其實我一向都唔係太怕黑(運程除外), 對於啲黑黑哋嘅地方都唔係太抗拒, 好似睡房咁有少少光都會瞓唔到...但係唔知點解偏偏就好唔鐘意個廁所黑麻麻!!試想想,喺個黑麻麻嘅地方點沖涼洗頭呢
....
其實lee個情況喺細個嘅時候真係試得多, 以前啲公屋好興停電...喺lee個清況之下我哋會喺個廁所點枝爉燭照住嚟沖...真係一邊沖一邊驚...又驚火燭又驚涼涼吓唔小心淋熄個火...沖個涼都沖得唔安樂咁....種知好煩啦
!....可能童年陰影嘅關係, 所以家陣特別關心lee個問題啦
.....
唔知點解lee排成日都好擔心廁所個燈膽會壞, 因為佢好似就夠期咁...唔知大家有冇用開慳電膽呢, 無論乜嘢品牌都好, 一用到三年就會自動玩完...真係準到冇人有! 其實之前都想買定個燈膽, 不過又唔識買....其實都係懶啫!.....唉..... 終於...喺今朝....廁所個燈膽真係唔著喇....好彩今日係星期六, 又好彩喺朝頭早壞啫,
...於是我就拎埋個壞燈膽一枝箭咁標落街配番個新嘅....又好彩一搵就有.....都算黑唔哂!
真係要影低佢, 下次都識買吖....
沒有留言:
發佈留言