越幫越忙

前日老趙打比我, 佢話近排要寫個VB program (註解: VB係programming language全名為Visual Basic), 不過佢話九十幾年冇寫program唔多識知識

, 所以就打比我問我識唔識寫...老老實實...出嚟做嘢咁耐又真係一句VB都未寫過....之但係老趙叫到我就梗係兩脅插刀義不容辭嗰度啦(lee編嘢一定要send比老趙睇...哈!)

就係咁....尋日下晝老趙就拎咗一堆碟

、文件去我屋企研究吓個Program,由於我部電腦冇VB嘅關係,所以第一件事就係麻煩老趙幫我裝番個VB先....hea咗陣終於裝完個VB點知一開啲program個VB就死...開極都開唔到

(run又run唔到,連睇code都唔得!).....老趙就幫我update吓個window, 但係都唔得喎! 跟住老趙又懷疑我部電腦有virus,所以就download咗啲software幫我scan吓部機.....

果然真係有virus喎, 重十幾隻添

!! 唔知係小毒定係未毒發呢,平時唔覺有乜異樣喎....咁老趙當然係順便幫我cleanup埋啲毒啦!! 好喇...毒又掃完,又試吓開個program再睇啦...點知....都係唔得呀....唔信且再裝多次個VB....唉!...好明顯都係唔得啦(其實類似嘅不幸事件喺讀書時間都經常發生...攪完一大輪都係得個桔....).....!!!嘩....唔覺唔覺我哋已經由七點整到參唔多十點, 連飯都未食....所以....我哋只好放棄.....去開飯罷啦!

查實老趙確係唔話得 (lee段係想表揚吓老趙嘅偉大貢獻嘅

), 本來叫我幫手研究program....最後反而變咗幫我整電腦.....連餐飯都請埋我食.....咁都未止呀....佢話要原來諗住搵我幫拖,所以重準備咗份小禮物比我, 雖則我乜都幫佢唔到, 不過我都照收架...呵呵!! 老趙,若然下次有乜嘢需要幫忙即管出聲, 幫到嘅我一定幫, 幫唔到嘅我都一定出嚟.....呃餐飯食吓都好吖.....

老趙就係送lee隻公仔比我喇,係咪有啲熟口熟面呢

, 佢叫"藤原佐為"...棋靈王個主角呀!!