大廚駕到...

好友老趙星期六無啦啦話星期日嚟我屋企開飯, 佢重話要親自下廚, 煮番幾味比我同佢女友一齊食....嘩!難得有人自動獻身煮嘢我食, 緊係無任歡迎啦!

 

話哂過門都係客嘛, 作為主人家都要準備少少食物招待朋友, 呢次整個新嘗試, 芒果卷蛋, 第一次試呢個食譜又好耐冇整卷蛋,真係有啲緊張, 好在最後都成功啫!

至於朋友仔呢, 佢都係新嘗試喎!

 

最後整咗呢幾味:

香煎鯪魚餅
椒鹽黄金蝦
特色煎鷄翼⋯⋯
鯪魚球生莱湯

真係唔錯呢! 又係食到超級飽喔!