遲來的生日飯....

前兩日約咗幾條茂利開飯賀吓九月喇星嘅生辰...(九月頭生日...十月中先慶祝...應該係食'滿月'飯先啱!) ...由於主人家想打邊爐, 我哋最後去咗老尖嗰間'火鍋館'食...重可以一邊睇電視一邊食...啱哂班電視精朋友仔啦 !

首先梗係要叫番個湯底先啦...有芫茜皮蛋同蕃茄猪骨湯底...啲蕃茄好好味架!

見未齊人...整碟炸鯪魚ball食吓先...遲到冇得食...哼!

呢堆混醬位位十二個大洋...斷人頭計...坐低就要比錢架喇!

由於慌屎蝕抵嘅關係...一個二個博命喺度玩混醬...呢位人兄就係俵俵者喇...攪到一碗都係芫茜蔥....當飯食咁!

當然唔少得朋友仔至愛嘅'魚皮餃'啦

呢個唔知乜魚滑又幾彈牙架喎....

重有五寶散...呀..唔係...係'五寶丸'先啱! 其實重有牛肉`鯇魚片&腩`枝竹`豆腐`蘿白` 什餃` 鮮冬菇`油麥菜` 油炸鬼` 冬瓜片` 魚唇`牛丸(我啲記性考唔考呀)...不過...好多都冇影,影咗果啲又比啲煙遮哂...蒙查查咁,不睇也罷!

食食吓...坐我隔離再隔離嗰位關生又唔知典解無啦啦'射厘眼'昅到佢斜後面有位靚仔...呢位好似熟口熟面咁嘅 ...(帶帽嗰位呀..認唔認得佢呀?)

今日睇真啲...認唔認到係邊個呀?.....係'鄭嘉穎'嚟架...我呢個狗仔隊pro唔pro呀....咁啱嗰晚電視播梗'與敵同行'大結局呀....莫非佢想嚟睇吓觀眾啲反應? 唔知係咪啲人知佢在場呢...個個都好留心睇電視...連我不嬲冇睇開呢套嘢嘅茂利都睇到津津有味咁.....其實....我想講...'我真係唔多知套嘢噏乜'囉!

唔知典解呢期興生日嗰位喇星請食糖水....所以打完邊爐又去食碗糖水潤吓...多謝關生!

頂!個yahoo又成朝都save唔到嘢....真係好差呀....打完啲嘢冇哂....copy咗篇嘢都要paste咗幾十次先upload到!想典呀.....極差!