話說我嘅名古屋初馬(名馬)重淨番一個月都唔夠就要比賽喇....真係好緊張呀, 而家除咗要努力行程之外最重要嘅當然係要努力練習啦! 今日我同名馬兩位女跑友一齊練習, 為免大家太HEA重邀請咗位特別嘉賓鞭策大家...HAHA....
就係咁今日就4條友喺荃西出發...去到屯門轉車站撞到另一批將軍澳跑友, 最後重一齊跑去黃金海岸同三聖村添, 好熱鬧呢!
最後用咗4小時先完成34K, (其實有啲慢呢, 希望比賽當日可以快番少少! ), 跑完成個人散哂咁滯, 齊齊去青衣飯茶食飽就番屋企休息喇! 攰到爆今晚實好好瞓!
沒有留言:
發佈留言