憶蓮 LIVE 07

尋晚約咗幾個朋友仔去咗"九龍國際展貿中心"睇林憶蓮演唱會, 唉, 我哋幾個大陸喱連車都唔多識搭, 最後都係喺九龍灣飛的去.....

冇去九展一排又真係唔同哂喎, 新嘅一樣...不過真係好鬼唔就腳, 睇怕冇乜嘢都唔會再嚟...

兜完一大輪終於到咗演唱會場館....嘩!確係超細, 啲坐位又唔多好坐.......可能坐側邊啦, 唔係對正個台,坐到側側膀咁, 真係頸都緊埋...............

其實個演唱會確係好短吓, 兩粒鐘都冇....舞台設計亦都好簡單,佢唱咗成晚都係換咗一套衫....lee啲門面嘢確係好似唔多吸引....不過.....憶蓮嘅唱功確係冇得頂, 真係好有水準.....不過可惜....佢啲歌實在太冷門, 聽咗粒幾鐘都係得6、7首歌係識....有好多真係連聽都未聽過!

不過都好在, 佢都唱咗一首我極喜歡嘅歌"願" (晚九朝五嗰首歌)....真係好好好好聽!

知唔知係邊首呀....啲歌詞係咁架:

最美一幕　還未閉幕
最闊的路在塵世遠方
最好知己永在身旁
聽我講　我從不說謊
我想相聚　誰便再聚
我想歡樂便隨意去追
我想相信　我做得對
想到人極疲累

我自信有日如願
縱使天高地厚
仍被我逆轉
假使一生會沒了沒完
總有日會如願
當結局未揭穿