的士恐懼証

尋日約咗二家姐同大家姐兩家人去將軍澳拜山, 我同二家姐一家人喺荃灣搭地鐵到油塘再同大家姐會合...由於冇車可以去到墓場, 我哋唯有喺油塘搭的士上去啦....點知肥師奶聽到"的士"嗰兩個字就非常之淆底, 重話寧願行上去都唔搭的士咁話!

其實lee個係童年陰影嚟架,有次佢唔多舒服搭的士,坐坐吓勁嘔, 自此之後佢每次搭的士都好驚嘔, 每次一行上車已經作嘔...坐到上到車又真係會嘔得出, 人哋未開車佢已經嘔定先比佢吹漲!

由於肥師奶有lee個的士恐懼証, 平時我哋都避免同佢搭的士, 之但係....我哋lee次又真係冇得揀唯有硬住頭皮帶佢搭的士啦....結果...肥師奶當然係嘔到七彩啦...個師機叔叔見到肥師奶勁嘔, 都忍唔住問咗句"小妹妹係咪喺大陸嚟搭唔慣的士呀?"....我只好答"係呀...佢尋日啱啱游水落嚟架咋"....不過我相信肥師奶再大個啲應該唔會咁架喇....不過....唔知等到幾時呢!

搭地鐵同巴士都重好地地架.....