星期五ME姐學校有個親子旅行, 大家姐叫埋我去湊熱鬧,一年班先有親子旅行架,下年就成班小朋友食自己喇....難得一次就緊係去參加吓啦.....(好明顯係想乘機搵日放假"逃工"啦!!)
小一嘅旅行嘅地點通常都好單簡, 今次係去大埔海濱公園, 呢日有幾間學校都係揀呢度旅行呢, 迫到爆呀!!
家姐一早同其他家長夾食一人整一啲食物一齊嘢餐...嘩!啲媽咪好強呢, 成煲魚蛋同雞翼拎去...重熱架....而且份量超多呢...呢度應該夠三、四十人食呢!(我哋夾夾埋埋得廿個人左右咋!!)
雖然大埔海濱公園都幾C服...不過呢期不得不介紹吓我樓下嘅青衣公園呢....巧靚嘅好葉!!呢期真係冇得輸呀!! (呢張係星期六經過影架....真係靚架!!)
2點就去完個親子旅行喇...番歸抖咗陣....夜晚就咗朋友仔開飯...去咗食牛角...好耐冇食喇.....難得唔駛等好耐,呢間嘢最好就係食完唔會成身煙味....讚呀!
沒有留言:
發佈留言