咸咸濕濕

新年嗰幾日假期都係同咗屋企人番大陸玩,其實年年lee個時間都番去,而且年年都因為咸潮嘅關係,啲水喉水都係咸咸地,不過今年啲水真係勁咸,真係同海水冇分別,唔怪得賣哂報紙啦!

我哋第一時候梗係去樸水啦!唔係就真係水都冇得飲....but 沖涼都係要用番咸水, 沖完仲咸過未沖嗰陣,好難頂!大陸啲天氣又勁潮濕,攪到啲家俬都痴立立咁.....

雖則有啲難頂,不過同屋企人一齊過年都好開心嘅, 難得可以一齊hea 幾日, 又可以同兩隻小魔怪玩,肥師奶重猛問我做乜咁快番香港,重教我詐病唔好番工添,比佢激奀!

不過唔知係咪佢地哋個個都病咁滯，比佢哋傳染,今朝個喉嚨又無啦啦痛,家陣個額頭重有啲興興地占寒占涷添,聽日重要番工架...希望聽朝無嘢啦...

 

黑面

唉! me again.....又係我! 點解劑劑都係我架, 每次month end 都係咁, 家陣重喺公司等消息.....頂6點幾user 先落call,頭先 媽媽見到我黑哂面, 都唔敢嘢我!

大佬次次都係咁, 又冇人話要stand by, 乜通知都冇,好似老溤咁!

最慘又係要搵星洲人攪....頭先打去星洲搵做support嗰個亞姐, 見等極都冇消息咪call 佢囉, 打比佢先知原來佢去咗威, 要11點幾12點先番屋企! 佢就去咗玩, 咁我點呀!好彩有個星洲人online 咗yahoo 姐, 即刻搵佢求救! but 佢都好似唔知點fix 個問題, 大鑊啦.....重約咗人食飯添, 家陣約食消夜就參唔多!

 

 

 

 

憤怒

今朝番工都係同平時一樣喺上環搭地鐵, 都係一上車就訓, 到咗金鐘嘅時候無啦啦見到坐我邪對面嗰條茂利熟口熟面…頂! 原來係 ”大賤人” (基本上佢喺我唯一嘅仇人, lee世我都唔想再見到lee 個賤人)…

唉! 晨早流流撞到佢真係極度黑仔! 唯有繼續耷低頭扮訓覺, 重拎啲袋遮住自己添,殊不知到咗天后站, 無啦啦有人用報紙拍我個頭, 一定係”大賤人”嘅所為啦, 難逃一劫添, 好彩條賤人喺炮台山落車, 淨係捱一個站姐! 真係好唔想應佢, 但最後都係怒啤咗佢一眼, 一粒聲都冇出到, 淨係同佢揮手當講拜拜(一路揮手,個心一路講”快啲死開啦仆X….#@#%#$@#%”)…

究竟佢係咪真係唔知我憎到佢死架!

番到公司以為可以抖吓啦, 但係坐唔夠5分鐘個電話就响喇, 重一個接一個…重要姐姐跟開啲嘢, 次次都係咁, 姐姐一放假佢跟開啲嘢就會無啦啦出事! 勁邪! 姐姐重要放到2月中先番, 我真死得啦! 最慘係今日連媽媽都放埋假, 啲星洲人又話要開會…叫我頂住先! 大佬, 一個人做3 個人嘅嘢你估我係超人咩!!

姐姐今日好靚呀

今日係姐姐結婚嘅大喜日子(恭喜!恭喜!),頭先約咗幾個同事去觀禮, 因為姐姐係教徒嘅關係佢去咗教堂行禮, 初頭重以為會好悶, 不過又唔係喎, 啲詩歌重幾好聽添, 咁啱曾路德同姐姐係番同一個堂, 姐姐重搵咗佢唱詩, 佢唱咗首”Still”, 真係好好聽呀!

攪到參唔多5點先結束, 重有幾粒鐘先至去飲, 都唔知hea 去邊好, 平時好地地喺街hea 3粒鐘真係濕濕碎, but 尋晚溫書溫到2點幾先訓, 今日又超涷…都係番屋企抖吓穩陣, 抖足精神今晚再去食餐勁嘅!

唇印

lee個星期2至4,日日都要開會,重日日都9至5...除咗食lunch 之外全部時間都係開會.....真係勁悶勁眼訓! 尋日下晝開會,食完lunch 已經非常之眼訓,重坐到又涷又口乾,咁啱清潔亞姐入咗conference room,重幫我哋斟茶添,見到杯茶熱辣辣,梗係第一時間飲啖先啦,即刻暖哂.....

