黏土功課之生菓檔(四)

終於到尾聲喇....估埋呢轉先....呢啲都係未上色架....呢幾粒粉紅色嘢應該唔難估掛....

答案: 火龍果

呢幾舊嘢上唔上色都唔爭太遠, 佢個款都好易認啫....

 答案:佢哋咪就係楊桃囉....

嘩, 呢兩粒, 估到嘅話你真係幾勁....(唔知點解肥C奶竟然估到!!)

答案:其實佢哋係椰皇嘅架....呢個真係少食少食....真樣係點都唔太sure, 整完都唔知佢似唔似!!(直覺話我知...唔似囉...HAHA)

呢幾個應該估到喇掛, 教呢幾舊嘢嘅時候我走咗堂呢....最後都係抄同學仔啲note同睇佢哋啲製成品再番屋企試整....最後都整到真係超開心呀!!講咁耐要開估喇....

 答案:冇錯....係菠蘿呀!

呢兩舊嘢硬係覺得爭啲爭啲整得唔夠好咁....究竟爭啲乜嘢呢?!

 答案: 我成食叫人吔嘅....."蕉"...

呢兩舊...我重以為算易估....殊不知原來好多人都估唔啱架......

答案:碌柚嚟架...(肥C奶問:點解碌柚唔係綠色圓圓地嘅?!) HAHA...一言驚醒，係喎呢期興食泰國碌柚,之但係我呢個係懷舊生果檔呢, 以前得強國版碌柚架咋!

咪以為呢兩粒圓碌碌好易整...其實之前已經整過兩粒架喇...點知乾咗之後變咗型呢, 要再整過先圓啲咋!!

答案: 對...佢哋係西瓜嚟...

下面呢個唔係估唔到呀...

答案: 咪就係亞叔好鍾意食, 去到世界各地都要食嘅榴槤乜乜乜囉...

YEAH...終於介紹哂...係咪估得好辛苦呢..HAHA....趁個聖誕假我已經油好哂顏色架喇....下次再逐一post比大家睇啦!!