IKEA內的路人甲乙丙

今日又去咗沙田hea, 行吓行吓到咗晚飯時間...亦都係令人好鬼頭痛嘅時間, 成日都喺沙田食的確有啲閹悶! 之但係又無啦啦醒起前排睇"一粒鐘真人蘇" , 亞蘇介紹宜家家俬入面個小foodcourt....真係唔講唔知原來入面都有好嘢食

, 所以就行咗去試試!

記得上次亞蘇介紹咗燒牛肉同埋肉丸...睇個樣又好似兩樣都唔錯喎...點好呢好難取捨添

...終於...哈哈...兩樣都叫哂......

叫咗5粒肉丸, 又確係好味喎! 側邊紅色嗰啲係jam嚟架, 重係我最鍾食嘅嗰隻味呀......估唔到用嚟點肉丸又幾好食架喎

......其實lee碟嘢十蚊兜咋......超抵!

lee碟就係燒牛肉喇....其實38蚊都好抵架, 不過好似熟得滯(可能師傅仔切咗啲頭頭尾尾比我啦), 乾咗少少...冇想像中咁好味....不過都ok啦...

唔知係咪亞蘇效應呢, 間嘢真係好鬼死多人....一條友都好難搵位, 咁啱見到有三個人(2男一女)坐咗張四人枱...於是我當然係走去搭枱啦...原來lee三位人兄都係同我一樣 睇完亞蘇個節目先嚟試, 佢哋話啲鴨胸同煙三文魚重好味呀...下次試吓先!

不過食食吓坐我對面嗰有位哥哥仔遞咗個漢堡飽比我(當然唔係真嘅漢堡飽啦, 係一張小刪子)....

好明顯...派得lee啲傳單嘅十居其九都係教徒....其中坐哥哥仔隔離嗰位姐姐仔重喺我梗食嘢嘅一段時間幫我上咗一課"基督教啲由來"........企圖引導吓我lee隻迷途嘅小羔羊....不過可惜我暫時都未感受到神嘅力量....嗯....學城武哥話齋 "神呀!給我多一點時間"......或者有一日我會感受呢.....