La Scala@帝京酒店

難得兩隻小魔怪聽日唔駛番學...加上佢哋啱啱測哂驗...二家姐就搵埋我同佢哋一齊食buffet刷餐勁...

今次就去咗帝京酒店食....地方又幾大架喎...

重可以order pizza架...不過呢啲飽肚嘢當然係冇叫啦!

其實我都係食咗好少嘢啫...片皮鴨....

一碟海鮮.....啲蟹腳考考味呀.....

龍吓都好彈牙......

搵個蟹粥食吓先.....之前睇中醫...大夫明明叫我唔好食咁多海鮮架喎...不過...真係忍唔到口呀...食咗先算啦!

除咗任食重係任飲架.......................

芝士怪又出沒喇....好味呀!

魚生都ok喎...北寄貝都好新鮮呀....

近年已經食少咗甜品喇...不過見到佢哋咁精美...真係要重出漿糊...殺到佢哋片甲不留.....haha......真係飽到上心口.......

不過...甜品嘅嘢小朋友點會嚴多吖...呢個肥師奶重拎個舊棉花糖當"聖火".....真係食到傻咗!................

海鮮餐@三門仔

今晚又無啦啦有得黐餐喇...本應諗住約亞美出嚟開飯....最後佢搵埋男友仔出嚟車咗去三門仔食海鮮......又有好嘢食喇...

其實我都係第一次去三門仔咋....嘩..好豐富...有大蜆...大聖子...蟹...墨魚...雞同菜...好好味...好滿足....又要講番聲...多謝老細hehe!

點解去三門仔...其中一個原因就係可以帶埋佢兩隻寶貝..barbie 同nanako....佢哋超可愛呀....坐唔定又為食...好似小朋友一樣....真係好好玩!

佢哋同媽媽影相合作啲架喎....可能媽媽識抱佢哋啦....

佢哋個為食樣有相為證呀.....haha!

散散心....

過去嗰兩日真係有太多激氣事發生喇(由其喺工作方面...真係一池死水冇得救!!)....心情真係非常差....趁住呢幾日假期真係要好好休閒一吓...充吓電!

今日天氣咁好...要出搵啲戶外活動先得...好耐冇嚟呢度喇...對上一次嚟都參唔多兩年前.....星期六真係太多人喇.....足足等咗半粒鐘先有車...

大澳真係一個好有特色嘅地方...同市區好唔同....感覺好舒服...

重有好多特產添....

不過...我最愛都係呢個唔食得嘅咸蛋黃.....睇完日落心情都好番哂! yeah!!

FREE

 10月20日...星期二...係一個好"特別"嘅日子....呢日亞祖唔知做咗乜嘢好事....無啦啦...真係好無啦啦咁有人請食飯....hehe...

呢餐要多謝師奶仔....由於有$50 coupon嘅關係...呢期lunch餐餐捱美心MX...今次可以食餐好喇....整番碗湯先.....

一人揀一款主菜...姐姐同師奶仔就食魚...我試過確係幾好味...不過細碟咗少少!

有條茂利就食炸魚...呢個又鬼屎咁大碟...

我呢...就揀咗個海鮮飯....好味...多謝老細呀!

到咗夜晚嗰餐...呢餐重堅....話說星期二嘅朝早...喺公司樓下撞到關太(真係好日都撞唔到佢)...佢一嚟就話夜晚約咗亞美開飯重叫埋我添.....於是夜晚就去咗銅鑼灣開飯........先嚟碗翅先....好足料呀...

再嚟一碟雞....好味....

整多個魚先.......香噴噴...

呢個油麥菜都好好味......

翠玉瓜亦唔錯.....

再加多碟蝦球.....

食埋個甜品就非常滿足喇....多謝哂亞美同你男朋友仔呀!

星期二風流快活完...呢兩日又因為兩件事攪到冇哂心情...今日重做咗件想做好耐又唔敢做嘅事...非常之轟烈!! 橫死掂死....豁咗出去! 好多唔應該講嘅說話都講哂! 有時候...亞祖都會諗...工作...朋友....對亞祖嚟講究竟有乜意義呢...番工為錢?需要朋友係因為想搵個人吹吹水解悶? 可能...咁諗反而會舒服啲!

黏土製作の廣東食品第五回

唔知大家有冇留意....個subject由"紙黏土"變咗做"黏土製作"呢...實不相瞞若然唔係玩呢個course(再加上卜友仔華姐嘅指點)...我都唔知原來黏土都分好多種...其實家陣都係學咗5堂....都唔係好識...淨係玩過樹脂黏土, designer clay 同輕黏土(就係未玩過紙黏土..haha)....所以索性改咗個subject佢囉!

上堂終於收到啲蒸籠喇...不過...訂咗兩筒大size碗仔都比人搶哂...最後死死氣要咗一筒細size碗仔咋....激屎人.....

勞氣嘢就唔講喇....都係講吓我啲蝦餃燒賣開心啲....我嘅點心家族....有牛肉燒賣...(屋企咁啱有焗爐紙...剪咗少少嚟薦喺底好似好樣啲..呵呵)....

重有潮州粉粿.........

鮮蝦粉粿........

要多一籠燒賣吖唔該.........

整多籠蝦餃先........

大家又估唔估到鬼鬼鼠鼠企喺後排嗰幾籠係乜鬼嘢呢?(下次再講你知....)

偷睇完人哋啲卜學到嘢喇...通常啲人係興咁樣話比人知個蒸籠size有幾大架....話時話..."女皇頭"一蚊值唔值錢架? 拎出去炒會唔會炒到兩蚊?

難得齊人...影番張大合照先!

比多樣嘢你哋估吓...究竟下面一條條五顏六色嘅嘢係用嚟整乜嘢點心呢?.....估中...係冇獎嘅..haha!

唉...繼上次"彿時trade"之後....今日番工又學咗一個新生字"爹勒技" = delegate...查實我何得何能點人做嘢呢....我只係話你知你應該點做...搵邊個幫手啫....我"笨"唔係"萬能"架!!