欠債

今日約咗個朋友仔去海運睇"色戒"

...話時話lee啲攞奬戲都係唔多識欣賞...我lee啲凡夫俗子只係覺得一般咋喎....不過套嘢都未至於悶嘅! 睇完戲參唔多八點, 都係時候開飯, 於是我就同個朋友仔去咗加拿芬廣場嗰間"616日式火鍋店"食飯....

間嘢都算幾大...啲梳化都幾好坐....不過又真係冇乜人客喎!

話明係日式火鍋店, 梗係要食火鍋啦...我哋叫咗個牛肉火鍋餐...個湯係昆布木魚湯嚟架

..................

個餐重有碗菜同烏東架...............

..............

除咗牛肉火鍋之外, 重叫咗海鮮拼盤, 有大大隻蝦、蠔、蟹腳 同帶子....好味!

食完火鍋好似唔多夠喉, 再叫多兩個小食....一碟炸雞翼同一碟燒茄子....碟雞翼都ok 呀....話哂炸雞翼都唔會差得去邊...不過...碟燒茄子好鬼唔掂...淡到死...搵啲汁點吓都冇呀...連色水都冇...too bad!

食飽飽就當然係比錢嘅時間啦...不過....原來我頭先淨係比咗飯錢比個朋友仔咋, 唔記得比戲飛錢呀, 真係老人痴呆

...激死!!