憤怒

今朝番工都係同平時一樣喺上環搭地鐵, 都係一上車就訓, 到咗金鐘嘅時候無啦啦見到坐我邪對面嗰條茂利熟口熟面…頂! 原來係 ”大賤人” (基本上佢喺我唯一嘅仇人, lee世我都唔想再見到lee 個賤人)…

唉! 晨早流流撞到佢真係極度黑仔! 唯有繼續耷低頭扮訓覺, 重拎啲袋遮住自己添,殊不知到咗天后站, 無啦啦有人用報紙拍我個頭, 一定係”大賤人”嘅所為啦, 難逃一劫添, 好彩條賤人喺炮台山落車, 淨係捱一個站姐! 真係好唔想應佢, 但最後都係怒啤咗佢一眼, 一粒聲都冇出到, 淨係同佢揮手當講拜拜(一路揮手,個心一路講”快啲死開啦仆X….#@#%#$@#%”)…

究竟佢係咪真係唔知我憎到佢死架!

番到公司以為可以抖吓啦, 但係坐唔夠5分鐘個電話就响喇, 重一個接一個…重要姐姐跟開啲嘢, 次次都係咁, 姐姐一放假佢跟開啲嘢就會無啦啦出事! 勁邪! 姐姐重要放到2月中先番, 我真死得啦! 最慘係今日連媽媽都放埋假, 啲星洲人又話要開會…叫我頂住先! 大佬, 一個人做3 個人嘅嘢你估我係超人咩!!