放飛機

上個禮拜同骨妹行完街街去咗和民食晚飯,唔知點解睇到個menu好似冇乜嘢特別好想食,反而見到午餐個menu啲set lunch好鬼吸引,又唔算貴(比起我平時喺公司附近個food court嗰啲set lunch簡直算抵添呀,重坐得舒服啲添!)....於是就諗住今日放假去試吓!骨妹重話可以鼠出嚟陪我食lunch添....不過....今朝都係比睡魔纏擾住,趕唔切起身約骨妹食飯....

之但係一個人都要食lunch加ma,所以最後都係一條友去咗和民食(好彩過咗lunch time得番小貓三四隻,一條友食嘢都唔算好樣衰).....唔好意思呀骨妹放咗你飛機...下次放假(我又起得切身嘅話)再約你食過吖!

叫咗至貴嗰個set lunch"什錦壽司飯",查實都係五十零蚊咋,重有沙律同麵豉湯架.....

包埋餐茶一杯,不過我都係好老土咁揀番熱檸茶.....