上個禮拜四約咗幾個朋友仔出嚟開飯, 其實正確啲嚟講係老趙、熟人同我去睇屎坑請小李食軟飯....雖然我要自費,不過難得有得睇人食軟飯...當然係義不容辭啦! 嗰日我哋去咗老尖嗰間德興打邊爐....
兩位主角(軟飯王同佢老細)梗係要影張相先啦!
當然唔少得老趙
.......
佢哋影得咁開心,我梗係唔蝕抵啦...攬番件正菜先
....
lee張合照真係有啲搵部相機嚟教飛架....由於冇腳架嘅關係...淨係用隻玻璃杯承住部相機咋...好險!
2007年7月30日星期一
怪談 (PG家長指引)
注意:此篇日記涉及驚嚇情節,請家長陪同收看.....
日期:2007年7月30日
時間: 晚上7:30 分左右
地點: 威爾斯親王醫院隔離嗰個地盤
人物:一條茂利(亦即係亞祖)
話說今晚放工如常去探亞媽, 由於今晚要先去第一城攞中藥再去探亞媽, 拎完中藥就選擇咗另一條比較僻靜嘅小路去探亞媽....(即係威爾斯親王醫院隔離嗰個地盤隔離個地盤嘅一條小路,小路隔離就係行車路....)...
我一直沿住條小路行...行到半路中途....無啦啦就聽到有啲小朋友嘅笑聲喺我背後傳出嚟(聽啲聲...應該唔只一個小朋友)....初時只聽到細細聲嘅笑聲...我不以為然咁繼續行...後來聽到一把小朋友嘅聲音叫咗聲"姐姐"...都係細細聲咁...不過由於趕時間嘅關係所以繼續行冇理到
...之但係....突然之間我好清楚聽見同一把小朋友聲音,好大聲咁叫咗一聲"姐姐"(之後又傳來一班小朋友嘅歡笑聲)....今次真係好大聲,好似喺我耳邊叫我咁! 於是我好奇咁向後望....不過.....一個人都冇, 連啲小朋友嘅歡笑聲都冇埋, 四周好變得寧靜
...注意...條小路唔係好長而且好窄, 其實只係一條短短嘅直路...真係一眼望哂, 真係冇人! 我再望去地盤嘅大門口...亦已經鎖埋....而且條行車路周圍一架車都冇....既然四周一個人都冇....究竟聲從何來呢! 嗰刻真係超勁驚....只好行快步急急走人!
經過反覆思量,得出以下三個可能性會出現上述情況:
1. 有班小朋友夜晚晚偷偷走入地盤玩(因為條小路好窄根本冇地方喱埋), 見到個靚姐姐
(即係亞祖)就諗住打個招呼!
2. 亞祖lee排太攰,黐咗線有啲幻聽 (表面睇嚟lee個好成立,不過上個星期一同一時間同一地點亦出現同樣情況,不過聲量較少我冇理到)...莫非...幻聽只係出現喺特定地點同時間?
3. 亞祖時運高乜都睇唔到...不過聽到...若然係咁我聽日要買番張六合彩...實中
!
比我揀...我梗係希望係第一樣啦! 
2007年7月29日星期日
的士恐懼証
尋日約咗二家姐同大家姐兩家人去將軍澳拜山, 我同二家姐一家人喺荃灣搭地鐵到油塘再同大家姐會合...由於冇車可以去到墓場, 我哋唯有喺油塘搭的士上去啦....點知肥師奶聽到"的士"嗰兩個字就非常之淆底, 重話寧願行上去都唔搭的士咁話!
其實lee個係童年陰影嚟架,有次佢唔多舒服搭的士,坐坐吓勁嘔, 自此之後佢每次搭的士都好驚嘔, 每次一行上車已經作嘔...坐到上到車又真係會嘔得出, 人哋未開車佢已經嘔定先比佢吹漲
!
由於肥師奶有lee個的士恐懼証, 平時我哋都避免同佢搭的士, 之但係....我哋lee次又真係冇得揀唯有硬住頭皮帶佢搭的士啦....結果...肥師奶當然係嘔到七彩啦...個師機叔叔見到肥師奶勁嘔, 都忍唔住問咗句"小妹妹係咪喺大陸嚟搭唔慣的士呀?"....我只好答"係呀...佢尋日啱啱游水落嚟架咋"
....不過我相信肥師奶再大個啲應該唔會咁架喇....不過....唔知等到幾時呢!
搭地鐵同巴士都重好地地架.....