當我諗住拎起隻杯飲第二啖嘅時候,無啦啦比我見到隻杯邊有啲紅色一忽忽嘅嘢喺度,初頭以為係花紋啦,但係睇真啲原來係唇膏印嚟架!識我嘅人應該知我不嬲都唔查唇膏架啦.....換言之....lee個唇印一定唔係我啦! 天啊!真係超級核突同嘔心,斷估我之前飲嗰啖應該同個唇印嘅位一樣,重啱哂咀型添! 頂!唔只覺得隻杯好污遭,我覺得自己都好污遭呀......

好似同個3唔識7嘅女子咀咗一啖咁.....我唔係咁隨便架喎! 為左唔想比人再沾污我,今朝投資左大拿拿$4.4賣左支"Bonaqua" 去開會!

 

 

人間蒸發

頭先啱啱番左logistic course,今日終於輪到我哋嗰組做project presentation,原本應該有師奶仔,我,亞旺三個人present, but最後得我同師奶仔present 咋！之前我哋send 咗成個禮拜 mail 比亞旺,但係佢全完冇feedback!其實之前佢拍哂心口話有material 做個project,但係遲遲都未有動靜, 淨係send 左一個flow chart, 重要係得嗰幾個box,重有一埋用放大鐵鏡睇都睇唔到嘅report,問佢嗰係乜東東佢又唔覆…直到上兩個星期我同師奶見勢色唔對,唯有prepare定啲嘢再同亞旺discuss 啦....

上星期一, 見到佢就隊左份嘢比佢叫佢昅吓有冇問題囉, 殊不知佢竟然語帶不滿咁話”其實我都做左啲嘢架…不過算啦!…我唔係好識用power point喎!”, 頂!佢真係唔知做左啲乜囉, present 前一堂都重係兩手fing fing 咁番學, 就算真係做咗嘢都應該同我哋discuss 吓啦!!!!!

咁都算啦, 我同師奶仔都諗住放棄佢啦,我哋做完再叫佢present 吓啲簡單嘢算囉, send埋份功課比佢,但係佢好似人間蒸發咁, 完全唔覆mail, 今日重玩失蹤添, 聽番亞sir 講原來佢對份功課嘅睇法同我哋唔同，算單一句佢係唔認同我同師奶仔做嘅嘢，其實我覺得睇法唔同lee家嘢真係冇乜唔妥，駛唔駛鬼鬼鼠鼠搵亞sir 呢，佢重問亞sir 可唔可以先己做添，亞sir梗係啋佢都傻啦...

唉！最頂隱係佢完全冇講比我哋知，等我哋好似傻婆咁叫佢幫手present…最後師奶仔夾硬頂埋亞旺嗰part presentation添，真係辛苦哂!

 

 

乜原來有啲咁嘅嘢

今朝搭巴士番工嗰陣,後面嗰兩位姐仔勁大聲咁吹水,好鬼嘈吓,由於佢地講嘢太大聲,我就局住要聽佢哋講嘢, 其中一位姐仔講"我年初一同初二都番工,不過都預左啦,無所謂! 不過3粒鐘都幾難捱架, 唔知攪乜好, 好彩唔係成日對住姐,唔係我實發顛...",聽到lee度,我真係想問嗰位姐仔"小姐做盛行?"

喺好奇心嘅驅使之下,我就梗係繼續偷聽啦.....另一位姐仔又發言"你都好有本story book,可以頂粒幾鐘,好彩唔係做教師姐,唔係重辛苦,尋晚亞'香香'又無啦啦發顛,11點幾都唔肯訓,佢喺屋企唔係咁架喎....'晉晉'都唔似讀四年班,重喺度玩超人變身好攪笑, 尋日重同佢打波添",講到度lee大家估唔估到佢地做邊行呢?

我諗大定都未必估到exactly 嘅答案....原來佢哋係喺"家舍"到番工架(因為其中一個姐仔講左句,有d小朋友嚟到"家舍"就會發顛), 乜原來有"家舍"lee樣嘢,我孤陋寡聞唔知添!

頭先睇番"家舍"啲web site先知,原來"家舍"嘅小朋友大多數來自破碎及有問題的家庭,"家舍"嘅家長員工輪流當值，全面照顧啲小朋友嘅起居生活同督導佢地嘅功課.......其實佢哋份工都幾有意義架,真係失覺哂!

