檸檬撻 + 杏仁甘筍蛋糕

之前出trip錯過咗幾個工聯會整餅course!! 嘥錢呀...真係想問公司claim番錢....前兩日終於可以上堂喇....今次去整檸檬撻.....呢個都好似幾簡單喎而且都幾受啲小朋友歡迎...睇嚟可以番屋企再整!

呢個course又真係幾抵玩...除咗檸檬撻重教埋杏仁甘筍蛋糕.....呢個係比較硬身嘅蛋糕嚟...都係第一次整咋....yeah...整好喇!! 本來好似左上角圖啲cake咁架....點知....焗完之後亞sir掛住講冇反轉啲蛋糕攪到個面凹咗! (我重想問亞sir係咪硬蛋糕唔駛反轉添!)見個面有啲樣衰....唯有用啲糖粉遮一遮醜!呵....大家咁就比我呃咗喇!! 不過呢....呢個cake嘅口味又真係唔係"賣飛佛"...可一不可再囉!!


後記: 唉....本來我好有心機咁寫筆記...真係step by step寫得清清楚楚架...點知趕住閃....唔記得拎份筆記走....吹啤啤!! 好在檸檬撻比較易整...而且啲食譜一街都係...再整應該唔太難!!