可惡的George

記得有次比一隻曉飛嘅小強煩擾咗成晚, 最後我要退守番去自己間房,讓咗成個廳比小強玩....噢!估唔到年隔唔夠一年...類似嘅慘劇又再發生喇

!! 不過今次嘅主角唔係小強, lee次個主角有英文架, 佢叫George....唉!今次重係我引George入室添....該煨! 其實講咗咁耐大家知唔知邊個係George呢...其實佢係...."嚴蛇"一條...George 個名係某個乳膠漆廣告幫"嚴蛇"起嘅朵嚟架!

事發經過係咁嘅...話說尋晚諗住淋花,為免將啲淋花水滴落樓下,咁我就將擺喺露台嘅蘭花拎入去廚房先再淋啲花啦....殊不知....當我一手拎起個花盆將佢擺佢廚房個洗手盆之際...無啦啦見到有啲嘢由花盆飛咗洗手盆附近....搵咗一陣先見到原本係一條George 呀....估唔到佢咁古惑...用個花盆嚟掩護!!

唉...我成世人至怕就係啲核突嘅小動物架喇...其中小強

、米奇同George係我最最最最最怕架....見到條George喺啲抺枱布度穿插(啲抺枱布掛咗喺牆度)...又唔敢輕舉妄動...手無寸鐵咁都唔知點對付佢好...淨係叫George"唔好過嚟呀"(希望George真係識聽啦)....不過過咗一陣George已經逃之夭夭唔知去咗邊....死啦....家陣重驚緊...唔知George會唔會無啦啦蒲頭...好驚呀!!