 

星洲嘅DBA

上星期五send 左隻mail 去星洲, 叫嗰邊嘅DBA幫手喺個database 度create 個 function, 幾粒鐘後,個DBA 覆我話攪掂左,正想send 個mail講句唔該哂嘅時候,忽然心血來潮.....諗諗吓都係check check 穩陣(雖然lee個動作好簡單but嗰個DBA 不嬲都拾拾地)…唔check 由自可, 一check就見到果然唔對路,原來乜都未做! 唉! 之前個mail 晨早話哂比佢聽做乜架啦,可能佢發雞盲睇唔到掛,都係拿拿淋send 番mail 比佢叫佢check 啦, 我重話埋比佢聽backend table 搵唔到個function喺庶 ,叫佢睇吓係咪未整好…

之後佢嘅reply重頂隱,佢竟然話”係呀,個backend table 冇data…”,我心諗唔係掛,你究竟知唔知我要做啲乜架?就算唔知, 都睇到個backend table名都應該知道係用嚟做乜啦, 估都估到, 假假地都叫做DBA 吖, 唔係咁雞掛……大佬, 勁趕架咪玩啦, 真係比佢吹到漲啦! 最後都係要由頭講一次比佢知我想做乜…攪到今日先攪掂,好險!

 

師奶殺手

上個禮拜同左亞媽去銅鑼灣行工展會,同往年一樣都係人山人海....多人到d工作人員check唔切飛,我都係兩手fing fing咁行左入去(but我有買飛架,趕唔切拎出嚟姐)

...我哋行到草姬健康產品個counter嘅時候,亞媽話喺報紙剪左個印花可以換嘢,唔知換條什麼什麼減肥帶,咁咪同佢去換囉,but個counter唔知點解咁多人,啲人重排哂隊添,聽啲師奶講,原來郭晉安會去做promotion.....

聽到有明星睇,亞媽不知幾開心,等左十分鐘倒,郭晉安終於出現,又幾靚仔架喎!唔知點解亞媽越企越前,後尾佢重同郭晉安握手添,重猛咁叫我影相,好鬼high....不過唔祗我亞媽咁開心,其實有好多師奶都係佢fan屎嚟架,不斷咁叫"亞旺...亞旺..."......之但係有唔少記者喺度影相,重有個工作人員喺度拍嘢,我就不斷咁避開.....都避得好辛苦吓!

等了又等

尋日lunch食飽飯冇嘢做去左公司附近嗰間滙豐銀行入票同打簿,查實都好耐冇去bank…對上一次去bank已經係幾個月前,都係用打簿機打簿咋, 重要係本簿仔嗰條磁帶唔work 打唔到放棄嗰隻…

尋日食飽都係1點8姐,橫掂時間尚早,而且又要入票同整番好本簿仔, 咁咪諗住襟張飛仔去counter 攪囉, 唔駛煩一嘢過…襟左張C478飛仔, 跟住咪睇吓”C”家陣叫到乜冧巴囉, 嘩!唔係fa…C366, 重有成112個先到!

但係我都係唔信且,等一陣睇吓乜環境先…其實有好多人都係攞左飛仔之後發覺唔對路,走左唔等, but d teller 唔知邊d人走左,每哎一個冧巴都等吓有冇客仔黎, 等一排唔見有人黎先叫下一個冧巴,就係咁大家喺度鬥等!

嘩!咁等都唔係辦法,3點都番唔到公司啦,唯有放棄唔排,用左入票機入票(好左lee個唔駛排姐), 但係我又大鄉里第一次用入票機,都係去打吓簿check吓張票係咪入左穩陣d…唉! 我本簿仔當然係用唔到打簿機打啦, 跟住我咪走去問客戶服務嗰位亞姐囉,跟住佢話: “打唔到簿要襟張飛排隊先喎…”, 我心諗”頂!又排, 唔係fa”, 好彩今次排第二隻飛(E129), 等五個冧巴姐 …攪掂哂d嘢都2點10分,之後再去八吓”C”飛排到幾多啦…勁! C420…

 

2006元旦

今日約左d朋友仔去lu lu屋企玩,本來諗住2點鐘出發,但係無啦啦皮膚敏感周身痕,唯有喺屋企坐吓先啦,終於hea 到3點幾先出發,參唔多5點先到, 去到lu lu 屋企....lu lu, 山潺, 屎坑同小李已經開梗枱, 冇幾耐骨妹都黎埋,之後我重幫山潺戥腳tim....哈!估唔到咁耐冇打居然會贏(都係贏20雞姐), lee d 咪就係盲拳打死老師傅law....

之後我哋重去左小欖燒烤場燒嘢食, $88任食, d嘢都ok喎, but食左冇耐已經覺得有d身痕,後尾重越黎越勁tim, 連條頸都紅埋, 超級勁痕! 番到企屋即刻沖涼, 啱啱啪左粒皮膚敏感藥咋.....唉!家陣重係勁痕,今晚唔駛訓啦....