呢間都算係隱世小店, 其貌不揚地點都好僻吓, 就係因為咁價錢唔貴食物質素都唔錯, 不過真係零服務,不過仍然其門如市...証明有麝自然香嘅道理! 希望你可以繼續KEEP住咁串, 要人客KEEP住等, 更希望你可以KEEP住呢個質素! 支持小店!
2015年3月30日星期一
人生第—杯鴛鴦。。。。
哈哈, 其實講出嚟都幾娘, 幾十歲人第一次飲鴛鴦!家因係我一向都唔飲咖啡,因此有一次喺讀書時代試飲過一次超難飲嘅咖啡之後喉嚨唔舒服之餘重成晚瞓唔著(其實我小時候已經經常失眠, 瞓唔著究竟係咪真係同杯咖啡有關我都唔多肯定呢, 不過人總係賴我就賴架啦...嘿嘿!), 之後呢去歐洲旅行都試過飲咖啡嘅, 不過太濃不喜歡呢!
點解無啦啦飲呢? 應該要追溯番前年公司攪咗個咖啡拉花班, 同咗啲同事一齊去玩, 拉杯咖啡都又唔想嘥嘢又飲啖試吓啦, 又幾好飲喎(拉花嘅咖啡係要落多啲奶,所以好易入口)...唔覺唔覺飲咗大半杯,雖然嗰日係星期五晚都驚驚哋瞓唔著架!不過又冇事喎,嗰晚瞓到死豬咁呀! 從此就開始咗我嘅飲啡生涯, 不過飲還飲始終都稱唔上好"好"咖啡,一年都飲唔夠十杯! (我嘅最愛仍然係檸檬茶呢!)
之但係又唔知點解, 近排對食物嘅喜好好飄忽呢! 前排新年無啦啦好想食湯丸(其實我不嬲都唔多鍾意食湯丸架!!), 過咗一排又將湯丸打入冷宮喇! 到咗呢排又無啦啦想飲咖啡,之但係太濃嘅咖啡我又真係未識欣賞, 都係MOCHA, LATTE之類啱我啲, 所以今次就試咗鴛鴦, 下一個目標就係檸啡, 不過好似未係度度都有得飲呢! 希望下次預到間好飲嘅檸啡啦!
2015年3月23日星期一
2015年3月22日星期日
飲飲食食Friday Night....
星期五約咗位朋友仔食食飯吹吹水。。。好耐冇試過ＨＥＡ咗耐喇，重滴酒不沾添！雖然我笨唔係一個爛飲之人，唔知點解通常吹水飲嘢嘅環節都係離不開要飲大兩杯，relax一吓可以傾多兩句！（呢個定律似乎男女合用呢），難得大家可以嘅清醒嘅情況之下（以啡代酒）可以吹足３粒鐘，真係好朋友先得呢！哈哈！
2015年3月18日星期三
星の証件套
話說上星期U Magazine出咗個隨書附送嘅小王子-星の証件套, 其實佢出版前幾日已經有同樹提咗我呢, 之但係大頭蝦嘅亞祖又點會記得到時到侯買呢?!
好喇...到咗星期四(U Magazine係嗰日出架)下晝3點幾嗰陣無啦啦回光反照醒起啦, 諗住放工去買, 點知放工又龜咁腳走咗,完全忘記咗呢單嘢!! 好彩....食食吓晚飯嗰陣無啦啦有位朋友仔whatsapp提我(真係好出奇, 估唔佢呢位朋友仔竟然記得我LIKE小王子, 我呢個僻好真係比較少人知架.... (其實我唔LIKE太似人型嘅公仔架, 唯獨係小王子, 其實我LIKE小王子個故事多過LIKE個公仔呢, 個故事實在講到小王子太可愛喇!!), 知都已經好勁重記得提我真係超級勁, 好想唱番首"藍精靈, 十分勁..."比佢聽...HAHA!...好在呢位朋友提我咋, 食飽飯去到"些粉"重有幾本存貨, 呢個套好靚呢, 超喜歡!!(不過唔捨得用, 變咗收藏品之一) , 查實買完本U Magazine冇幾耐, 又有另一位朋友仔提我買呢, 真係唔該哂呢幾位朋友仔呀!!
順帶一提...其實我LIKE好多公仔架...大路至Hello Kitty, Little Twin Stars ...比較另頖嘅有小王子同小麥皮(即係史歷奇), 下次有乜新出品記得嘅話順個便提一提我喔~~先謝過!
後記, 咪以後小王子冇乜人LIKE呀, 我無意中上網search到, 呢個套都有人炒緊架...原本$39個大洋嘅書連証件套, 家陣齋賣個証件套都要$50- $80呢!
2015年3月15日星期日
一堆飯局....
過咗年大家都開始得閒,呢個星期就約咗啲朋友仔出嚟開飯喇.....餐餐都好味又超飽....好在唔係經常咁食法...唔係實肥死咗!
