大家估唔估到下面副相係邊度嚟? 自修室? 圖書館? 似唔似讀書時候聽listening嘅房呀..........
....我諗齋睇相真應該係咁諗....係咪!
之但係.....lee度其實係..............
...........
星洲嘅I.T. office....入面全部坐哂I.T.人.......人口密度相當之高.....張枱淨係夠擺notebook........擺多杯水重還可以嘅...櫃仔都冇個...重要係面壁....後面經常有人行嚟行去....休想偷懶! ....又要日日要拎住部notebook番工放工...真係拎到手瓜起展....
To: 姐姐、師奶仔,
其實喺香港真係好幸福架! 珍惜!!
終於番屋企喇.....好開心呀....今日係last 一日training.....公司附近有個好大嘅貨櫃碼頭,餐餐放工都鬼死咁大風架....又過又幾涼爽架.....
整番張大合照先...我後面嗰位係老師嚟架...重有菲律賓、韓國同馬拉同事!好似聯合國咁
....菲律賓亞姐重話遲啲嚟香港玩會搵我呀...臨走重比佢咀咗塊面一啖....查實我同佢唔係好熟架咋.....
lee兩位就係我成日提嘅馬拉同事，佢哋好nice架
，Esther等梗你3月嚟香港玩架,到時記住call我！
重有lee位哥仔都係馬拉同事嚟架...原來我同佢同一個月生日架......識咗佢哋應該係我lee個trip最大收獲
.....其他嘛．．．不堪回首．．．
下晝又係食food court...又係食河粉...lee個都ok...炸雲吞撈河嚟架...
4點鐘上完堂就飛的去機場喇,又好彩話咁快就有的士,4點半就到機場喇...
見重有大把時候就去睇吓有乜食....話時話好似重有好多嘢未食過添...由於之前喺牛車水食嘅叻沙實在太藺食喇....所以最後一擊就食咗碗好好味嘅叻沙食...真係好正呀....食飽飽可以上路喇....
食完可以再食...lee個飛機餐又唔錯喎....重有朱古力同雪糕...好滿足呀!
上咗幾日堂啫,就換咗3次課室...聽日又轉場地...話時話都唔知公司其實有幾層嘅, 又唔係集中哂喺一齊, 有時26樓有時又27樓...去去吓連35樓都去埋....又唔晨早book定房喎...攪到要走嚟走去....
同尋日一樣, 今日6點唔夠就閃得...啲星洲人話想試吓小印度啲嘢食, 橫掂我一條友都唔夠彊去試....就同埋佢哋一齊食嘢啦....我哋去咗間唔知乜水捱介嘅舖頭...明明人哋叫嗰啲嘢食好靚仔架喎....好明顯我哋唔識叫啦....碟嘢唔知似乜咁, 啲汁又多到死,攪到成碟湯飯咁...不過....食落又not bad喎...味道都唔錯！
其實lee碟係咖哩飯嚟架，入面有猪扒、滷肉同豆卜，好明顯lee碟嘢係走實力派路線嘅.........
........3蚊貨仔....算係咁啦！
今日終於可以過番啲正正常常輕輕鬆鬆嘅生活,重以為做學生可以hea啲添,點知星洲嗰邊搵咗個Oracle Consultant嚟教,製作鬼死咁認真,重成日問書...想偷吓懶都唔得
...
lunch嘅時候又去咗公司強近個food court食啲唔多好食嘅嘢,我以為食唔慣見覺得難得啫,點知連食開lee啲嘢嘅馬拉人都覺得唔掂呀!可想而知啲嘢食真係幾咁唔掂....
本來個schedule係上堂上到7點架,不過好明顯...邊鬼個會咁得閒hea到7點先散呀,又咪6點鬆啲散水....不過都好可以早啲去玩
,今日有個馬拉同事約咗佢個friend出嚟食飯,厚面皮嘅我又跟埋佢哋去...由於馬拉人嘅朋友嘅朋友(確係好疏吓)有揸車,所以車咗我哋去East Coast食飯...嘩!今餐好豐富呀...一枱都係嘢...正!
唉....日日食埋lee啲熱氣嘢又唔夠瞓...攪到喉嚨又痛添...番香港又病架喇...真煩
!
熱烈祝賀亞袓終於捱完三日超難頂嘅training．．．恭喜哂．．．基本上今日同前兩日一樣,勁比泰國人串,我話香港啲嘢點點點．．．佢又係講"I don't think so"，頂！今次有證有據我冇講錯架．．哼！．．．
見之前馬拉人同菲律賓人都話唔識整啲finance Report，臨尾諗住講吓點整啦，點知我講唔夠兩分鐘，個泰國人就喺成班人面前同我講"Ok, I will teach them later, you can proceed to other topic"．．．大佬，講我識嗰啲嘢又比你串爆，識少少嗰啲你又叫我唔好講，唔識嗰啲我又唔敢提．．．重邊ｑ度有嘢請講呀！最後都係叫佢哋試做算喇．．．三點就收得檔．．．不過真係要多謝佢，唔係重要捱多陣先落堂．．．
話時話若然你問做咗三日老師有乜感想，我諗得兩個字可以形容．．．就係．．．”委屈”．．．亦可用５個字嚟形容．．．就係．．．”超級勁委屈”！！就算媽媽問我，我定都一定會答同一個答案！一字不漏
不過唔開心嘅日子過去喇．．．今晚終於撇甩咗幾個馬拉人，一條冷去咗老巴剎食嘢，其實啲馬拉人都好好嘅好take care我，不過我都係想一個人hea吓．．起碼自由啲，食乜都得！唔去都唔知原來老巴剎好近我哋間爛鬼公司架，行１５分鐘倒就到．．．
Yeah．．．lee度就係老巴剎喇, 誤打誤撞咁行咗過嚟．．．
其實一條友又真係食唔到乜嘢,叫咗個炒粿條．．．
重有沙爹(三拼嚟架雞猪羊)．．．起碼要買十串,真係超飽．．．
食完嘢就搭咗MRT（星洲地鐵）去Clarke碼頭 hea咗陣．．．好彩尋日啲馬拉人教咗我搭地鐵啫（原來酒店附近有個地鐵站架，又好彩唔多印度人搭）．．．真係超方便，點都好過等的士啦，等九年都未有車！
一路吹海風一路食雪糕, 爽呀．．．不過麵包夾雪糕lee個組合確係幾怪．．．試吓都ok嘅．．．lee個係粟米味雪糕嚟架．．．好好味!
