HAppY BirThdAy tO U (CalVin)........

又番炒啲過期卜先...今個復活節最特別嘅一日都算係排骨仔嘅生日喇....由於晨早就知道佢今年嘅生日撞正公眾假期,所以好早就約咗佢同肥C奶齊齊去海洋公園玩番轉!家陣佢哋不知幾喜歡玩機動遊戲, 趁家陣我重可以陪佢哋玩一於帶佢哋玩盡佢(唔係講笑, 以前我玩機動遊戲真係可以話天不怕地不怕架...家陣已經大不如前呢, 呢樣又怕高嗰樣又怕暈,真係年紀大喇!!)

MEME一家就下晝入海洋公園一齊食LUNCH...去咗咁多次海洋公園都係第一次哋呢間餐廳開飯咋......啲食物又唔錯喎,重可以近距離欣賞企鵝,真係唔錯呢!!大家姐重偷運咗個蛋糕入去切呢....其實係大家姐BOOK唔切餐廳提供嘅蛋糕先偷運架咋...HEHE...切完蛋糕我哋3條友就大家姐一家分道揚鑣玩喇...佢哋睇SHOW我哋繼續玩過山車同海盜船, 玩到落閘放狗先閃....

之後就出番去食DINNER, 嘩...要3個選擇恐懼証嘅茂利諗食啲乜真係有難度, 好在主角排骨仔話想食拉麵啫...我諗一風堂佢哋應該OK掛, 一於去老尖啦....就算唔啱食都重有其他選擇嘛!果然不出我所料,佢哋非常喜歡呢!見啲麵唔係太大碗, 一於帶埋佢哋去食甜品塞飽佢哋...HAHA!

帶咗佢哋嚟甜品工房, 嚟到都10點幾....好多人呀!! 不過佢哋又好LIKE...一於等等佢!!等咗半個鐘終於有位喇....又真係唔錯喎...佢哋食得超級開心呢.....見佢哋呢日玩得又食得開心....我都好開心呢, 下次再帶你哋去威先!!

泡菜國擔泥之旅~Day 6 & 7

第6日, 好快又到行程嘅尾聲喇,臨尾緊係要博到盡啦(我係指喺SHOPPING方面),不過前日晚做咗老泥妹周身唔舒服,最後都係要番天使李屋企梳洗完再出發...參唔多12點先出門口,攪到今日我哋嘅行程相當緊迫, 一嚟就去咗弘大掃一掃先, 再去新村食LUNCH...之後又去梨大繼續SHOP!

呢餐LUNCH好豐富呢,燒8色肉,其實我哋個個都好喜歡食燒肉架,除咗因為啲肉好味之外,其實我哋更愛呢度啲菜呀, 用啲菜夾住啲肉食冇咁肥膩之餘感覺重健康啲,咁多種蔬菜之中,紫穌葉就係我嘅最愛喇...

 

行完梨大我哋就轉戰去江南,本來想去SAMSUNG DELIGHT買電話嘅電架...點知去到乜Q都冇...唯有再去狎鷗亭行吓食吓飯啦,不過行嚟行去都唔知食乜好...最後又係食炸雞(不過呢間係第二間)...食飽再去江南搭巴士番天使李屋企....3條茂利識得識巴士番屋企都算係咁喇! 堅!

話咁快又到咗第7日喇,係時候...去SUPERMARKET掃埋零食喇, 由於呢度距離樂天MART太遠,去到重要買成堆嘢,拎都拎餐死! 所以天使李就介紹我哋去佢屋企附近嘅HOME PLUS掃貨!呢度啲嘢一樣齊全, 有排SHOP喇....買齊嘢就執包袱走人喇....由於重有少少時間,天使李介紹我哋去金浦機場附近嘅SHOPPING MALL行陣再搭地鐵去仁川地鐵....

天使李重送埋我哋去到金浦機場嘅SHOPPING MALL添...佢實在太好喇.....去到SHOPPING又SHOP一輪,食完LUNCH就搭地鐵去機場喇....嘩!機場勁多人呀....真係要9秒9攪埋退稅,好在最後都趕得切....臨上機我重用埋退稅啲錢買咗盒冬甩比啲小朋友同中朋友食添....果然係喪買兵團呀...KAKAKA!

泡菜國擔泥之旅~Day 5

由於我哋住嘅地方有啲偏僻,不能瞓得太晏9點鐘左右就要出發喇!去附近食少少嘢再搭車啦...要搭先搭巴士去地鐵站,再轉地鐵!

第一站係北村8景...對上兩次都行唔到,今次終於可以行到喇...揀動呀!

 行完個北村已經好攰又肚仔餓,行咗去仁寺洞再搵嘢食....冷麵好味呢, 其中一樣至愛呀!

之後就開始我哋嘅SHOPPING之旅,南大門,明洞同東大門....都唔明白明明次次都有去明洞,我都係兩個月前去過啫, 但係點解今次都係買到破哂產又係拎到擔泥咁嘅呢? (當然有一堆嘢係幫人幫嘅).....

