姐姐今日好靚呀

今日係姐姐結婚嘅大喜日子(恭喜!恭喜!),頭先約咗幾個同事去觀禮, 因為姐姐係教徒嘅關係佢去咗教堂行禮, 初頭重以為會好悶, 不過又唔係喎, 啲詩歌重幾好聽添, 咁啱曾路德同姐姐係番同一個堂, 姐姐重搵咗佢唱詩, 佢唱咗首”Still”, 真係好好聽呀!

攪到參唔多5點先結束, 重有幾粒鐘先至去飲, 都唔知hea 去邊好, 平時好地地喺街hea 3粒鐘真係濕濕碎, but 尋晚溫書溫到2點幾先訓, 今日又超涷…都係番屋企抖吓穩陣, 抖足精神今晚再去食餐勁嘅!