BBQ @ 大美督2012

星期六同咗啲朋友仔去BBQ...雖則今次係晨早約定...不過....結果都係去咗大美督...真係天意!! 尋日有朋友仔問...上年我哋係幾時去BBQ....原來係10月頭...怪不得上次咁熱啦....話時話尋晚天氣唔錯喔!! 不過呢個場最唔掂仍然係個廁所囉...超dirty!! 希望下次同呢班朋友仔BBQ可以去啲新地點啦!!

http://blog.yahoo.com/joejoelau/articles/73895

搓泥之.....

攪咗成晚先開始適應部新NOTEBOOK....由頭裝過哂啲嘢都冇問題...至煩係裝親都係最UPDATE嘅VERSION....真係用唔慣.....攪咗成晚家陣先用得順暢啲咋!!

係喇...又係估嘢時間....其實呢次又真係幾難估吓...HAHA...下次再開估!!

 

 

 

 

搓泥~嫁妝完結篇

一hea就hea咗呢個功課喺老師個workshop度半年....貢耐冇見....超級掛住你!! 終於攪掂喇!

上次就係因為"你"...就係老師因為搵唔到呢對繍花鞋上面嘅呢塊布....懶惰嘅我hea咗半年先番嚟執埋啲手尾....

呢個鳳冠都執靚仔啲先....不過...佢都係充滿瑕疵呢....


砌好啲嘢先.....當然要有金銀珠寶啦....

哂你冷....金光閃閃多美麗......

名人私房菜

尋晚又同咗啲卜友仔開飯...今次去食私房菜....有啲似之前食過嘅"龍泉"...不過呢度啲餸比較精緻...唔錯!!.唔錯!!我就比較喜歡蝦同蟹! yummy!

檸檬撻 + 杏仁甘筍蛋糕

之前出trip錯過咗幾個工聯會整餅course!! 嘥錢呀...真係想問公司claim番錢....前兩日終於可以上堂喇....今次去整檸檬撻.....呢個都好似幾簡單喎而且都幾受啲小朋友歡迎...睇嚟可以番屋企再整!

呢個course又真係幾抵玩...除咗檸檬撻重教埋杏仁甘筍蛋糕.....呢個係比較硬身嘅蛋糕嚟...都係第一次整咋....yeah...整好喇!! 本來好似左上角圖啲cake咁架....點知....焗完之後亞sir掛住講冇反轉啲蛋糕攪到個面凹咗! (我重想問亞sir係咪硬蛋糕唔駛反轉添!)見個面有啲樣衰....唯有用啲糖粉遮一遮醜!呵....大家咁就比我呃咗喇!! 不過呢....呢個cake嘅口味又真係唔係"賣飛佛"...可一不可再囉!!


後記: 唉....本來我好有心機咁寫筆記...真係step by step寫得清清楚楚架...點知趕住閃....唔記得拎份筆記走....吹啤啤!! 好在檸檬撻比較易整...而且啲食譜一街都係...再整應該唔太難!!

 

心連心慈善步行

今日晨咁早就起身....事關同大家姐一家去參加慈善步行.....其實今次公司有sponsor...唔駛錢就有得行...重有遊戲玩...又可以帶meme去玩喇!!


原本一個小時嘅行程...我哋幾條友仔hea吓hea吓....10點鬆啲開始行...行到參唔多12點半先行完...haha! 本來已經唔夠瞓...重行咗兩粒幾鐘真係超攰呀!

不過都好...行完啲人潮散咗啲...搵食都冇咁艱難...去咗delifrance食意粉抖一抖....食飽又hea多幾hea....3點先搭巴士閃....hea足6粒鐘....堅!!

兩皇一后...

咪諗邪嘢呀....兩皇一后係指大閘蟹呀....前幾日約咗兩位朋友仔一齊去鴻星食大閘蟹餐....8:30後有8折喎....緊係8:30先開始食啦!!hehe....好似近兩年都冇去鴻星食大閘蟹喇.....今次再食....又好似比以往好食咗, 所以推介一吓先!!

其實一次食三隻蟹都真係攰攰地架....食咗粒幾鐘先食得哂....不過又真係幾肥美.....而且一隻肥美過一隻添!正!!


其實我都係鍾意食"公"多啲....好味!!

其實隊完蟹都飽飽哋...再加埋其他餸真係堅飽呀!! 超滿足!!!

小甜甜....

前晚又同咗同事去食團購餐....今次食辣嘢....雖則話辣....其實都真係唔係好辣.....食得好飽都係一舊水左右....而且味道唔錯喔!!

個餐包括咗南北杏木瓜湯, 蒜泥白肉, 焗蜆, 麻辣田雞煲同擔擔麵....其實除咗個麻辣田雞煲有少少辣之外....其他都唔多辣架...另外再加兩杯飲品....滿足呀!!

4日假期....

 

其實嚴格嚟講我都係得3日假咋...事關星期六又要standby support朝9晚12....好彩除咗朝早接咗個無厘頭call之外其他時間都相當平靜!! 到中秋正日...可以放心去玩喇....查實....又唔係食食食同食.....

 

去維園趁吓熱鬧先....嘩....超多人.....怕怕....真係太迫喇.....頂唔順呢!!

話時話....今年都冇同啲家姐一齊做節...終於國慶先等到齊人.....雖則已經過咗中秋...都冇所謂啦....一齊食lunch都好開心!!


last一日假期同咗朋友仔食lunch.....睇戲......飽!!

迪迪尼~黑色世界

上兩個星期日....朋友仔拎咗幾張迪迪尼入場卷...重可以玩埋黑色世界....於是我哋一行4人就去咗迪迪尼玩喇....下晝5點幾入到去....嘩...超多人!!


未玩過灰熊谷喎....睇吓乜嘢料先....又係超多人....排咗足足成粒鐘先有得玩.....好彩個灰熊谷都算ok唔係真係嘔哂血...之後我哋趁少咗人就去咗toy story嗰邊玩.....經過間鬼屋又學人排吓啦.....點知排咗粒幾鐘...點知.....間鬼屋都真係幾無聊吓囉...重排咗咁耐隊添....頂.......

之後就殺埋space mountain...巴斯光年....睇埋個遊行.....準備走之際見到亞jack, 朋友仔個偶像呀...一於影埋合照先閃.....唔覺
唔覺又11點.......超倦!!!