拎住成袋戰利品又要練老鼠仔喇....好在我哋今晚諗住瞓汗蒸幕啫,可以先將啲戰利品拎去汗蒸幕到寄存啫!又可以兩手FING FING行東大門...可惜呢度係玩"批發",唔係太有心機行...一啲嘢都掃唔到....行到咁上下就掃吓街,掃完就番汗蒸幕瞓LU!

泡菜國擔泥之旅~Day 4

前兩日有司機叔叔車我哋周圍走,今日就要食自己喇....點解今日唔搵司機叔叔...因為我哋今日飛番首爾喇....玩唔到8粒鐘(司機叔叔一日要卜8粒鐘,有得卜半DAY)....我哋PLAN咗去牛島,入面有觀光巴士架唔駛自己行得咁辛苦!去牛島要搭程船先...喺船艙個個都坐地架....今日又有成村學生陪我哋坐船,唔知係咪韓國啲學生呢期興春季大旅行呢,成個濟洲都充斥住一群群嘅學生!

 

坐咗20分鐘船左右就到咗牛島喇...呢度好靚呀, 好似有個小型濟洲咁,要山有山,要沙灘有沙灘,要海女有海女,要油菜花有油菜花(啲油菜花重係呢幾日見過最靚架),真係超靚,可惜唔夠時間慢慢行啦!

 衝完一輪牛島,誤打誤撞咁又番濟洲市區,食個LUCNH再向地下街出發!

又要拎住個包袱行真係想死, 好在最後搵到個LOCKER擺嘢重要係免費,真係謝天謝地, 可以本輕輕鬆鬆咁行喇....之但係條地下街真係削咗啲,都係上去行吓街市睇吓水果開心啲,有好多甘呀,之前我哋都淺嘗咗一個,冇核而且好甜,不過價錢就略貴!我都係比較喜歡士多啤梨多啲!

傍晚就飛番首爾喇....又番"天使李"屋企打攪佢...佢實在太好喇....專程揸車去機場接我哋呀,番到屋企重ORDER埋星星炸雞比我哋食...有辣有唔辣,兩樣都好味!

泡菜國擔泥之旅~Day 3

好快又到第3日....今日真係超堅...我係指喺"行路"方面, 真係唔知行咗幾多路,每一個景點都係行行行....行都行到腳仔軟!

晨早起床清新開朗, 喺民宿打開窗就見到呢個景色, 好舒服喔! 由於呢度有啲隔涉為咗節省時間我哋前一晚喺SUPERMARKET買定啲餃子,麵包同杯麵做早餐, 食飽又出發喇! 司機叔叔都準時到呢度接我哋!GOGOGO!

 

一嚟就係咁"倚"行吓山君不离先啦....嗯,其實呢度好似上鏡靚過實境喎, 不過到此一遊都無妨嘅!

第二站就係迷宮公園喇...又估唔到真係幾迷,尤其係灑哂水嗰邊嗰個迷宮, 若然唔係途中有人提示, 恐怕我哋有排都出唔番嚟呀!

之前嗰兩個景點都算濕濕碎,呢度就真係甘喇...又凍又濕又黑重要怕比啲o靚仔撞,呢度就係萬丈窟喇...點解要嚟呢度, 因為呢度係文化遺產嘛,想去睇吓囉....不過行完呢度大家真係死咁滯, 我一路行一路驚跣低,好在最後有驚無險啫!

 行得咁辛苦緊係要食餐好啦....一於食海鮮鍋, 食完再行過!

 嘩,又係超甘嘅文化遺產城山日出峰, 呢度有好多人嚟睇日山架...不過睇日出真係太早喇攪唔掂...唯有安排下晝行,又係勁曬! 呢度真係慢慢長路....重要行樓梯堅索氣!不過啲風景好靚,辛苦啲都值得嘅!

今日最後一個行程涉地岬, 滿以為行幾步齋影幾張相就得,點知原來停車嘅地方距離影相嘅地方有九丈遠!頂, 見到條慢慢長路真係有爆粗嘅衝動!不過一場去到點都要行架啦...慳番啖氣罷啦! 之但係...呢度都係上鏡靚啲囉...啲油菜花都唔算茂盛!算罷啦!

 

行到腳仔軟終於可以番油店, YEAH...終於有張床瞓吓喇....前兩晚啲民宿都係瞓地咋....

放低嘢又出去喇.....行咗陣SUPERMARK買定聽日早餐就去晚飯喇...又嚟燒豬腩肉,食飽就打道回府!

泡菜國擔泥之旅~Day 2

今朝民宿亞姐親自煮早餐比我哋食...嘩!!咁多嘢我哋3條友邊食得哂....重要晨早流流隊飯同煎蔥餅, 真係堅! 沙律都好好味,不過真係食唔哂,好嘥! 食飽冇耐司機叔叔就到喇....係呀今日同聽日都包咗的士呀..一日8粒鐘, 13000won,行程就自己plan....不過司機叔叔都會充當埋導遊介紹一吓我哋去嘅地方!

 

YEAH....其實我哋架的士好靚架....同事話原來係BENZ嚟...怪不得咁舒服啦...不過司機叔叔開咗一陣車就叫我叫我哋落車喇...咦!未到架喎...噢!原來有一大片油菜花田佢叫我哋落車影相呀...巧靚呀! 影完相就跳上車喇!

