大閘蟹@東園

10月喇...又係食大閘蟹嘅時候...上星期五就同咗食班同樹浩浩蕩蕩咁去咗東園刷餐勁喇....其實今餐要要賀一賀十月啲喇星同樹架...咁多位喇星...生日快樂呀! 由於M姐晨早就卜定枱...去到就有位喇...重有房坐添呀....

同上年一樣....我哋湊夠十二位....order咗一圍大閘蟹宴呀....先嚟一個六小碟前菜先...成班餓鬼咁....好快掃哂喇....

之後就到主角"大閘蟹"喇...一人兩隻....食咁手軟喇....

大家又知唔知呢碟係乜呢?....佢咪就係大閘蟹肉囉...我隔離嗰位師姐....要拆哂啲蟹肉出嚟先食...真係相當滋陰....佩服!佩服!

呢個帶子炒翠玉瓜又唔錯喎....

啲魚都相當滑...好味.....

重有翅一煲...呢個就確係麻麻....味道一般....

重有蟹粉小籠包...不過...搵唔到蟹粉喎...當佢係普通小籠包都ok架....

呢個芝麻炸子雞...又幾好味...個皮幾香架.....

糯米飯都好好味呀...咁大兜都比我哋食鬼哂....勁!

呢個千層糕係甜品之一....都唔錯...

食完大閘蟹當然要飲番碗薑茶啦...重加咗粒芝麻湯丸....啲糖水入面又加咗啲"桂花"...好香呀...好味......

食埋生果真係超滿足.....

不過....亞袓呢個"賤骨頭"...食完好嘢個肚仔又唔c服....番到屋企一陣就將啲大閘蟹同翅都沖哂落廁所lu....激屎人!&#$_%@#^*@#^(

大家睇我個卜睇到好悶頂喇...比個爛gag比大家估吓.....r呢個係真人真事嚟架....頭先去書局睇書嘅時候....聽到後面有個C奶用唔咸唔淡嘅口音問店員:「呢度有冇"賣魚"書呀? 」

店員:「"賣魚"書? 」

C奶:「係呀嗰啲"賣魚"大全呀..."搓賣魚"嗰啲呢.... 」

真係不得不讚吓店員...佢聽完呢句嘢真係明咗呢位C奶噏乜(佢當然唔係真係要"賣魚"嘅書啦...你又估唔估到其實呢位C奶想要乜書呢?

答案係......

"謎語書"...問你怕未...haha!