1600隻熊貓去咗元創坊,我緊係要去探吓我啲同鄉啦.... 嘩...不過今日真係超熱,我又冇卜定位...雖則排隊都好快(其實祗係慢慢行入去唔駛停低排隊), 不過天氣咁熱行到去元創坊已經全身濕透!救命!
YEAH終於見到佢哋喇.....你睇佢哋幾得意,又大又有細架.....有啲重識踢波同玩雙節棍添!
其實今日嚟除咗探吓啲同郷之外重有另一個任務架...就係要整隻同鄉出嚟喇....由於時間關係....小熊貓形嘅紙糊已經準備好, 不過都象徵式黐多層紙糊,用風筒吹乾後再上色就得架喇...雖然論論盡盡咁攪到成手都係顏料不過都幾過癮!
整完重有張證書添, 之後主辦單位就會挑選啲熊貓去展覽, 唔駛拎去展覽嗰啲就可以快啲拎番屋企....相信我嗰隻唔多靚仔嘅態貓BB一定可以好快番到屋企架喇......KAKAKA!!
沒有留言:
發佈留言