今日係一年一度嘅渣馬, 今年想挑戰一吓新路線所以參加咁半馬....今次真係更加不敢怠慢...足足練咗半年先夠膽去跑....本來上星期日練完都好有信心....點知嗰晚練完跑番屋企發現前兩日對腳啲敏感好似勁咗(初時我重以為係普通皮膚敏感), 唉...心知不妙喇....九成係濕疹啲FRIEND....雖然我未試過有濕疹, 但係身邊有唔少親戚朋友都試過, 睇嚟我都係呢家嘢!! 於是星期一去咗睇中醫....真係話我有濕疹呢...超DOWN....(濕疹呢單嘢真係要另外再寫番篇"濕疹特輯"訴吓苦先...), 咁都算啦.....唯有呢個星期都乖乖戒口(濕疹嘅戒口係比普通戒口更深層次, 更加冇嘢食得呢, 當然重要早少少休息啦....又真係早得好少...HAHA).....
閉關咗一個星期終於到咗渣馬嘅日子....上兩次跑10K晨咁早真係瞓唔到,今次難得瞓到又出事....瞓到4點就熱醒咗...醒嗰陣已經FEEL到有D出事...周身痕...不過黑麻麻就冇理...HEA到6點起身...起身睇吓對腳乜事....嘩!第一眼見到我真係嚇咗一跳(實不相瞞,望到對腳實在太DOWN喇...真係忍唔到喊咗出嚟, 好無肋, 又唔知想點已經冇哂心機跑喇...真係驚跑完更加唔掂!!雖則我唔係索腿天后啫,都唔好攪到變咗爛腿天后吖!)跑定唔跑呢家嘢真係猶豫咗好耐...原本諗住著長褲...已經唔冇可能著到...著長褲一定痕死跑唔到, 最後就咁著條短褲就算喇(沿途當然係有人望我對爛腳啦....已經唔理得咁多喇, 一於跑完先算...)....嗯....你問我點解咁堅持...HAHA....性格嚟嘅...你越唔比我做咩...我越係要做(係...我係傻架!)
終於去到尖咀, 之但係去邊度寄存啲嘢呢....我呢啲傻吓傻吓嘅緊係冇溫書啦...以為頭皮搵個人跟就得....咁咪出事囉...原來好多人都冇溫書唔知去邊寄存架.....由於啲嘢最後要SEND番去終點(銅鑼灣)所以大家嘅行李都要放哂喺啲車度...而啲車就拍喺北京道附近, 由於指示不足,個個都要搵一大輪先搵到(我都係跟大隊先搵到咋...真係搵都搵到攰哂囉!!),放低啲嘢就去做吓warm up喇.... 老尖呢邊同銅鑼灣又有啲唔同, 呢度有一齊做warm up都好熱鬧好好feel呀.....
呢度最好係喺市區,等候嘅時間冇咁悶可以周圍行(跑10K要一早行去東區走廊, 周圍乜都冇,齋等好悶呢!), 可能周圍都多嘢睇, 今日好似唔駛等好耐已經可以去起跑區!!一吹雞大家就開始跑喇...GOGOGO.....唉!由於朝早DOWN哂...連洗手間都唔記得去...跑咗5K已經要搵洗手間喇..,.迫於無奈要去啲臨時洗手間....等都等咗5分鐘....等咗一大輪....最後去咗個史上最DIRTY嘅toliet, 真係去又死唔去又死....又唔想再等(恐怕嘥時間再等都冇分別),唯有照去...真係想死!
話時話跑半馬感覺又真係好唔同....好講耐力,不過又唔係想像中咁"冇可能"....好似跑到西遂真係驚驚哋, 心諗會唔會焗死架...點知又唔係想像中咁焗喎! 其實隧道入面有通過系統, 有風吹吓, 而且跑到隧道口附近啱啱出太陽好鬼哂又好鬼熱, 入咗隧道反而可以避一避呢...不過跑到呢個位已經有啲攰 (已經跑咗13-14K)所以跑開始慢呢! 平時搭車都唔覺西隧係咁長...跑完已經係15K喇....真係撞鬼過咗海冇乜力反而多大鈄路...真係冇哂力只可以行, 不過行行吓又聽到後面位叔叔同佢隔離位亞姐講: "吓, 你尿急?! 我屎急咗好耐啦..."...HAHA...本來我真係好攰...不過聽完真係忍唔住大笑, 笑完一輪又精神啲...家陣諗起都覺得好好笑...KAKAKA!去到金鐘開始有多啲途人打氣...當你攰攰哋嗰陣都有啲幫助架...係呀...半馬沿路都有好多水站又有蕉,朱古力同車尼茄食架!原來晨早流流咁跑真係會跑到肚餓架...出發前我已經隊咗條長長嘅麵包...不過最後嗰2K都已經好肚餓喇....好在跑完之後大會派條蕉嚟吔吓啫, 之前跑10K嗰陣真係FEEL唔到條蕉原來係咁重要架!
跑到最後2K真係冇乜力水喇....本來諗住可以11點前到終點架....不過去咗個廁所嘥咗啲時間真係追唔番喇....最後大慨11:07分到....應該用咗2個鐘零22分鐘左右完成....都算跑得出自己嘅水準....其實今日可以完成到已經非常感恩呢, 原來跑步可以忘記身痕呢...HAHA!!Thank GOD!
