叉電

難得有日公眾假期...下個假期要等到12月喇....加上呢排唔多方便請假....怕且真係要等到12月先再可以放吓假喇! 所以...要好好珍惜今日呢個假期...搵個地方hea吓...充充電先!

又估吓今次我去邊?估到未呀....

冇錯...今次就係去長洲....都參唔多兩年冇去喇....今日都好多人吓喎!

今次坐快船...半粒鐘就到喇....幾快!

由於去到係lunch time, 所以....都係hea陣先食嘢啦....費事同人迫啦....向左走定向右走好呢.....是但啦....見路就行...haha.....

又周圍影吓相先......

成個長洲都係單車....多到連啲咸魚都要坐吓單車....

行完一輪有啲餓...咁啱經過呢間甜品店...梗係幫趁吓啦!

好多嘢都想食呀....疏乎里...火燄雪山啦....最後叫咗個自稱係熱賣嘅心太軟....又真係幾好食架喎! 其實佢個火燄雪山都好出名吓架....最攪嘢係上個火燄雪山嘅時候....個職員無啦啦熄哂啲風扇同燈,重連大門都關埋落閘放狗咁....攪乜呀?原來要點火架...黑麻麻先可以清楚見到個火燄雪山著火....真係好型架...不過喺隔離枱唔好意思影囉!下次再去我要試吓火燄雪山先!

唔知典解食完個甜品重肚餓....都係佢隊個麵穩陴....又估唔到街邊茶餐廳都有雜誌睇, 又幾體貼架喎!

我嘅至愛餐蛋麵!

食完又行陣...見到呢個小食好似幾得意...又忍唔住手買! 一係餓屎...一係飽屎...

行吓行吓行咗去海灘....去吹吹風先....

其實今日天色麻麻咋...冇乜陽光...不過坐喺度吹吓風都唔錯...又唔怕哂黑....好c服!

wowowooo.....男仕們....大家睇完呢張...係咪好有衝動即刻買番部相機扮攝影大師幫啲索女影吓相呢......大家唔恨得咁多架喇....

難得索女們瞓哂身咁影....連我都睇到眼金金呀!

昅完嘢再hea多陣就閃喇...可惜今日太陽伯伯冇出現啦...睇唔到日落添....算啦...食番碗豆腐花當補償...哼!

又幾滑架喎衰鬼.....