2007年7月22日星期日
2007年7月20日星期五
甜的吃、苦的也吃
以前...我係一個完全唔鐘意食苦瓜嘅人嚟架,只要碟餸有苦瓜嘅話,我真係一舊都唔掂
有時同佢哋出去食飯(叫餸食飯嗰啲),佢哋都會叫涼瓜炒乜乜嗰啲....由於係share一齊食嘅關係,次次都本著"荒死蝕抵同一試無妨"嘅心態, 係咁倚食一兩舊...都叫做可以擺落口再吞落肚...算有啲進步!! (不過若然有得揀,我都係盡量唔食)
不過唔知幾時開始(都應該係近一、兩年嘅事掛), 我竟然會自己叫一碟苦瓜嚟食, 而且開始識得欣賞佢嘅甘! 其實苦瓜有個別名叫"半生瓜"架, 意思係要有閱歷之人仕，才懂得欣賞其甘苦.....唔知係咪真係個人大咗呢, 出嚟做嘢之後確係經歷咗好多事.....有甜有苦、有辣有唔辣....嘗到嘅苦比苦瓜苦千萬倍!! 區區一個苦瓜又點會難到我呢
(哈!又玩感性...死未)..... "半生瓜"lee個名又確係幾有意思!
姐姐教落,揀啲表面平滑啲苦瓜會冇咁苦架...唔知lee個合唔合格呢!
一個瓜都唔細架,之但係得一個人食...所以...最後決定一瓜二味....先嚟一個苦瓜炒蛋!
再加一個苦瓜排骨湯....都係第一次飲咋....都ok喎!
2007年7月19日星期四
又放暑假喇
又到七月喇,又係啲小朋友最開心嘅時候,試又考完,成績表又派完,終於可以安安樂樂放暑假喇, 又可以放個幾月假喇....真係羨慕死人!!
為咗興祝暑假嘅來臨, 二家姐就提意今晚去食buffet賀一賀佢...其實...我今日本應要去探亞媽架,不過前兩日肥師奶打電話比我問我去唔去食buffet...比佢lee隻小魔鬼引誘之下....最後都係揀咗去開餐
! 最初我重以為大家姐同大力一齊去食buffet添...點知大家姐都係唔多放心,所以最後老點咗大力去探亞媽....早知係咁唔鬼去啦....真係唔多好意思添...
我哋去咗帝苑食呀...勁食海鮮....好味!
重有一人一隻芝士焗龍蝦...lee個係肥師奶至愛嚟架!
睇吓肥師奶食點品食得幾招績.................
其實話就話放暑假,不過
.....2007年7月16日星期一
越幫越忙
前日老趙打比我, 佢話近排要寫個VB program (註解: VB係programming language全名為Visual Basic), 不過佢話九十幾年冇寫program唔多識知識
, 所以就打比我問我識唔識寫...老老實實...出嚟做嘢咁耐又真係一句VB都未寫過....之但係老趙叫到我就梗係兩脅插刀義不容辭嗰度啦
(lee編嘢一定要send比老趙睇...哈!)就係咁....尋日下晝老趙就拎咗一堆碟
(run又run唔到,連睇code都唔得!).....老趙就幫我update吓個window, 但係都唔得喎! 跟住老趙又懷疑我部電腦有virus,所以就download咗啲software幫我scan吓部機.....!! 唔知係小毒定係未毒發呢,平時唔覺有乜異樣喎....咁老趙當然係順便幫我cleanup埋啲毒啦!! 好喇...毒又掃完,又試吓開個program再睇啦...點知....都係唔得呀....唔信且再裝多次個VB....唉!...好明顯都係唔得啦(其實類似嘅不幸事件喺讀書時間都經常發生...攪完一大輪都係得個桔
....).....!!!嘩....唔覺唔覺我哋已經由七點整到參唔多十點, 連飯都未食....所以....我哋只好放棄.....去開飯罷啦!
), 本來叫我幫手研究program....最後反而變咗幫我整電腦.....連餐飯都請埋我食.....咁都未止呀....佢話要原來諗住搵我幫拖,所以重準備咗份小禮物比我, 雖則我乜都幫佢唔到, 不過我都照收架...呵呵!! 老趙,若然下次有乜嘢需要幫忙即管出聲, 幫到嘅我一定幫, 幫唔到嘅我都一定出嚟.....呃餐飯食吓都好吖.....
, 佢叫"藤原佐為"...棋靈王個主角呀!!
訂閱：
留言 (Atom)