尋日有幾位茂利朋友嚟咗我屋企hea, 見佢哋一場上到嚟諗住頭皮整少少嘢比佢哋吔吓啦.....比我整梗係諗住整啲冇乜難度嘅嘢啦....典知....有個朋友仔話想試吓"紅豆豆腐芝士凍餅" (佢喺小淫蛙個卜到見到架)
....難得有朋友仔想食...更難得嘅係佢"竟然"信得過我叫我整吖嘛...haha...於事我就臨急臨忙咁問小淫蛙(oh....話哂有求於人...要客氣啲先...今篇卜就叫番你小青蛙啦)....係臨急臨忙咁問小青蛙send個個食譜嚟駛駛啦!
得幾行字...真係明哂啦...屋企又冇工具....典好呢? 好在..心地善良又樂於助人嘅小青蛙叫我上佢屋企...佢教我整呀!
所以星期六嘅下晝就去咗小青蛙屋企一趟...拜師學藝喇....你睇小青蛙重幫我計埋份量添呀.....
不過....喺度真係要表表小青蛙呀....佢辛辛苦苦咁幫我買咗罐罐頭紅豆番嚟呀...唉...真係估唔到...原來成個青衣都係冇紅豆架....行咗6間supermarket都冇....我問supermarket啲亞姐...佢竟然隊罐紅腰豆比我....真係吹到啤一聲 ~ 啤!
其實又確係唔難整...不過要整到一層一層就要花多少少時間喇!
攪咗參唔多3粒之後...終於完成喇....個樣都ok呀!!
再整頭皮整多少少嘢就攪掂......好在啲朋友仔要求唔高啫....查實....真係食你哋唔屎都偷笑啦...唔好要求太高喇....hehe!!
教你整餅時就小青蛙 , 其他時間就係小淫蛙 . wooooooooo~ 真現實 !
回覆刪除[版主回覆10/06/2009 14:41:00]搣匙.....我只係叫唔慣佢個"藝名"啫...佢個真名"小淫蛙"襯佢啲吖嘛....
搣匙講得啱呀!!!! 睇吓你個人幾現實吖~~~~~~~~~~~~
回覆刪除不過, 個蛋糕底確係幾滑溜幾靚樣喎~~~
冇老點你啦!!! 嗌你反轉個底嚟遮醜真係work架~~~
[版主回覆10/06/2009 14:41:00]知道...小淫蛙老師....
咦 .. .. .. 貢睇法 .. .. .. .. .. 妳嘅廚藝應該有極大進步喎 .. .. .. 妳屋企要唔要我去 house warming 呀??
回覆刪除[版主回覆10/08/2009 23:04:00]come on baby...我等你煮比我食呀...hehe!
個樣都OK，你上左Q咁多COOKING CLASS,冇"奶由"仲咁"屍"，幾時輪到我地去你新居 house warming 先？
回覆刪除[版主回覆10/08/2009 23:05:00]幾時都得啦...不過我未有麻雀板呀....上網打住雀先啦...haha!