呢間係老尖嘅太平館, 平時行街經過總係覺得佢好冷清咁, 估唔到星期二都頗FULL喎!重成日想烹我哋走添! 不過呢間分店又幾好坐喎, 食物斬算保持到水準, 唔錯!!
第一次去Marco Polo Hotels食buffet, 啲食物確係唔錯, 食咗好多龍蝦同鵝肝, 好味呀....超級飽!
一排冇食韓燒喇, 又係肉肉肉....好飽喔....食埋呢餐之後嗰幾餐真係要食清啲喇!! (除咗怕肥之外, 已經食到窮哂, 之後要食平啲喇)HAHA!
2015年3月9日星期一
黏土功課之生菓檔(六)
終於捨得UPDATE埋呢個生菓檔, 其實晨早已經整好...硬係懶得寫卜! 又嚟估嘢喇..
你....乜生菓檔有手榴彈架咩?!..HAHA...點整都係似手榴彈真係冇辦法喇...其實佢哋係蕃鬼荔枝嚟架....
佢哋係蘿友...OH...係碌柚先真!
呢埋係菠蘿...不過影近鏡先發覺...啲罅位唔夠黑色, 遲啲拎去補補色先!
佢哋係一堆士多啤梨...
砌個檔口都要啲時間呀, 影多幾張相先!
2015年3月2日星期一
海洋公園....
上年12月嗰陣同大家姐一家去海洋公園, 順便JOIN個ANNUAL PASS, 其實家陣去親呢啲什麼什麼樂園都會JOIN番個ANNUAL PASS,去一次比一次錢真係好貴呢,寧願加多少少可以得閒無事去HEA陣....我JOIN果陣幫我辦手續嘅姐姐重話我可以喺生日嘅月份帶兩位GUEST免費入場添(我同大姐夫都聽到架!!)....不過當時冇比COUPON我喎,因為趕住入場我又冇詳細問問....
好喇..."喺生日嘅月份帶兩位GUEST免費入場"呢句說話我一直都擺在心上, 於是我就喺我生日嘅月份(即係2月)就諗住帶肥C奶同排骨仔一齊去玩一轉!! 我諗農曆新年前應該會少啲人, 於是我就係農曆新年前帶佢哋去玩一轉! 之但係已經到咗2月架啦, 乜解究我冇COUPON都收唔到架呢?! 於是我就打去問問啦....點知個回覆係"小姐, 你會唔會聽錯呀, 呢個優惠喺上年11月先有, 12月已經冇咗喇!!"....嘩!唔係吓FA.....玩嘢咩, 我當然係同佢理論啦(注意, 真係理論, 有發爛渣成份, 有火但冇粗口的)....聽電話位哥哥一直話係我聽錯先慶嘛,於是佢又PASS個電話比佢上師, 佢哋嘅結論都好似係話我聽錯, 冇啲咁嘅事, 頭皮話若果我去海洋公園嘅話就比番啲食物卷比我(當然都係小食唔係食大餐啦!)...感覺上佢哋只係覺得我想R嘢! 對我嚟講都係癈話, 冇乜誠意嗰度!
同佢哋足足吹咗半粒鐘都冇功而還, 最後慶慶哋打咗個MAIL投訴(坦白講,次次我慶慶地話寫住去投訴都係吹吓, 今次真係第一次慶到要寫封信去投訴!!)...其實我都係諗住寫嚟叫佢留意番員工對客人講嘅嘢要認真一啲, 比咗呢啲唔真確嘅消息真係會影響人呢!! (查實唔想佢哋失望, 我已經預咗比錢出嚟請佢哋去架喇, 無啦啦冇7舊幾水好傷呢!!) 寫完封信都冇乜期望架喇....最多都係聽多幾句SORRY咁大把啦!
好喇,第二日有真係有位海洋公園姐姐打嚟"耍冧", 不過呢位小姐啲語氣真係好好多呢, 佢話比個9折我買飛...嗯...9折?!....好奀吓喎, 扯多兩扯有個8折, 再加埋小食卷, 生日禮物同埋可以唔駛排隊玩3個遊戲...唉!!當然呢啲小恩小惠真係幫補唔到好多呢, 不過又可以點呢, 都係嗰句啦, 我去玩無非想開心啫(而且我都對呢啲賠償冇乜期望, 好過冇而已!)....最後唯有接受呢個OFFER啦!!
當然, 發生呢單嘢唔多唔少都有影響心情啦, 之但係又真係要讚一讚佢嘅投訴科, 跟進得唔錯, 而且服務態度都好好, 將我嘅怒火大大降低, 去到先知原來要無啦啦買咗8折飛係好有難度架, 攪咗一大輪先得, 重要搵人護送我哋入場, 之後又幫我卜定海洋劇場, 送份生日禮物比我嗰陣又一人一句happy birthday, 真係嬲佢哋唔落喇!! (係架, 其實我好易氹架咋, 小恩小惠已經OK , haha)
,
訂閱：
留言 (Atom)