拉胚班(一)

繼上次去工聯會玩搓泥之後...今次再接再勵...玩埋拉胚班! 今次個center好型架...唔係去工聯會果d二打六班房...真係去啲拉胚workshop...你睇....個門口都型啲架!

其實呢度得6部拉胚機咋...收成十幾人...次次都要輪米! 就係呢部機喇....有個腳踏制control快慢架....好似ghost咁呢...個盤一路轉我哋就一路拉胚....

由於時間關係...之前啲step係冇影嘅....鏡頭一轉...就去咗開窿.....呢個步驟....成日都做得唔好...唔係穿底就係個底太厚...想典呀!

之後就可以拉吓舊泥...通常呢個時候...真係好似ghost咁....無啦啦有隻男人手隊過嚟一齊拉.."oh...my love...my darling...”...無他嘅....除咗係因為我哋時運低之外....技術一樣都係低低哋....老師們都會見義勇為咁幫我哋一把嘅!

呢個就係我嘅作品喇....實不相瞞....都係拉拉吓老師過嚟幫過拖嘅! 下次有機會要自己一手一腳整哂全程(講就咁講囉...聽住先啦)! 

重有其他同學仔嘅作品...有啲真係整得幾靚架!

重有其他班嘅作品...你睇...幾得意!