話說屋企有幾盆唔同品種嘅蘭花, 其實佢哋都係老豆以前種落嘅, 本來有十幾盆架, 可惜我管理不善, 家陣得番幾盆咋, 而且佢哋已經冇乜開花喇, 唯獨係呢盆拖鞋蘭重識開花, 每次見到佢開花真係好開心呢! 記得以前老豆好o錫啲花架, 成日帶佢哋落街哂太陽, 曾幾何時我真係因為啲蘭花吃醋呢, 乜解究老豆o錫啲花重多過o錫我架?!
不過家陣諗番, 應該多謝佢哋, 係佢哋令到老豆咁開心!喺退休嘅時候可以有啲"細藝"打發吓時間! 到而家,當你每次開花我都會諗起老豆開心嘅表情, 好懷念喔! 謝謝你"拖鞋蘭"!
沒有留言:
發佈留言