試...其實...佢肯嚟我已經老懷安慰架喇
....之但係...我約咗人架喎..難得大嬸咁有誠意落到嚟...亞祖就咁閃又好似唔多好...不過又唔知佢攪到幾點喎...嗯....算啦...都係放個朋友仔飛機啦...就係咁...我同大嬸攪到7點幾先走...參唔多走嘅時候...大嬸無啦啦話..."不如一齊去開飯啦!"...你知啦...亞祖不嬲都冇飯開架啦...所以我就答"食咪食唔好大我!去邊度食先?"..大嬸就答"我屋企囉!"....哈哈!就係咁...亞祖厚住面皮咁去咗大嬸屋企開飯...同佢撐枱腳!
頭先睇睇吓珠光寶氣嘅時候屋企個電話旱有地响....真係幾少有....聽吓係邊個先.....
女子:「唔該...劉xx吖...」 (其實佢係搵我大家姐嘅)
亞祖: 「嗯...你係邊位搵佢呀....」(由我第一日一個人住開始...每逢有人打嚟搵我屋企人,我祗會叫人留低姓名同電話, 叫屋企人覆佢...)
女子:「咁佢喺唔喺度吖!」(亞祖聽完呢句真係有啲淆底...究竟大家姐係咪爭人錢?定係得罪咗人呀....呢條女好似嚟找悔氣咁喎!
)
亞祖:「唔好意思呀...你係邊位搵佢呀...可唔可以講低?」(見佢咁惡...更加唔話佢知家姐喺邊啦!)
女子:「佢究竟喺唔喺呀...我姓蔡架...係國x保險架...」(頂!原來係保險...駛唔駛咁惡呀!
)
女子繼續講: 「我留低過電話架喇, 佢唔覆我吖嘛!」(即係呢...文字只可以表達到佢講過啲乜...啲勁衰嘅語氣真係好難用筆墨嚟形容!)
係...呢個女子真係打過嚟...上次啲語氣都差架喇(唔係我都唔會有印象)...的確係留低過名同電話...我都有叫大家姐搵番佢....不過之後係點我確係唔知....當然...知道佢來頭之後....真係唔駛同佢客氣啦!
亞祖等咗5秒鐘 (據講當你想發火鬧人嘅時候...冷靜5秒先開始講嘢....你傷害人嘅火力會少一點哦
):「咁你家陣留唔留吖, 你而家係咪唔想做生意呀, 你啲態度真係好差!」(我都係嚴自己太客氣)
女子:「又唔好咁講, 係咪有乜誤會呀?」(明顯地知衰啦...不過...太遲亦都太假...)
亞祖:「冇誤會喎, 我真係覺得你啲態度真係好差, 乜做保險啲態度係咁差架咩?」
女子:「我真係打咗好多之嚟, 成日都冇人聽, 留過一次電話又冇人覆(不過..家姐話call back冇人...留咗message冇人理囉)....」
亞祖:「係囉...你留咗一次電話啫....咁留多一次係咪好難啦?」
(真係幫唔到你囉...係成日冇人喺屋企架喇....不過...你要明白...call客都係你工作嘅一部份...乜嘢係professional 呀!!)
女子:「咁又唔係 (激屎...真係教囡咁, 呢個世界上祗有得7歲嘅肥師奶先咁答我架咋!)...我姓蔡...電話係173173173」
聽完呢個電話我當然拿拿淋打比大家姐叫佢覆電話....家姐話可能係啲舊保單搵呢條茂利follow up....我當然都煮重佢米...叫大家姐鬧爆佢啦! 
十分鐘後...大家姐打比我....佢話...一嘢就叫條茂利唔好跟佢張單....如果係佢跟嘅話寧願cut單! 其實....我只係想大家姐鬧爆佢啫....希望大家姐唔好蒙受損失啦!
雖然呢件事睇落唔似係開心事...不過....當大家姐覆述番佢同呢條茂利嘅一句對話之後...真係爽哂...呢句就係"我識咗我個妹咁耐, 你估我會信邊個吖"....係...多謝你信我....起碼你相我唔係一個無事生非亂發難渣嘅人!
