九九九誰是凶手

注意:本篇網誌含有不雅及超級無聊成份....勁驚"小強"者...勿進!

前排嘅某一個夜晚...當亞祖放工番屋企嘅時候....一打開大門就見到........"呀!救命呀"...我好記得我開門嘅第一句說話就係呢句....放心....我笨唔係撞鬼.....係見到小強....不過...對於我嚟講見到小強最慘過撞鬼! 當時見到亞小強企定定喺度....我哋四目交投....之但係....我淨係識叫小強"咪郁"同埋"唔好行過嚟"咋....嚇到我黐孖根....真係全完唔敢一隻拖鞋飛過去呀....就係咁白白比小強走甩! 到咗第二晚...淋花嘅時候....佢...竟然又再出現! 頂...佢又係企定定...不過...我都係唔敢拍屎佢呀...佢又逃之夭夭喇!

比佢走甩咗兩次事少....驚佢三日唔埋兩日就出嚟嚇我一嚇就屎啦! 最後...我呢個毒婦決定......毒殺小強! 幾狠! 就係咁...上幾個星期六就買齊架餐....佈下天罹地網諗住同佢一鑊熟啦....成屋都噴哂殺蟲水重周圍擺哂威滅比佢嘆!當然...噴哂殺蟲水之後我就即刻9秒9咁飛出門口啦...夜一夜先番! 典知....頂!曱甴鬚都冇條...重要攪到一屋都係殺蟲水味...小強未屎亞祖就比啲殺蟲水臭屎咗喇! 激屎人!

正所謂...惡有惡報...今朝竟然見到小強橫屍街頭! 哈哈!哈哈!天有眼呀....不過...其實究竟小強你係點屎架....係食威哥食死吖...定係因為我屋企屎都冇得你食而餓屎...抑或你行行吓比啲塵同頭髮纏住行唔到激屎架?

你睇....佢真係一身都係我啲頭髮架...根據法醫官嘅判斷...小強屍身彊硬...但係未開始腐爛...照推斷佢嘅死亡時間應該係1-2日...屎者性別...應該係"仔"...叫小強重唔係仔?! 話哂都同你有兩面之緣...我呢啲有情有義嘅....就幫你攪番個簡單而隆重嘅葬禮啦! 嚟個水葬...就咁話啦...一嘢沖咗落廁所....永別喇! 唉! 晨早流流趕住番工架嘛...攪到人哋遲到喇....正衰人!