今日係姐姐嘅壽辰．．．呢期我哋無啦啦興喺公司攪'party'賀壽．．．為咗配合番近期嘅金融海嘨．．．我哋今日就喺公司攪咗個價廉物美．．．查實係cheap cheap哋嘅'飛碟派對'
(即係三文治party囉)賀一賀佢!
表面上呢個party係賀姐姐生日嘅，不過呢．．．姐姐lunch有嘢做切完蛋糕就閃咗lu！呢個蛋糕係小淫蛙整架，係咪好pro呢，係綠茶紅豆蛋糕嚟架．．．好味!
話明要慳得一蚊得一蚊．．．啲嘢梗係格過價先買．．．你哋估吓呢兩支大支裝嘅道地檸檬綠茶.幾錢一支?．．．貼士係10蚊樓下．．．9蚊? 8蚊? 7蚊? ．．．冇攪錯呀
...駛唔駛咁貴呀．．．$6.5有交易啦．．．夠平冇?!
材料方面...有磨菇, 火腿, 咸牛肉, 菠蘿, 吞拿魚．．．重有我至愛嘅芝士呀!為咗要襯番呢個貧苦午餐嘅主題．．．呢堆嘢都係搵啲平平哋嘅舖頭買架．．．HAHA
個conference room無啦啦變咗非法嘅麵包加工場添．．．
你睇呢啲輪侯入麵包機嘅麵包．．．個個都漲卜卜,好足料架．．．而我哋就好似啲輪米嘅亞嬸咁喺度輪包．．．等呀等．．．再等呀等．．．
原來輪包同輪米都一樣．．．都係有排等架．．．
終於等到喇．．．熱辣辣．．．考考味！
成餐嘢夾埋都係位位１６大洋．．．有得玩又有得食，呢個'海嘨套餐'確係超值!
錯!!! 大大枝嘅道地檸檬綠茶......... 係$6蚊龜一枝咋~~
回覆刪除[版主回覆10/28/2008 18:37:00]邊條友好坤我話$6.5架...家陣係咪呃亞婆錢先!
你條友好得閒wow, 工作時去寫blog, 話比你阿媽媽知啦！
回覆刪除[版主回覆10/28/2008 18:43:00]我都係喺百忙之中抽個胸出嚟抖吓....苦中作樂啫...你...你...你夠好'得閒'咁睇卜啦...車!
生日party，但生日果個就出左去！！
回覆刪除[版主回覆10/30/2008 00:01:00]好明顯...我哋都係....賀壽為名....開派對為實....乘乘雞雞玩吓啫!
又抵又好玩，睇到我好想轉工呀。 加埋椰林樹影，就好似去野餐咁 .. 爽!
回覆刪除[版主回覆10/30/2008 00:02:00]上個禮拜重堅....開party都不特止....隊埋酒添呀....