尋日難得排骨仔無啦啦放假,咁啱二家姐又拎咗6張迪仕尼嘅免費飛,二家姐又諗住星期五應該少啲人,於是佢就約咗我同大家姐去,當然唔少得二庶孤,排骨仔同師師奶嗰份啦! 我哋一行六人10點就去到迪仕尼,閒日果然係少啲人,不過由於落雨嘅關係....好鬼凍呀
!
著到成隻稯咁,重要拎住把遮添
....不過好彩唔算大雨,下晝重停咗雨呀!
上次掛住玩冇同米奇同米妮影相,今次終於可以同佢哋合照喇,為咗lee張合照排咗半粒鐘呀隊!
由於冇乜人又有得拎fast pass嘅關係,我哋足足玩咗4次巴司光年,好玩呀!
連space mountain都玩咗三次
,排骨仔同肥師奶都有玩呀,排骨仔重一啲都唔驚呀,話想再玩!不過肥師奶重攪嘢,一路驚到喊一路話玩,坐到第三次佢隻眼仔真係紅哂,眼濕濕話驚
,真係驚佢會嚇親,不過坐完又話好玩又話"都唔驚嘅"
,真係比佢笑鬼死!
不過頭兩次玩space mountain都影唔清楚個樣,最後嗰次終於影到喇,重可以擺埋post添呀!
(坐喺頭嗰兩位係路人甲同路人乙,我隔離就係排骨仔,後面係肥師奶,大家姐就坐咗喺肥師奶隔離)
沒有留言:
發佈留言