之後就去玻璃博物館...嚟呢度影相都唔錯架...不過時間有限....快速影完就閃喇!

下一站就係綠茶館, 睇其他卜見到呢度, 呢個地方似乎係必到架喎! 又係一大片草原...好靚, 啲雪糕重好好味添!

之後就去咗HELLO KITTY博物館, 入面好靚架...雖則我哋唔算係KITTY迷,不過見到啲擺設咁靚都好開心呢!

終於到LUNCH喇....今次食麵同麵, 司機叔叔就介紹我哋食炸醬麵, 唔錯喎!

 食飽就繼續行程去正房瀑布喇....勁曬! 不過呢度影相又係超正....

行完瀑布就去中文海水浴埸,途經世界杯體育場又影吓先.....

 今日最後一個行程就係3D博物館喇...HAHA...其實影咗好多攪笑相架...不過唔方便公開囉!

最後司機叔叔就車我哋去今晚嘅民宿,係呀, 我哋日日都住唔同嘅地方行到邊住到邊慳番啲時間嘛! 放低行李就去出開飯...今晚清清地食牛骨湯麵...好味!夜晚重有真露,薯片同士多啤梨做宵夜,好滿足!

泡菜國擔泥之旅~Day1

終於的起心肝寫遊記喇...希望呢個復活假可以攪掂哂啲遊記啦!講番呢次韓國之旅。。。真係唔知點解由頭到尾都好似做咕哩咁。。。成日要拎住幾斤嘢上路（唔係行李就係戰利品），又練到幾隻老鼠仔番嚟喇。

４月６日嘅零晨我就同咗兩個茂利喺機場食個宵夜再上機（同樹帶咗我去Cathy lounge,其實我已經喺屋企附近食咗晚餐架喇。。不過見呢度唔駛＄有得吃就吃少少啦!)。。。都話架啦。。。零晨機實瞓唔著架啦。。。等一陣又有嘢食。。。等一陣又有廣播。。。等一陣又去廁所。。。等一陣又落機喇。。。全完冇瞓過。。。好在唔死得重ＯＫ啫！到埗我哋3條茂利就自己搭地鐵去桂陽站同喺當地住嘅同樹＂天使李＂匯合喇。。。（喺度真係要嗚謝一吓天使李同埋龍哥嘅熱情招待，打攪咗你哋幾晚真係唔好意思呢！！）

去到天使李屋企佢就拿拿淋煮早餐比我哋食喇。。。真係超揀動！你地真係有所不知。。剛到埗嗰日首爾嘅天氣突然轉冷，得番４度咋。。。我著住同帶去啲衫都好單薄。。凍到飛起，食啲熱嘢即刻醒神哂！之後我哋就將啲喼放咗喺天使李屋企再執好包袱(一大袋手提行李)準備去濟洲喇。。。去濟洲前天使李重帶咗我哋去矣汝島睇櫻花。。。好靚呀。。。不過拎住成袋＂包袱＂真係好甘。。勁攰呀！

 除咗櫻花重有其他花花架。。。都一樣好靚！

行完矣汝島天使李就帶我哋去食lunch，係。。。重有最靚嘅豬腩肉。。。正！重有成堆前菜，冷麵，豆腐湯同甜品。。超級飽！

 食飽又上路喇。。。去金浦機場搭內陸機去濟洲。。

到濟洲已經係傍晚喇。。。到民宿放低嘢就出去開飯。。。呢次食西餐。。計埋呢餐，我應該係喺２４小時內食咗5餐囉！！

復活禮物!

本來好想寫韓國賞花之旅,不過真係太攰喇....寫咗呢個先...話說前幾日大家姐帶MEME去文具店買生日禮物比肥C奶同排骨仔,揀好禮物之後亞ME無啦啦拎多本NOTEBOOK話送比我...大家姐問亞ME點解再送本NOTEBOOK比我...亞ME就話"亞仔學黏土要寫低佢"...HAHA...亞ME好細心呢...基本上我真係冇同佢講過會寫NOTES,祗係有一次佢上我屋企話想學整黏土我教佢嗰陣睇番我本筆記, 家陣啲小朋友真係醒!! 多謝亞ME!!

散水飯...

又有同事走喇....越年青越易走嘅定律似乎咁多年都冇變過....前幾日就約埋隔離department嘅同樹一齊食散水飯歡呢位同事, 今次去灣仔食德國咸豬手...食豬手緊係要啤啤佢先有feel啦.....

我哋成班友仔好似啱啱放出嚟咁....唔駛一個鐘就食哂啲嘢重快過lunch....8點鬆啲已經食飽!又冇奶油咁早就散,轉陣去食吓甜品先!! 同事話想去銅鑼灣試吓綠茶雪糕, 不過行到去成村人喺度, 而且間舖頭好細吓, 恐怕有排等呢...最後唯有變陣去天后食.....

 

就係咁成班茂利就由灣仔行去天后....最後都係食咁小甜菊....真吹啤....