好q攰呀．．．快啲捱埋聽日就好喇．．．好彩教三日啫．．．多日都死呀!! lee度就係討厭嘅training room喇．．．快啲到聽晚，快啲到聽晚，快啲到聽晚，快啲到聽晚，快啲到聽晚，快啲到聽晚，快啲到聽晚，快啲到聽晚．．．
．．．
話時話嚟星洲之前真係幾想喺度掃吓街食吓大排檔...之但係...過咗三日啫...家陣見到啲大排檔又確係有啲反胃...唔知點解食親嗰啲都麻麻地,尤其係公司附近嗰啲真係唔多掂檔，又細碟又唔ｑ好食!
本來諗住今日放工自己一兜友去hea（不過唔知去邊度hea), 點知臨放工前無啦啦比個星洲人捉住問AR 啲 program...勁九唔搭八...真係想打發佢叫佢搵姐姐...不過見佢好urgent咁又要應酬佢...攪吓攪吓最後都係等埋星洲人一齊走...見橫掂都係就一齊去食飯啦,今次星洲人終於有啲新意帶咗我去harbour front,原來嗰度有個food court叫做Marche,嗰度嘅裝修確係幾特別，入去食嘢好似去咗supermarket咁，環境又新又靚，價錢當然係貴啲啦，啲食物以西餐為主．．．見成班星洲人喺度唔多好意思喺入面影相呀．．．
lee個係薯仔餅．．．係用薯仔絲做架，重可以點sour cream，可惜啲sour cream唔夠sour，不過都幾好食．．．而且肯定夠飽呀．．．唉！終於有餐食得飽飽．．．真係感動呀．．．．
好肚餓, lee句係我今日嘅總結…都唔知啲星洲人同馬拉人係乜嘢構造架…食小小嘢就話飽…最慘係lee間酒店嘅早餐真係唔多掂,冇嘢食架 (除咗lee樣其他嘢都算係咁), 下晝啲星洲人帶咗我去食大排檔…啲嘢細細碗咁…夜晚同啲星洲人去China Town食, 又係細細碗麵…冇一餐有飽嘅感覺…頂!
lee個就係早餐喇...係就係自助餐...不過真係冇乜嘢食揀...味道一般啦....
雖則個肚係好q餓, 不過其實今日都比人串飽架喇…話說今日training,坐我隔離嗰位泰國亞姐雖然只係嚟q咗兩個星期, 由於佢不嬲都用開finance module所以啲嘢好熟…..起初我講一句佢已經搭十q句架喇(基本上佢已經當q咗自己係老師)….咁都算q數啦, 點知當我講…"其實我哋啲user點點點用架...." 之後, 佢又走嚟搭爹話"No, I don't think so"…吓吓都窒q住哂…其實我唔係唔比你發表意見, 不過我講之前都有問user平時係點用架, 你泰國唔q興啫,唔代表香港都唔興, 都唔知佢"I don't 乜q 嘢 think so"… ! 係咪你個人嘅想法覺得唔係咁…就要否定我講嘅嘢呢! 你窒q我之前可唔可以尊重吓我呢…你係勁, 不過態度確係有待改善!最慘係重要扮冇嘢笑住答佢....好q難頂! 真係好有挫敗感....唉!頭兩日啲嘢已經算好啲,第三日講GL,死q梗!! 真係好唔q想教落去,幫我book機票番香港呀!頂你個肺,你老闆吖.....(話時話lee段嘢係咪好q多個"q"字呢....其實...個"q"字係.....粗口嚟架...大家頭皮搵個粗口字塞落去就可以加強語氣....會明白我有幾q嬲架喇!!)
lee碗唔好食嘅叻沙啦....乜料都冇....得豆腐卜同豆腐卜....車.....
味道ok嘅吉仔水....lee個包穩陣...不過唔飽肚呢...
唉!好彩間酒店日日有驚喜啫,今晚番到酒店無啦啦見到枱頭有幾個生果....終於有宵夜食....聽日放咗工都係自已出去hea好過, 起碼有餐飽飯食....
頭先打開個衣櫃,無啦啦又發現驚喜二...原來lee度連熨斗都有, 重有洗衣服務...不過每日可以免費洗兩件衫咋,真係洗到上面洗唔到下面...不過都好過冇!
